ရှန်ဟိုင်းပူးပေါင်းဆောင်ရွက်မှုအဖွဲ့ (SCO)

ပေကျင်း၊ ဩဂုတ် ၂၉ ရက် (ဆင်ဟွာ)
၂၀၂၅ ခုနှစ် ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ထိပ်သီးအစည်းအဝေးကို ဩဂုတ် ၃၁ ရက်မှ စက်တင်ဘာ ၁ ရက်အထိ တရုတ်နိုင်ငံ ထျန်းကျင်းမြို့၌ ကျင်းပမည်ဖြစ်သည်။
ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ကို ၂၀၀၁ ခုနှစ် ဇွန်လ ၁၅ ရက်က တရုတ်နိုင်ငံ ရှန်ဟိုင်းမြို့တွင် တည်ထောင်ခဲ့ခြင်းဖြစ်ရာ စတင်တည်ထောင်သည့်အဖွဲ့ဝင်နိုင်ငံများမှာ တရုတ်၊ ရုရှား၊ ကာဇက်စတန်၊ ကာဂျစ္စတန်၊ တာဂျစ်ကစ္စတန်နှင့် ဥဇဘက်ကစ္စတန်နိုင်ငံတို့ ဖြစ်ကြသည်။ ၂၀၁၇ ခုနှစ် ဇွန်လ၌ ကျင်းပသည့် SCO အဖွဲ့ဝင်နိုင်ငံများ၏ ၁၇ ကြိမ်မြောက် နိုင်ငံတော်အကြီးအကဲများကောင်စီ အစည်းအဝေးတွင် အိန္ဒိယနှင့် ပါကစ္စတန်တို့အား အဖွဲ့ဝင်အဖြစ် ခွင့်ပြုရန် ဆုံးဖြတ်အတည်ပြုခဲ့သည်။ ၂၀၂၃ ခုနှစ် ဇူလိုင်လ၌ ကျင်းပသည့် SCO အဖွဲ့ဝင်နိုင်ငံများ၏ ၂၃ ကြိမ်မြောက် နိုင်ငံတော်အကြီးအကဲများကောင်စီ အစည်းအဝေးတွင် အီရန်အား အဖွဲ့ဝင်နိုင်ငံအဖြစ် တရားဝင်လက်ခံခဲ့သည်။ ၂၀၂၄ ခုနှစ် ဇူလိုင်လ၌ ကျင်းပသည့် SCO အဖွဲ့ဝင်နိုင်ငံများ၏ ၂၄ ကြိမ်မြောက် နိုင်ငံတော်အကြီးအကဲများကောင်စီ အစည်းအဝေးတွင် ဘီလာရုစ်ကို SCO အဖွဲ့ဝင်အဖြစ် တရားဝင် ခွင့်ပြုခဲ့ရာ အဖွဲ့ဝင်နိုင်ငံ အရေအတွက်သည် ပထမဆုံး အကြိမ်အဖြစ် ဆယ်ဂဏန်းအထိ ဖော်ဆောင်နိုင်ခဲ့သည်။

SCO သည် မျက်မှောက်ကမ္ဘာတွင် နယ်နိမိတ်အကျယ်ဝန်းဆုံး၊ လူဦးရေအများဆုံးသော ဘက်စုံ ဒေသတွင်းအဖွဲ့အစည်းဖြစ်သည်။ လက်ရှိ SCO တွင် တရားဝင် အဖွဲ့ဝင်နိုင်ငံ ၁၀ နိုင်ငံ၊ လေ့လာသူနိုင်ငံ ၂ နိုင်ငံ (အာဖဂန်နစ္စတန်၊ မွန်ဂိုလီးယား) ၊ ဆွေးနွေးဖက်နိုင်ငံ ၁၄ နိုင်ငံ (အဇာဘိုင်ဂျန်၊ အာမေးနီးယား၊ ကမ္ဘောဒီးယား၊ နီပေါ၊ တူကီယဲ၊ သီရိလင်္ကာ၊ ဆော်ဒီအာရေဗျ၊ အီဂျစ်၊ ကာတာ၊ ဘာရိန်း၊ မော်လ်ဒိုက်၊ ယူအေအီး၊ ကူဝိတ်၊ မြန်မာ) ရှိပေသည်။

