အမေရိကန်နိုင်ငံအနေဖြင့် နှစ်နိုင်ငံဆက်ဆံရေး တည်ငြိမ်စွာ တိုးတက်ရေးအတွက် တရုတ်နိုင်ငံနှင့်အတူ လက်တွဲလုပ်ဆောင်သင့်

ပေကျင်း၊ အောက်တိုဘာ ၃၁ ရက် (ဆင်ဟွာ)

တောင်ကိုရီးယားနိုင်ငံ ဘူဆန်မြို့တွင် အောက်တိုဘာ ၃၀ ရက်၌ တရုတ်နိုင်ငံ သမ္မတ ရှီကျင့်ဖိန်နှင့် အမေရိကန်နိုင်ငံ သမ္မတ ဒေါ်နယ်ထရမ့်တို့ တွေ့ဆုံခဲ့ခြင်းက ၎င်းတို့၏ ဆက်ဆံရေး ခိုင်မာအားကောင်းစေရန် နှစ်နိုင်ငံအတွက် အလွန်အရေးပါသော အခွင့်အလမ်းတစ်ခုကို ဖန်တီးပေးခဲ့သည်။

မရေရာမှုများ ပြည့်နှက်နေသော ကမ္ဘာကြီးတွင် ခေါင်းဆောင်နှစ်ဦးကြား ရရှိခဲ့သော သဘောတူညီမှုများက တရုတ်-အမေရိကန် ဆက်ဆံရေး တည်ငြိမ်စေရေးနှင့် ကမ္ဘာလုံးဆိုင်ရာတည်ငြိမ်မှု မြှင့်တင်ရေးအတွက် ပီပြင်ထင်ရှားသော အနာဂတ်လမ်းကြောင်းတစ်ခုကို ဆောင်ကြဉ်းပေးခဲ့သည်။ ယင်းမှာ တရုတ်-အမေရိကန် ဆက်ဆံရေးကို လမ်းညွှန်ထိန်းမတ်ပေးရာတွင် နိုင်ငံအကြီးအကဲအချင်းချင်း သံခင်းတမန်ခင်းဆက်ဆံရေး၏ အရေးပါသော အခန်းကဏ္ဍကို မီးမောင်းထိုးပြလိုက်ခြင်းလည်းဖြစ်သည်။

အဆိုပါတွေ့ဆုံမှု၌ ရှီက မှတ်ချက်ပြုသကဲ့သို့ပင် လေပြင်းများ၊ လှိုင်းကြမ်းများ၊ စိန်ခေါ်မှုများနှင့် ရင်ဆိုင်နေရချိန်တွင် ခေါင်းဆောင်နှစ်ဦးအနေဖြင့် မှန်ကန်သောလမ်းကြောင်းကို ဆက်လက်ထိန်းသိမ်းကာ ရှုပ်ထွေးသော အခြေအနေများကို ကျော်လွှားဖြတ်သန်းရင်း တရုတ်-အ‌မေရိကန် ဆက်ဆံရေးဟူသော ဧရာမသင်္ဘောကြီးအား တည်တည်ငြိမ်ငြိမ်ဖြင့် ဆက်လက်ခုတ်မောင်းနိုင်ရေးအတွက် အသေအချာလုပ်ဆောင်သင့်ပေသည်။

ယခုနှစ်ဆန်းပိုင်းမှစ၍ ခေါင်းဆောင်နှစ်ဦးမှာ တယ်လီဖုန်းဖြင့် သုံးကြိမ်ဆွေးနွေးခဲ့သလို စာလွှာများကိုလည်း အပြန်အလှန်ပေးပို့ခဲ့ကာ နီးကပ်သော ဆက်ဆံရေးကို ဆက်လက်ထိန်းသိမ်းခဲ့ကြသည်။ ၎င်းတို့၏ အတူတကွ ပဲ့ကိုင်လမ်းညွှန်မှုအောက်တွင် တရုတ်-အမေရိကန် ဆက်ဆံရေးမှာ ယေဘုယျအားဖြင့် တည်တည်ငြိမ်ငြိမ်ရှိနေဆဲဖြစ်သည်။
တရုတ်နှင့် အမေရိကန်တည်းဟူသော ဧရာမသင်္ဘောကြီးနှစ်စင်းမှာ လမ်းချော်တိမ်းစောင်းခြင်း၊ အရှိန်နှေးကွေးခြင်းတို့ မဖြစ်စေဘဲ အတူတကွ ရှေ့ဆက်ခုတ်မောင်းနိုင်ရန်အလို့ငှာ ခေါင်းဆောင်နှစ်ဦး၏ မဟာဗျူဟာမြောက် လမ်းညွှန်ဦးဆောင်မှုကို တစ်သဝေမတိမ်း လိုက်နာပြီး ၎င်းတို့၏ အရေးကြီး သဘောတူညီချက်များကို အပြည့်အဝ အကောင်အထည်ဖော်ရန် မုချလိုအပ်နေသည်ကို ယင်းအခြေအနေက အပြည့်အဝ သက်သေပြုလျက်ရှိသည်။

