ငါးနှစ်စီမံကိန်းသစ်အတွက် CPC ၏ အကြံပြုချက်များတွင် ခေတ်မီစက်မှုလုပ်ငန်းစနစ် ထူထောင်ရေး၊ လက်တွေ့စီးပွားရေးအခြေခံအား ခိုင်မာအောင် အားဖြည့်ပံ့ပိုးရေးကို ဦးစားပေးအဖြစ် သတ်မှတ်ထားဟု တာဝန်ရှိသူ ပြောကြား

ပေကျင်း၊ အောက်တိုဘာ ၂၄ ရက် (ဆင်ဟွာ)
၁၅ ကြိမ်မြောက် ငါးနှစ်စီမံကိန်းအတွက် တရုတ်ကွန်မြူနစ်ပါတီ (CPC) ၏ အကြံပြုချက်များတွင် ခေတ်မီအသွင်ပြောင်း စက်မှုလုပ်ငန်းစနစ် ထူထောင်ရေး၊ လက်တွေ့စီးပွားရေး၏ အခြေခံအုတ်မြစ်များ ခိုင်မာအောင်တည်ဆောက်ရေးတို့ကို ထိပ်တန်းဦးစားပေးအဖြစ် သတ်မှတ်ထားကြောင်း အကြီးတန်း တာဝန်ရှိသူတစ်ဦးက အောက်တိုဘာ ၂၄ ရက်၌ ပြောကြားခဲ့သည်။
ကျင်းပပြီးစီးသွားပြီဖြစ်သည့် ၂၀ ကြိမ်မြောက် CPC ဗဟိုကော်မတီ၏ စတုတ္ထအကြိမ် မျက်နှာစုံညီအစည်းအဝေး၌ လမ်းညွှန်ချမှတ်ခဲ့သော မူဝါဒများနှင့် စပ်လျဉ်းသည့် သတင်းစာရှင်းလင်းပွဲတွင် တရုတ်နိုင်ငံ အမျိုးသားဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင် အကြီးအကဲဖြစ်သူ ကျိန့်ဆန်းကျယ်က အထက်ပါအတိုင်း ပြောကြားခဲ့ခြင်းဖြစ်သည်။
လျာထားချက်များ ပြည့်မီစေရေးအတွက် သမားရိုးကျ စီးပွားရေးလုပ်ငန်းများကို အဆင့်မြှင့်တင်ရေး၊ ထွန်းသစ်စနှင့် အနာဂတ် စီးပွားရေးလုပ်ငန်းများ ထူထောင်ရေးနှင့် တိုးချဲ့ရေး၊ ဝန်ဆောင်မှုကဏ္ဍ အရည်အသွေးမြင့်မားစွာ ဖွံ့ဖြိုးတိုးတက်မှုကို အားပေးမြှင့်တင်ရေး၊ ခေတ်မီအသွင်ပြောင်း အခြေခံအဆောက်အအုံစနစ် တည်ဆောက်ရေးအတွက် ကြိုးပမ်းသွားမည်ဟု ကျိန့်က ပြောကြားသည်။
ထိုအစည်းအဝေးသို့ တက်ရောက်ခဲ့သူများက စီးပွားရေးနှင့် လူမှုရေး ဖွံ့ဖြိုးတိုးတက်မှုအတွက် ၁၅ ကြိမ်မြောက် ငါးနှစ်စီမံကိန်း ရေးဆွဲရေးဆိုင်ရာ CPC ဗဟိုကော်မတီ၏ အကြံပြုချက်များကို အလေးအနက် ဆွေးနွေးသုံးသပ်ကာ အတည်ပြုခဲ့ကြောင်း သိရသည်။
တရုတ်နိုင်ငံအနေဖြင့် အဓိက လုပ်ငန်းနယ်ပယ်များအား အဆင့်မြှင့်တင်ခြင်းကို အထောက်အကူပေးသွားမည်ဖြစ်ကာ ဓာတုပစ္စည်း၊ စက်ယန္တရားနှင့် သင်္ဘောတည်ဆောက်ရေး စသည့် ကဏ္ဍများအနေဖြင့် နိုင်ငံတကာ၌ ယှဉ်ပြိုင်နိုင်စွမ်းရှိမှုကို စုစည်းခိုင်မာအောင်လုပ်ဆောင်ပြီး အဆင့်မြင့် ကုန်ထုတ်လုပ်ငန်းစုများ ဖွံ့ဖြိုးရေးအတွက်လည်း လုပ်ဆောင်သွားမည်ဖြစ်ကြောင်း အကြံပြုချက်များတွင် ဖော်ပြထားသည်ဟု ကျိန့်က ဆိုသည်။
ထို့အတူ စွမ်းအင်သစ်၊ ကုန်ကြမ်းပစ္စည်းသစ်၊ လေကြောင်းနှင့်အာကာသ၊ ဝေဟင်နိမ့်စီးပွားရေး စသည့် မဟာဗျူဟာကျသော ထွန်းသစ်စ လုပ်ငန်းစုများ ဖွံ့ဖြိုးတိုးတက်မှုကို အရှိန်အဟုန်မြှင့်တင်ရန်နှင့် ကွမ်တမ်နည်းပညာ၊ ဇီဝကုန်ကြမ်းပစ္စည်း ထုတ်လုပ်ရေး၊ ဟိုက်ဒရိုဂျင်စွမ်းအင်နှင့် အဏုမြူပေါင်းစပ်စွမ်းအင်၊ ဦးနှောက်နှင့် ကွန်ပျူတာ ကြားခံဆက်သွယ်ရေးစနစ်၊ လက်တွေ့အခြေအနေနှင့် အပြန်အလှန်ချိတ်ဆက် လုပ်ဆောင်နိုင်သည့် ဉာဏ်ရည်တုစနစ်၊ 6G မိုဘိုင်းဆက်သွယ်ရေးကွန်ရက် စသည့် အနာဂတ် လုပ်ငန်းနယ်ပယ်များကို ပံ့ပိုးအားပေးရန် ကြိုးပမ်းသွားမည်ဟု သိရသည်။
