သမိုင်းကို တည့်မတ်စွာ ရှုမြင်မှသာလျှင် လမ်းလွဲသို့ ထပ်မံမလျှောက်လှမ်းရအောင် ကာကွယ်နိုင်မည်ဟု ဝမ်ရိ ပြောကြား

ကူမင်း၊ ဩဂုတ် ၁၆ ရက် (ဆင်ဟွာ)

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် (၁၀) ကြိမ်မြောက် လန်ချန်း-မဲခေါင် ပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးအပြီး ဩဂုတ် ၁၅ ရက် ပူးတွဲသတင်းစာရှင်းလင်းပွဲတွင် သမိုင်းနှင့်စပ်လျဉ်း၍ တရုတ်နိုင်ငံ၏ ရပ်တည်ချက်အား ရှင်းလင်းပြောကြားခဲ့သည်။
ဝမ်ရိက မိမိအနေဖြင့် ယနေ့အခါသမယတွင် တရုတ်နိုင်ငံ၏ ရပ်တည်ချက်အား ရှင်းလင်းစွာ ပြောကြားရဦးမည်ဖြစ်ကြောင်း ၊ လွန်ခဲ့သည့် နှစ်ပေါင်း ၈၀ က ယနေ့အချိန်တွင် ဂျပန်စစ်ရှုံး၍ ပေ့ါစ်ဒမ်ကြေညာချက်လက်ခံခဲ့ပြီး ခြွင်းချက်မရှိ လက်နက်ချသည်ဟု ကြေညာခဲ့ကြောင်း၊ ယင်းနှစ်က ဂျပန်စစ်ဝါဒီများ ကျူးကျော်စစ်ဆင်နွှဲခဲ့ရာ တရုတ်နိုင်ငံနှင့် အာရှနိုင်ငံအသီးသီး ပြည်သူများအတွက် ကြီးမားနက်ရှိုင်းသည့် ကပ်ဘေးကို သယ်ဆောင်ခဲ့သလို ဂျပန်ပြည်သူများမှာလည်း ၎င်း၏ဒုက္ခကို ခါးစည်းခံခဲ့ရကြောင်း ပြောကြားခဲ့သည်။
ကိုင်ရိုကြေညာချက်၊ ပေါ့စ်ဒမ်ကြေညာချက် စသည့် နိုင်ငံတကာစာတမ်းများတွင် ဂျပန်၏ စစ်ပွဲတာဝန်ဝတ္တရားကို အတိအလင်းဖော်ပြထားရာ ထိုင်ဝမ် အပါအဝင် တရုတ်နိုင်ငံမှ အတင်းအဓမ္မလုယူထားသည့် နယ်မြေပိုင်နက်အားလုံးကို တရုတ်နိုင်ငံသို့ ပြန်လည်ပေးအပ်ရန် တောင်းဆိုခဲ့ကြောင်း၊ ယင်းမှာ ကမ္ဘာ့ဖက်ဆစ်တော်လှန်ရေးစစ်ပွဲ၏ စိန်ခေါ်၍မရသည့် အောင်မြင်မှုရလဒ်ဖြစ်သလို စစ်မက်အလွန် နိုင်ငံတကာစည်းစနစ်၏ အရေးကြီးဖွဲ့စည်းပုံ အစိတ်အပိုင်းလည်း ဖြစ်ကြောင်း၊ သို့သော် ယနေ့အချိန်အထိ ဂျပန်အင်အားစုအချို့က ကျူးကျော်မှုကို တန်ဆာဆင်ရန်၊ ကျူးကျော်မှုကို ငြင်းဆန်ရန်၊ သမိုင်းကို ပုံပြောင်းရန်၊ သမိုင်းကိုပြင်ရေးရန် ကြိုးပမ်းနေဆဲဖြစ်ရုံသာမက ထိုစဉ်က စစ်ရာဇဝတ်သားများအတွက် ပြောင်းပြန်လှန် အသက်သွင်းရန် ကြိုးပမ်းလျက်ရှိကြောင်း၊ ယင်းလုပ်ရပ်မှာ စက်ဆုပ်ဖွယ်ရာဖြစ်သလို မိမိကိုယ်ကို အရှက်ခွဲ ဂုဏ်သိက္ခာချခြင်းလည်းဖြစ်ကြောင်း၊ ကုလသမဂ္ဂပဋိညာဉ်စာတမ်းအပေါ် စိန်ခေါ်ခြင်း၊ စစ်ပွဲအလွန် နိုင်ငံတကာစည်းစနစ်အပေါ် စိန်ခေါ်ခြင်း၊ လူသားမျိုးနွယ်၏ ဓမ္မအသိအပေါ် စိန်ခေါ်ခြင်း ဖြစ်သလို စစ်ပွဲအောင်နိုင်သည့် နိုင်ငံ၏ ပြည်သူများအပေါ် စိန်ခေါ်ခြင်းလည်း ဖြစ်ကြောင်း၊ သမိုင်းကို တည့်မတ်စွာ ရှုမြင်မှသာလျှင် လေးစားမှုကို ရရှိနိုင်မည်ဖြစ်ပြီး သမိုင်းကို သင်ခန်းစာယူမှသာလျှင် အနာဂတ်ကို ဖွင့်လှစ်နိုင်မည် ဖြစ်သလို အတိတ်ကိုမမေ့လျော့မှသာလျှင် လမ်းလွဲသို့ ထပ်မံမလျှောက်လှမ်းရအောင် ကာကွယ်နိုင်မည်ဖြစ်ကြောင်း၊ ဂျပန်က မှန်ကန်သည့် ရွေးချယ်မှုပြုရန် မိမိတို့ တိုက်တွန်းကြောင်း ၎င်းက ပြောကြားခဲ့သည်။ (Xinhua)

—————–
(Chinese Version)
王毅：只有正视历史，才能防止再误入歧途
新华社昆明8月15日电（记者董雪、彭奕凯）8月15日，中共中央政治局委员、外交部长王毅在澜湄合作第十次外长会后共同会见记者时，就历史问题阐明中方立场。
王毅说，我还要就今天这个日子表明中方的立场。80年前的今天，日本战败，接受波茨坦公告，宣布无条件投降。当年日本军国主义者发动的侵略战争，给中国和亚洲各国人民带来深重灾难，日本人民也深受其害。开罗宣言、波茨坦公告等一系列国际文件明确了日本的战争责任，要求日本把从中国所窃取的领土包括台湾归还中国。这是世界反法西斯战争不容挑战的胜利成果，也是战后国际秩序的重要组成部分。但时至今日，日本一些势力仍然试图美化侵略、否认侵略、歪曲历史、篡改历史，甚至为当年的战争罪犯翻案招魂，这一行径令人不齿，也是自取其辱，是对联合国宪章的挑战，对战后国际秩序的挑战，对人类良知的挑战，也是对所有战胜国人民的挑战。只有正视历史，才能获得尊重；只有以史为鉴，才能开辟未来；只有前事不忘，才能防止再误入歧途。我们敦促日本作出正确的选择。（完）
1. 8月15日，澜沧江－湄公河合作第十次外长会在云南安宁举行。中共中央政治局委员、外交部长王毅和泰国外长玛里共同主持会议，柬埔寨副首相兼外交大臣布拉索昆、老挝外长通沙万、缅甸外长丹穗、越南副总理兼外长裴青山出席。 新华社记者 彭奕凯 摄