တရုတ်-အမေရိကန် ဆက်ဆံရေးက ကမ္ဘာကြီး၏ ဦးတည်ရာလမ်းကြောင်းကို လွှမ်းမိုးသက်ရောက်နေသည်။ ခိုင်မာတည်ငြိမ်၍ ရေရှည်တည်တံ့သော နှစ်နိုင်ငံ ဆက်ဆံရေးမှာ ယင်းနှစ်နိုင်ငံစလုံး၏ ရေရှည်အကျိုးစီးပွားများနှင့် ထပ်တူကျနေရုံမျှမက နိုင်ငံတကာအသိုက်အဝန်း၏ မျှော်မှန်းချက်များကိုလည်း ထင်ဟပ်စေသည်။

ရှီ မှတ်ချက်ပြုသကဲ့သို့ပင် နှစ်နိုင်ငံအနေဖြင့် တရားမဝင် ရွှေ့ပြောင်းအခြေချမှုနှင့် ဆက်သွယ်ရေးလိမ်လည်မှု၊ ငွေကြေးခဝါချမှုတိုက်ဖျက်ရေး၊ ဉာဏ်ရည်တုနည်းပညာနှင့် ကူးစက်ရောဂါများကို တုံ့ပြန်ကိုင်တွယ်ရာတွင် အတူလက်တွဲ လုပ်ဆောင်ရေးအတွက် အလားအလာကောင်းများ ရှိနေပြီဖြစ်သည်။ သမ္မတနှစ်ဦး တွေ့ဆုံစဉ်အတွင်း စီးပွားရေး၊ ကုန်သွယ်ရေး၊ စွမ်းအင်နှင့် အခြားနယ်ပယ်များတွင် ပူးပေါင်းဆောင်ရွက်မှု တိုးမြှင့်ရေး၊ ပြည်သူအချင်းချင်း ကူးလူးဆက်ဆံမှုများကို ပိုမိုတွန်းအားပေးရေးအတွက် သဘောတူညီမှုရရှိခဲ့သည်။
ယင်းသည် တရုတ်နိုင်ငံနှင့် အမေရိကန်နိုင်ငံတို့အနေဖြင့် ပူးပေါင်းဆောင်ရွက်ခြင်းကြောင့် အကျိုးကျေးဇူးများရရှိပြီး ထိပ်တိုက်ရင်ဆိုင်ခြင်းကြောင့် ဆုံးရှုံးနစ်နာရသည်ကို ထပ်မံသက်သေပြနေခြင်းဖြစ်သည်။ နှစ်နိုင်ငံအနေဖြင့် ကြီးမားကျယ်ပြန့်သော ဘုံအကျိုးစီးပွားများနှင့် ပူးပေါင်းဆောင်ရွက်နိုင်သော ကျယ်ပြန့်သည့် နယ်ပယ်များလည်းရှိနေသည်။ ၎င်းနှစ်နိုင်ငံအနေဖြင့် မိတ်ဖက်များ၊ မိတ်ဆွေများဖြစ်နိုင်သကဲ့သို့ အပြန်အလှန် တိုးတက်အောင်မြင်မှု၊ အတူတကွ ကြွယ်ဝချမ်းသာမှုတို့ကိုလည်း ရရှိနိုင်မည်ဖြစ်ကာ နှစ်နိုင်ငံပြည်သူများကို အကျိုးပြုနိုင်ရုံသာမက ကမ္ဘာကြီးအတွက်လည်း အထောက်အကူပြုနိုင်မည်ဖြစ်သည်။