အဆိုပါလုပ်ငန်းများမှာ သိသာထင်ရှားသော တိုးတက်မှုများ ဖြစ်ထွန်းလာရန် အသင့်ရှိနေပြီဖြစ်ကာ လာမည့် ဆယ်စုနှစ်အတွင်း ပေါင်းစပ်ထည့်သွင်းမည့် အတိုင်းအတာသစ်မှာ တရုတ်နိုင်ငံတွင် အလုံးစုံဆန်းသစ်သော နည်းပညာမြင့် လုပ်ငန်းကဏ္ဍတစ်ခု ဖန်တီးခြင်းနှင့်အတူ တရုတ်နိုင်ငံ၏ စီးပွားရေး အရည်အသွေးမြင့်မားစွာ ဖွံ့ဖြိုးတိုးတက်မှုအတွက် အရှိန်အဟုန်များကို စဉ်ဆက်မပြတ် ဖြည့်တင်းပေးမည်ဖြစ်ကြောင်း ကျိန့်က ပြောကြားခဲ့သည်။ (Xinhua)
…………………
(English Version)
CPC’s recommendations for new five-year plan prioritize building modernized industrial system, reinforcing real economy: official
BEIJING, Oct. 24 (Xinhua) — A senior official said Friday that the recommendations of the Communist Party of China (CPC) for the 15th Five-Year Plan have made it a top priority to build a modernized industrial system and reinforce the foundations of the real economy.
Zheng Shanjie, head of the National Development and Reform Commission, made the remarks at a press conference on the guiding principles from the just-concluded fourth plenary session of the 20th CPC Central Committee.
To achieve the target, efforts will be made to upgrade traditional industries, cultivate and expand emerging and future industries, promote the high-quality development of the service sector, and build a modernized infrastructure system, Zheng said.
Participants at the session deliberated on and adopted the Recommendations of the CPC Central Committee for Formulating the 15th Five-Year Plan for Economic and Social Development.
The recommendations have outlined that China will promote the upgrades of key industries, consolidate the international competitiveness of sectors such as chemicals, machinery, and shipbuilding, and develop advanced manufacturing clusters, Zheng said.
Efforts will also be made to accelerate the development of strategic and emerging industry clusters, including new energy, new materials, aerospace, and low-altitude economy, and to foster future industries, such as quantum technology, biomanufacturing, hydrogen energy and fusion energy, brain-computer interfaces, embodied intelligence, and sixth-generation mobile communications.
These industries are poised for significant growth, with the new scale added over the next decade equivalent to creating a whole new high-tech sector in China, thereby injecting continuous momentum into the high-quality development of the country’s economy, Zheng said. Enditem
English Caption
Zheng Shanjie, head of the National Development and Reform Commission, speaks at a press conference held by the Communist Party of China (CPC) Central Committee on the guiding principles from the fourth plenary session of the 20th CPC Central Committee on Oct. 24, 2025. (Xinhua/Jin Liangkuai)