လီချန်နှင့် တောင်ကိုရီးယားနိုင်ငံ သမ္မတ လီဂျေမြောင် တွေ့ဆုံဆွေးနွေး

ပေကျင်း၊ ဇန်နဝါရီ ၇ ရက် (ဆင်ဟွာ)
တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်နှင့် တရုတ်နိုင်ငံသို့ နိုင်ငံတော်ခရီးစဉ် လာရောက်လျက်ရှိသည့် တောင်ကိုရီးယားနိုင်ငံ သမ္မတ လီဂျေမြောင်တို့သည် ဇန်နဝါရီ ၆ ရက် နံနက်ပိုင်းတွင် တရုတ်နိုင်ငံ ပေကျင်းမြို့ တျောက်ယွီထိုင် နိုင်ငံတော်ဧည့်ဂေဟာ၌ တွေ့ဆုံဆွေးနွေးခဲ့သည်။
ထိုသို့တွေ့ဆုံရာတွင် လီချန်က လက်ရှိ နှစ်နိုင်ငံအကြီးအကဲများ၏ မဟာဗျူဟာမြောက် ဦးဆောင်မှုအောက်တွင် တရုတ်-တောင်ကိုရီးယားဆက်ဆံရေးသည် အသွင်သစ်များ ပေါ်ထွက်နေကြောင်း၊ ယမန်နေ့က သမ္မတ ရှီကျင့်ဖိန်နှင့် အဆွေတော် သမ္မတတို့ တွေ့ဆုံဆွေးနွေးခဲ့ရာ တရုတ်-တောင်ကိုရီးယား မဟာဗျူဟာမြောက် ပူးပေါင်းဆောင်ရွက်မှု မိတ်ဖက်ဆက်ဆံရေး ဖွံ့ဖြိုးတိုးတက်မှု နက်ရှိုင်းစေရေးအတွက် မဟာဗျူဟာမြောက် လမ်းညွှန်မှု လုပ်ဆောင်ခဲ့ပြီး အားကောင်းသော တွန်းအားများ ဖြည့်တင်းပေးခဲ့ကြောင်း ပြောကြားခဲ့သည်။
တရုတ်နိုင်ငံအနေဖြင့် တောင်ကိုရီးယားနှင့် ဆက်ဆံရေးကို အိမ်နီးချင်းနိုင်ငံများနှင့် သံတမန်ဆက်ဆံရေးတွင် အရေးကြီးနေရာ၌ အစဉ်အမြဲ ထားရှိကြောင်း၊ တောင်ကိုရီးယားနှင့်အတူ အိမ်နီးချင်းနိုင်ငံများနှင့် သင့်မြတ်ချစ်ကြည်ရင်းနှီးမှုကို အခိုင်အမာ လက်ကိုင်ထားရန်၊ မဟာဗျူဟာချိတ်ဆက်မှုကို မြှင့်တင်ရန်၊ နိုင်ငံရေး အပြန်အလှန်ယုံကြည်မှု ခိုင်မြဲစေရန်၊ မတူကွဲပြားမှုများကို ထားရှိ၍ တူညီမှုများကို ရှာဖွေခြင်း၊ တူညီမှုများကို စုစည်း၍ မတူကွဲပြားမှုများကို ပြေလျော့စေခြင်းတို့ လုပ်ဆောင်ရန်၊ နှစ်နိုင်ငံဆက်ဆံရေးက မှန်ကန်သော လမ်းကြောင်းထက်တွင် အဆက်မပြတ် ရှေ့သို့တိုးတက်လာမှုကို တွန်းအားပေးရန်၊ နှစ်နိုင်ငံပြည်သူများအား ပိုမိုကောင်းမွန်စွာ အကျိုးဖြစ်ထွန်းစေရန် လုပ်ဆောင်သွားလိုကြောင်း ၎င်းက ပြောကြားခဲ့သည်။
