တရုတ်-အာဆီယံကုန်စည်ပြပွဲက စီးပွားရေးဆက်ဆံမှုနှင့် ဒေသတွင်းပေါင်းစည်းမှုကို မြှင့်တင်ပေးဟု ပညာရှင်ဆို

ဟနွိုင်း၊ စက်တင်ဘာ ၂၀ (ဆင်ဟွာ)
၂၂ ကြိမ်မြောက် တရုတ်-အာဆီယံ ကုန်စည်ပြပွဲ (CAEXPO) သည် တရုတ်နှင့် အရှေ့တောင်အာရှနိုင်ငံများအသင်း (အာဆီယံ) နိုင်ငံများကြား စီးပွားရေးဆက်ဆံမှုနှင့် ဒေသတွင်းပေါင်းစည်းမှု အားကောင်းလာစေရန်အတွက် အရေးကြီးသော ပလက်ဖောင်းတစ်ခုဖြစ်ကြောင်း ဗီယက်နမ်စီးပွားရေးပညာရှင် Bui Lien Thao က စက်တင်ဘာ ၁၉ ရက်၌ ပြောကြားခဲ့သည်။
“တရုတ်-အာဆီယံကုန်စည်ပြပွဲက စီးပွားရေးတက်ကြွမှုနဲ့ တရုတ်နဲ့ အာဆီယံတစ်ခွင် ကျန်းမာရေးမြှင့်တင်ပေးရေးအတွက် မရှိမဖြစ် အထောက်အကူတစ်ခုဖြစ်လာပါတယ်” ဟု ဗီယက်နမ်စက်မှုနှင့်ကုန်သွယ်ရေးဝန်ကြီးဌာနအောက်ရှိ ဗီယက်နမ်ကုန်သွယ်မှုမြှင့်တင်ရေးဌာနမှ ကျွမ်းကျင်သူ Thao က ပြောကြားခဲ့သည်။
၂၂ ကြိမ်မြောက် တရုတ်-အာဆီယံကုန်စည်ပြပွဲအား တရုတ်နိုင်ငံ တောင်ပိုင်း ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသ မြို့တော်နန်နင်း၌ စက်တင်ဘာ ၁၇ ရက်မှ ၂၁ ရက်အထိ ကျင်းပပြုလုပ်နေစဉ် ၎င်းက ထိုသို့ပြောကြားခဲ့ခြင်းဖြစ်သည်။
“CAEXPO ဟာ အပြန်အလှန်အကျိုးကျေးဇူးတွေကို ပြသခြင်းဖြင့် ရေရှည်တည်တံ့တဲ့ ယုံကြည်မှုကို တည်ဆောက်ပါတယ်” ဟု Thao က ဆင်ဟွာသတင်းဌာနသို့ ပြောကြားခဲ့သည်။
ယခုနှစ်ကုန်စည်ပြပွဲသည် “ဥာဏ်ရည်တုနှင့် အပြာရောင်စီးပွားရေးကဲ့သို့သော ကဏ္ဍများကို စူးစမ်းလေ့လာ၍ အလုပ်အကိုင်ဖန်တီးမှုနှင့် အဆင့်မြင့်နည်းပညာများကို တတ်နိုင်သောလက်လှမ်းမီမှုမှတစ်ဆင့် လူမှုအသိုက်အဝန်းများကို တိုက်ရိုက်အကျိုးဖြစ်ထွန်းစေရန်” လည်း မျှော်မှန်းရကြောင်း Thao က ပြောကြားခဲ့သည်။
Thao က ကုန်သွယ်မှုအပြင် ပြည်သူများအချင်းချင်း ဆက်ဆံမှု၏ အရေးပါမှုကိုလည်း အလေးပေးပြောကြားခဲ့ပြီး ၎င်းတို့မှာ “မကြုံစဖူး အရှိန်အဟုန်ဖြင့်” ထွန်းကားလျက်ရှိကာ ဒေသအနှံ့ ပိုမိုနက်ရှိုင်းသော ယဉ်ကျေးမှုဆိုင်ရာနှီးနွှယ်မှုနှင့် နားလည်မှုတို့အတွက် အခြေခံအုတ်မြစ်အဖြစ် ဆောင်ရွက်လျက်ရှိကြောင်း ဖော်ပြခဲ့သည်။
အဆိုပါကုန်စည်ပြပွဲသည် ထောင်နှင့်ချီသော ပြပွဲပါဝင်တက်ရောက်သူများနှင့် လာရောက်ကြည့်ရှုသူများကို ဆွဲဆောင်နိုင်သည့် ဒစ်ဂျစ်တယ်နည်းပညာအကြောင်းအရာများမှတစ်ဆင့် မတူကွဲပြားသော ရိုးရာဓလေ့များကို ပေါင်းကူးပေးသည်ဟုလည်း Thao က မှတ်ချက်ပြုခဲ့ကြောင်း သိရသည်။ (Xinhua)

၂၂ ကြိမ်မြောက် တရုတ်-အာဆီယံကုန်စည်ပြပွဲကျင်းပပြုလုပ်လျက်ရှိသည့် တရုတ်နိုင်ငံတောင်ပိုင်း ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသ မြို့တော်နန်နင်းရှိ နန်နင်းအပြည်ပြည်ဆိုင်ရာကွန်ဗင်းရှင်းနှင့်ပြပွဲစင်တာ၏ အပြင်ဘက်မြင်ကွင်းတစ်ခုကို ၂၀၂၅ ခုနှစ် စက်တင်ဘာ ၁၇ ရက်က တွေ့ရစဉ် (ဆင်ဟွာ)