SCO သည် အဖွဲ့အတွင်း “အပြန်အလှန် ယုံကြည်မှု၊ အပြန်အလှန် အကျိုးဖြစ်ထွန်းမှု၊ တန်းတူညီမျှရှိမှု၊ ဆွေးနွေးညှိနှိုင်းမှု၊ အနမတဂ္ဂ ယဉ်ကျေးမှုများအား လေးစားမှု၊ ဘုံဖွံ့ဖြိုးတိုးတက်ရေးအား ကြိုးပမ်းမှု” ဟူသော “ရှန်ဟိုင်းစိတ်ဓာတ်” ကို လေးစားလိုက်နာပြီး အဖွဲ့ပြင်ပအပေါ် မဟာမိတ်မဖွဲ့ခြင်း၊ အခြားနိုင်ငံနှင့်ဒေသများအား ပစ်မှတ်မထားခြင်းနှင့် တံခါးဖွင့်လှစ်ခြင်း အခြေခံမူကို လက်ကိုင်ထားကျင့်သုံးလျက်ရှိသည်။

SCO တွင် အမြဲတမ်းအဖွဲ့အစည်းနှစ်ခုရှိရာ ၎င်းတို့မှာ တရုတ်နိုင်ငံ မြို့တော်ပေကျင်းရှိ အတွင်းရေးမှူးရုံးနှင့် ဥဇဘက်ကစ္စတန် မြို့တော်တက်ရှ်ကန့်ရှိ ဒေသတွင်းအကြမ်းဖက်မှုတိုက်ဖျက်ရေးအဖွဲ့ အမှုဆောင်ကော်မတီတို့ အသီးသီးဖြစ်ကြသည်။
SCO အဖွဲ့ဝင် နိုင်ငံတော်အကြီးအကဲများကောင်စီသည် SCO ၏ ထိပ်တန်းမူဝါဒဆုံးဖြတ်ချက်များ ချမှတ်သည့် အဖွဲ့အစည်းဖြစ်ပြီး နှစ်စဉ် နှစ်ပတ်လည်အစည်းအဝေးတစ်ကြိမ် ကျင်းပ၍ အဖွဲ့အတွင်း အရေးကြီးအရေးကိစ္စများနှင့်စပ်လျဉ်း၍ ဆုံးဖြတ်ချက်နှင့် လမ်းညွှန်ချက် ချမှတ်ပေးသည်။

SCO တည်ထောင်သည့် ၂၄ နှစ်ကြာကာလတွင် ကောင်းမွန်၊ တည်ငြိမ်စွာ ဖွံ့ဖြိုးတိုးတက်သည့် အရှိန်အဟုန်ကို အစဉ်တစိုက် ထိန်းသိမ်းထားရာ ဒေသတွင်းအဖွဲ့အစည်း၏ ပူးပေါင်းဆောင်ရွက်ရေးနှင့် တိုးတက်ရေး အသွင်သစ် လမ်းကြောင်းတစ်ခုကို အောင်မြင်စွာ စူးစမ်းရှာဖွေနိုင်ခဲ့သည်။ “ရှန်ဟိုင်းစိတ်ဓာတ်” သည် ဤအဖွဲ့အစည်း တစ်နေ့တစ်ခြား ဖွံ့ဖြိုးတိုးတက်၍ အင်အားတောင့်တင်းလာသည့် အယူအဆအခြေခံနှင့် လှုပ်ရှားမှု လမ်းညွှန်ဖြစ်ပြီး ခေတ်သစ်၏ အနှစ်သာရသစ်များ စဉ်ဆက်မပြတ် ဖြည့်တင်းပေးလျက်ရှိသည်။
အက်စ်တာနာ ထိပ်သီးအစည်းအဝေးပြီးနောက် တရုတ်နိုင်ငံသည် SCO အဖွဲ့၏ ၂၀၂၄ ခုနှစ် – ၂၀၂၅ ခုနှစ် အလှည့်ကျ ဥက္ကဋ္ဌတာဝန်ကို လက်ခံခဲ့သည်။ ယင်းသည် တရုတ်နိုင်ငံက ပဉ္စမအကြိမ်မြောက် SCO အဖွဲ့ အလှည့်ကျဥက္ကဋ္ဌ တာဝန်ကို ထမ်းဆောင်ခြင်းဖြစ်သည်။ (Xinhua)

ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ထိပ်သီးအစည်းအဝေး မီဒီယာစင်တာ သိပ္ပံနည်းပညာ သရုပ်ပြဇုန်တွင် လေ့လာကြည့်ရှုနေသည့် မီဒီယာသတင်းထောက်များအား ၂၀၂၅ ခုနှစ် ဩဂုတ် ၂၈ ရက်က တွေ့ရစဉ် (ဆင်ဟွာ)

ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ထိပ်သီးအစည်းအဝေး မီဒီယာစင်တာ မီဒီယာ အများသုံး လုပ်ငန်းဇုန်၌
အလုပ်လုပ်နေကြသော မီဒီယာသတင်းထောက်များအား ၂၀၂၅ ခုနှစ် ဩဂုတ် ၂၈ ရက်က တွေ့ရစဉ် (ဆင်ဟွာ)

——————–
(Chinese Version)
新闻背景｜上海合作组织
新华社北京8月29日电　新闻背景｜上海合作组织 　　新华社记者 　　2025年上海合作组织峰会将于8月31日至9月1日在天津举行。
上合组织于2001年6月15日在上海成立，创始成员国为中国、俄罗斯、哈萨克斯坦、吉尔吉斯斯坦、塔吉克斯坦和乌兹别克斯坦。2017年6月，上海合作组织成员国元首理事会第十七次会议决定给予印度和巴基斯坦成员国地位。2023年7月，上海合作组织成员国元首理事会第二十三次会议正式接收伊朗为成员国。2024年7月，上海合作组织成员国元首理事会第二十四次会议正式批准白俄罗斯加入上合组织，成员国数量首次实现两位数突破。
上合组织是当今世界幅员最广、人口最多的综合性区域组织。目前，上合组织有10个正式成员国，2个观察员国（阿富汗、蒙古国）、14个对话伙伴（阿塞拜疆、亚美尼亚、柬埔寨、尼泊尔、土耳其、斯里兰卡、沙特阿拉伯、埃及、卡塔尔、巴林、马尔代夫、阿联酋、科威特、缅甸）。
上合组织对内遵循“互信、互利、平等、协商、尊重多样文明、谋求共同发展”的“上海精神”，对外奉行不结盟、不针对其他国家和地区及开放原则。
上合组织有两个常设机构，分别是设在北京的秘书处和设在乌兹别克斯坦首都塔什干的地区反恐怖机构执行委员会。
成员国元首理事会是上合组织最高决策机构，每年举行一次会议，就组织内所有重大问题作出决定和指示。
上合组织成立24年来，始终保持健康稳定发展势头，成功探索出一条新型区域组织的合作与发展道路。“上海精神”是本组织日益发展壮大的理念基础和行动指南，并被不断赋予新的时代内涵。
阿斯塔纳峰会后，中国接任上合组织2024－2025年轮值主席国，这是中国第五次担任上合组织轮值主席国。（完）
1. 这是8月28日在2025年上海合作组织峰会新闻中心拍摄的吹风会现场。新华社记者 孙凡越 摄
2. 8月28日，媒体记者在新闻中心科技互动展示区参观。新华社记者 孙凡越 摄
3. 8月28日，媒体记者在新闻中心媒体公共工作区工作。新华社记者 赵子硕 摄