တရုတ်နှင့် တောင်ကိုရီးယားသည် အပြန်အလှန်၏ အရေးကြီး ကုန်သွယ်စီးပွားရေးမိတ်ဖက်ဖြစ်ကြောင်း၊ သံတမန်ဆက်ဆံရေး ထူထောင်သည့် နှစ်ပေါင်း ၃၀ ကျော်အတွင်း၌ စီးပွားရေးအရ အပြန်အလှန် ဖြည့်ဆည်းပေးမှု အားသာချက်ကို အပြည့်အဝအသုံးပြုကာ ပြည့်ဝသော ပူးပေါင်းဆောင်ရွက်မှုရလဒ်များ ရရှိခဲ့ပြီး အတူတကွဖွံ့ဖြိုးတိုးတက်မှုကို အင်တိုက်အားတိုက် မြှင့်တင်ခဲ့ကြောင်း လီချန်က ထောက်ပြ ပြောကြားခဲ့သည်။ နှစ်နိုင်ငံ၏ စီးပွားရေးဆက်သွယ်မှု နီးကပ်ခြင်း၊ ပို့ဆောင်ဆက်သွယ်ရေး ထိရောက်မှုမြင့်မားခြင်း၊ ကုန်ထုတ်လုပ်ငန်းနှင့် ပံ့ပိုးရေးကွင်းဆက် နက်ရှိုင်းစွာ အပြန်အလှန် ချိတ်ဆက်နေခြင်းတို့ကြောင့် သူနိုင်၊ ကိုယ်နိုင် ယှဉ်ပြိုင်သည့်အတွေးအခေါ်အား စွန့်လွှတ်ပြီး ကောင်းမွန်သော ပူးပေါင်းဆောင်ရွက်မှုနှင့် ယှဉ်ပြိုင်မှု ပေါင်းစပ်ခြင်းကို အခိုင်အမာ လက်ကိုင်ထားကာ ပူးပေါင်းဆောင်ရွက်မှုကို မြှင့်တင်ခြင်းဖြင့် အပြန်အလှန် ဖွံ့ဖြိုးတိုးတက်မှုအတွက် ပိုမိုများပြားသော သေချာရေရာမှုများ ပံ့ပိုးပေးသင့်ကြောင်း ၎င်းက ပြောကြားခဲ့သည်။
တရုတ်နိုင်ငံအနေဖြင့် တောင်ကိုရီးယားနှင့်အတူ ဈေးကွက်တံခါးဖွင့်ကာ အပြန်အလှန်ချိတ်ဆက်မှုကို မြှင့်တင်ခြင်း၊ အဆင့်မြင့်ကုန်ထုတ်လုပ်မှု၊ ဉာဏ်ရည်တု (AI)၊ စွမ်းအင်သစ် စသည့် ထွန်းသစ်စကဏ္ဍများ၌ ပူးပေါင်းဆောင်ရွက်မှုကို တက်ကြွစွာ တွန်းအားပေးဖော်ဆောင်ခြင်း၊ ကုန်ထုတ်လုပ်ငန်း ပေါင်းစည်းချိတ်ဆက်မှုအား နက်ရှိုင်းစွာဖော်ဆောင်ခြင်း၊ ဖွံ့ဖြိုးတိုးတက်မှု တွန်းအားသစ်များ လက်တွဲပျိုးထောင်ခြင်းတို့ လုပ်ဆောင်သွားရန် ဆန္ဒရှိကြောင်း၊ တောင်ကိုရီးယား လုပ်ငန်းကုမ္ပဏီများ တရုတ်နိုင်ငံ၌ ရင်းနှီးမြှုပ်နှံမှုအား တိုးချဲ့ရန် တရုတ်နိုင်ငံက ကြိုဆိုကြောင်း၊ တောင်ကိုရီးယားဘက်က တရုတ်လုပ်ငန်းကုမ္ပဏီများ တောင်ကိုရီးယားသို့ သွားရောက် ရင်းနှီးမြှုပ်နှံရန်အတွက် အဆင်ပြေချောမွေ့မှုများ ပံ့ပိုးပေးရန် မျှော်လင့်ကြောင်း ၎င်းက ပြောကြားခဲ့သည်။