၂၂ ကြိမ်မြောက် တရုတ်-အာဆီယံကုန်စည်ပြပွဲကျင်းပပြုလုပ်လျက်ရှိသည့် တရုတ်နိုင်ငံတောင်ပိုင်း ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသ မြို့တော်နန်နင်းရှိ နန်နင်းအပြည်ပြည်ဆိုင်ရာကွန်ဗင်းရှင်းနှင့်ပြပွဲစင်တာ၏ အတွင်းဘက်မြင်ကွင်းတစ်ခုကို ၂၀၂၅ ခုနှစ် စက်တင်ဘာ ၁၇ ရက်က တွေ့ရစဉ် (ဆင်ဟွာ)

တရုတ်နိုင်ငံတောင်ပိုင်း ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသ မြို့တော်နန်နင်းရှိ နန်နင်းအပြည်ပြည်ဆိုင်ရာကွန်ဗင်းရှင်းနှင့်ပြပွဲစင်တာ၌ ကျင်းပပြုလုပ်လျက်ရှိသည့် ၂၂ ကြိမ်မြောက် တရုတ်-အာဆီယံကုန်စည်ပြပွဲအတွင်း လူပုံစံတူစက်ရုပ်တစ်ရုပ်နှင့် လက်ဆွဲနှုတ်ဆက်နေသော ပြပွဲလာရောက်ကြည့်ရှုသူတစ်ဦးကို ၂၀၂၅ ခုနှစ် စက်တင်ဘာ ၁၇ ရက်က တွေ့ရစဉ် (ဆင်ဟွာ)

တရုတ်နိုင်ငံတောင်ပိုင်း ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသ မြို့တော်နန်နင်းရှိ နန်နင်းအပြည်ပြည်ဆိုင်ရာကွန်ဗင်းရှင်းနှင့်ပြပွဲစင်တာ၌ ကျင်းပပြုလုပ်လျက်ရှိသည့် ၂၂ ကြိမ်မြောက် တရုတ်-အာဆီယံကုန်စည်ပြပွဲအတွင်း ဉာဏ်ရည်တုနည်းပညာထည့်သွင်းထားသည့် မီးသတ်စက်ပစ္စည်းများကို ၂၀၂၅ ခုနှစ် စက်တင်ဘာ ၁၇ ရက်က တွေ့ရစဉ် (ဆင်ဟွာ)

…………………..
(English Version)
China-ASEAN Expo boosts economic ties, regional integration: expert
HANOI, Sept. 19 (Xinhua) — The 22nd China-ASEAN Expo (CAEXPO) is a vital platform for strengthening economic ties and regional integration between China and the Association of Southeast Asian Nations (ASEAN) countries, said Bui Lien Thao, a Vietnamese economist, on Friday.
“The China-ASEAN Expo has become an indispensable catalyst for economic vitality and improved well-being across China and ASEAN,” said Thao, a specialist at the Vietnam Trade Promotion Agency under the Ministry of Industry and Trade.
Her remarks came amid the 22nd China-ASEAN Expo in Nanning, capital of south China’s Guangxi Zhuang Autonomous Region, held from Sept. 17 to 21.
“CAEXPO builds lasting trust by showcasing mutual benefits,” Thao told Xinhua.
This year’s expo is also expected “to explore sectors such as artificial intelligence and the blue economy, directly benefiting communities through job creation and affordable access to advanced technologies,” Thao noted.
Beyond trade, she also stressed the importance of people-to-people ties, describing them as flourishing “at an unprecedented pace” and serving as a foundation for deeper cultural affinity and understanding across the region.
Thao also noted that the expo bridges diverse traditions through immersive experiences that engage thousands of participants and visitors. ■
English Caption 1
This photo taken on Sept. 17, 2025 shows a view of Nanning International Convention and Exhibition Center in Nanning, capital of south China’s Guangxi Zhuang Autonomous Region, where the 22nd China-ASEAN Expo is being held. (Xinhua/Cao Yiming)
English Caption 2
This photo taken on Sept. 17, 2025 shows an exterior view of the Nanning International Convention and Exhibition Center in Nanning, capital of south China’s Guangxi Zhuang Autonomous Region, where the 22nd China-ASEAN Expo is being held. (Xinhua/Zhou Tinglu)
English Caption 3
This photo taken on Sept. 17, 2025 shows an interior view of the Nanning International Convention and Exhibition Center in Nanning, capital of south China’s Guangxi Zhuang Autonomous Region, where the 22nd China-ASEAN Expo is being held. (Xinhua/Zhou Tinglu)
English Caption 4
A visitor shakes hands with a humanoid robot during the 22nd China-ASEAN Expo at the Nanning International Convention and Exhibition Center in Nanning, capital of south China’s Guangxi Zhuang Autonomous Region, Sept. 17, 2025. (Xinhua/Hu Qiusi)
English Caption 5
AI-powered firefighting devices are seen during the 22nd China-ASEAN Expo at Nanning International Convention and Exhibition Center in Nanning, capital of south China’s Guangxi Zhuang Autonomous Region, Sept. 17, 2025. (Xinhua/Cao Yiming)