တရုတ်နှင့် တောင်ကိုရီးယားတို့အတူ နိုင်ငံစုံပူးပေါင်းဆောင်ရွက်မှုဝါဒ၊ လွတ်လပ်စွာကုန်သွယ်ရေးကို အခိုင်အမာ လက်ကိုင်ထားခြင်း၊ နိုင်ငံတကာ တရားမျှတမှုနှင့် သမာသမတ်ကျမှုကို ကာကွယ်ထိန်းသိမ်းခြင်းဖြင့် ဒေသတွင်းမှ ကမ္ဘာကြီးအထိ ငြိမ်းချမ်းမှု၊ တည်ငြိမ်မှုနှင့် ဖွံ့ဖြိုးတိုးတက်မှုကို မြှင့်တင်ရန်အတွက် အကျိုးထမ်းဆောင်သင့်ကြောင်း လီချန်က ပြောကြားခဲ့သည်။
လီဂျေမြောင်က မိမိအနေဖြင့် ယမန်နေ့က သမ္မတ ရှီကျင့်ဖိန်နှင့် အောင်မြင်စွာ တွေ့ဆုံဆွေးနွေးခဲ့ပြီး တောင်ကိုရီးယား-တရုတ် မဟာဗျူဟာမြောက် မိတ်ဖက်ဆက်ဆံရေး ဖွံ့ဖြိုးတိုးတက်မှုအတွက် အရေးကြီး သဘောတူညီချက်များ ရရှိခဲ့ကြောင်း၊ တောင်ကိုရီးယားနှင့် တရုတ်သည် နီးကပ်သော အိမ်နီးချင်းနှင့် ချစ်ကြည်ရင်းနှီးသော အိမ်နီးချင်းများဖြစ်ကြောင်း၊ တောင်ကိုရီးယားအနေဖြင့် တရုတ်နိုင်ငံနှင့် ဆက်ဆံရေးကို များစွာအလေးထားပြီး အပြန်အလှန်၏ အဓိကအကျိုးစီးပွားအား လေးစားခြင်း၊ နှစ်ဖက်တွေ့ဆုံဆွေးနွေးမှုနှင့် သွားလာဆက်ဆံမှုကို နီးကပ်စေခြင်း၊ ကုန်သွယ်စီးပွားရေး စသည့်ကဏ္ဍစုံ အပြန်အလှန်အကျိုးပြုသော ပူးပေါင်းဆောင်ရွက်မှုများကို နက်ရှိုင်းစေခြင်းတို့ လုပ်ဆောင်သွားကာ ခေတ်ကာလအချိန်နှင့်တစ်ပြေးညီ ပူးပေါင်းဆောင်ရွက်၍ ဘုံအကျိုးစီးပွားဖော်ဆောင်ခြင်းဖြင့် နှစ်နိုင်ငံပြည်သူများအတွက် ပိုမိုများပြားသော အကျိုးစီးပွားများ သယ်ဆောင်လာပေးရန် ဆန္ဒရှိကြောင်း ပြောကြားခဲ့သည်။
တောင်ကိုရီးယားအနေဖြင့် တောင်ကိုရီးယားလုပ်ငန်းကုမ္ပဏီများ တရုတ်နိုင်ငံနှင့် ပူးပေါင်းဆောင်ရွက်မှု ချဲ့ထွင်ခြင်းကို တက်ကြွစွာအားပေးလျက်ရှိပြီး တရုတ်လုပ်ငန်းကုမ္ပဏီများ တောင်ကိုရီးယားနိုင်ငံ၌ လာရောက်ရင်းနှီးမြှုပ်နှံ၍ လုပ်ငန်းထူထောင်ခြင်းကို ကြိုဆိုကြောင်း၊ တောင်ကိုရီးယားအနေဖြင့် တရုတ်ဘက်နှင့်အတူ ဘက်စုံချိတ်ဆက်ညှိနှိုင်းမှုကို မြှင့်တင်ခြင်း၊ လွတ်လပ်စွာကုန်သွယ်ရေးအား အတူတကွ ကာကွယ်ထိန်းသိမ်းခြင်း၊ ဒေသတွင်းနှင့် နိုင်ငံတကာ ငြိမ်းချမ်းတည်ငြိမ်မှုကို မြှင့်တင်ခြင်းတို့ လုပ်ဆောင်သွားလိုကြောင်း ၎င်းက ပြောကြားခဲ့သည်။
အထက်ပါ တွေ့ဆုံဆွေးနွေးပွဲသို့ ဝူကျိန့်လုန် တက်ရောက်ခဲ့ကြောင်း သိရသည်။ (Xinhua)

တရုတ်နိုင်ငံ ပေကျင်းမြို့ တျောက်ယွီထိုင် နိုင်ငံတော်ဧည့်ဂေဟာ၌ တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်နှင့် တရုတ်နိုင်ငံသို့ နိုင်ငံတော်ခရီးစဉ် လာရောက်လျက်ရှိသည့် တောင်ကိုရီးယားနိုင်ငံ သမ္မတ လီဂျေမြောင်တို့ ၂၀၂၆ ခုနှစ် ဇန်နဝါရီ ၆ ရက် နံနက်ပိုင်းတွင် တွေ့ဆုံဆွေးနွေးစဉ် (ဆင်ဟွာ)

——————-
(Chinese Version)
李强会见韩国总统李在明
新华社北京1月6日电（记者董雪）1月6日上午，国务院总理李强在北京钓鱼台国宾馆会见来华进行国事访问的韩国总统李在明。
李强表示，当前，在两国元首战略引领下，中韩关系呈现新气象。昨天，习近平主席同总统先生举行会谈，为深化发展中韩战略合作伙伴关系作出战略指引，注入强劲动力。中方始终将对韩关系置于周边外交的重要位置，愿同韩方一道坚持睦邻友好，加强战略沟通，巩固政治互信，求同存异、聚同化异，推动两国关系沿着正确轨道不断向前发展，更好惠及两国人民。
李强指出，中韩互为重要经贸伙伴，建交30多年来充分发挥经济互补优势，取得丰硕合作成果，有力促进了共同发展。两国的经济联系紧密，交通运输高效，产供链深度互嵌，应当摒弃零和思维，坚持良性竞合，通过加强合作为彼此发展提供更多确定性。中方愿同韩方加强市场开放联通，积极推进高端制造、人工智能、新能源等新兴领域合作，深化产业融合对接，携手培育新的发展动能。中方欢迎韩国企业扩大对华投资，希望韩方为中国企业赴韩投资提供便利。中韩应当一道坚持多边主义、自由贸易，维护国际公平正义，为促进地区乃至世界的和平、稳定与发展贡献力量。
李在明表示，昨天我同习近平主席举行了成功会谈，就推动韩中战略合作伙伴关系发展达成重要共识。韩中是近邻和友邻，韩方高度重视对华关系，愿尊重彼此核心利益，密切双边对话交往，深化经贸等各领域互惠合作，与时俱进、合作共赢，为两国人民带来更多福祉。韩方积极鼓励韩国企业扩大对华合作，欢迎中国企业赴韩投资兴业。韩方愿同中方加强多边沟通协调，共同维护自由贸易，促进地区和国际和平稳定。
吴政隆参加会见。（完）
图说：1月6日上午，国务院总理李强在北京钓鱼台国宾馆会见来华进行国事访问的韩国总统李在明。 新华社记者 黄敬文 摄