နိုင်ငံ၏ သွင်ပြင်လက္ခဏာ အခြေအနေချင်း မတူညီသော နိုင်ငံကြီးနှစ်နိုင်ငံ ဖြစ်သည့်အားလျော်စွာ ကမ္ဘာ့ထိပ်တန်း စီးပွားရေးအင်အားကြီး နိုင်ငံနှစ်နိုင်ငံအနေဖြင့် မကြာခဏ သဘောထားကွဲလွဲမှုများ ရှိနေသည်မှာ ဖြစ်ရိုးဖြစ်စဉ်တစ်ခုသာဖြစ်သည်။ အရေးကြီးသည်မှာ ကိုယ်စီ ပင်မအကျိုးစီးပွားများနှင့် အဓိက အလေးထားစရာ ကိစ္စရပ်များကို အပြန်အလှန်လေးစားရန်၊ ပြဿနာများကို ဖြေရှင်းရန်အတွက် လျော်ကန်သင့်မြတ်သည့် နည်းလမ်းများကို ရှာဖွေရန်ပင်ဖြစ်သည်။

တရုတ်-အမေရိကန် ကုန်သွယ်စီးပွားဆိုင်ရာ ဆက်ဆံရေးမှာ မကြာမီက အနိမ့်အမြင့်၊ အတက်အကျများနှင့် ကြုံတွေ့ခဲ့ရာ ထိုအခြေအနေများက နှစ်နိုင်ငံစလုံးအတွက် ဆုံးရှုံးနစ်နာမှုများ ဖြစ်ပေါ်စေသည့်အပြင် ကမ္ဘာ့စီးပွားရေးကိုလည်း အနုတ်သဘော သက်ရောက်မှုများ ဖြစ်ပေါ်စေခဲ့သည်။ သို့ဖြစ်၍ ကုန်သွယ်စီးပွားဆိုင်ရာ ဆက်ဆံရေးမှာ အတားအဆီး သို့မဟုတ် ပဋိပက္ခများ၏ဆုံမှတ် မဖြစ်သင့်ဘဲ တရုတ်-အမေရိကန် ဆက်ဆံရေးကို ထိန်းမတ်ပေးသော ကျောက်ဆူးအဖြစ်လည်းကောင်း၊ မောင်းနှင်အားအဖြစ်လည်းကောင်း ဆက်လက်အကျိုးပြုနိုင်ရန် နှစ်ဖက်အနေဖြင့် အမြော်အမြင်ကြီးကြီးထားကာ ရေရှည်အကျိုးဖြစ်ထွန်းသော ပူးပေါင်းဆောင်ရွက်မှုကို လက်ခံအသိအမှတ်ပြုပြီး အပြန်အလှန် လက်တုံ့ပြန်သည့် ဆိုးကျိုးသံသရာထဲသို့ သက်ဆင်းကျရောက်ခြင်း မရှိစေရန် သတိပြုရမည်ဖြစ်ပေသည်။ (Xinhua)

အမေရိကန်နိုင်ငံ မြို့တော်ဝါရှင်တန်ရှိ ဂျွန်အက်ဖ်ကနေဒီ အနုပညာဖျော်ဖြေရေးစင်တာ၌ တရုတ်နှစ်သစ်ကူးကာလကို ကြိုဆိုသောအားဖြင့် ကျင်းပသည့် မီးပုံးပြပွဲသို့ လာရောက်လေ့လာနေသူများအား ၂၀၂၂ ခုနှစ် ဇန်နဝါရီ ၂၉ ရက်က တွေ့ရစဉ် (ဆင်ဟွာ)

……………….
(English Version)
Xinhua Commentary: U.S. should work with China to ensure steady progress in bilateral ties
BEIJING, Oct. 30 (Xinhua) — Chinese President Xi Jinping’s meeting with U.S. President Donald Trump on Thursday in Busan, South Korea, offers a vital opportunity for both countries to strengthen their relationship.
In a world full of uncertainties, the consensus reached between the two leaders provides a clear path forward for stabilizing China-U.S. ties and promoting global stability. This highlights the important role the head-of-state diplomacy plays in guiding China-U.S. relations.
As noted by Xi during the meeting, in the face of winds, waves and challenges, the two leaders should stay the right course, navigate through the complex landscape, and ensure the steady sailing forward of the giant ship of China-U.S. relations.
Since the beginning of this year, the two leaders have spoken on the phone three times, exchanged several letters and stayed in close contact. Under their joint guidance, China-U.S. relations have remained stable on the whole.
This fully demonstrates that for the two giant vessels of China and the United States to move forward together, without veering off course or losing speed, it is essential to unwaveringly adhere to the strategic leadership of the two heads of state and fully implement their important consensus.
China-U.S. relations influence the direction of the world. A sound, stable and sustainable bilateral relationship not only aligns with the long-term interests of both countries but also reflects the aspirations of the global community.
As noted by Xi, there is good potential for the two countries to work together on combating illegal immigration and telecom fraud, anti-money laundering, artificial intelligence, and responding to infectious diseases. During the meeting, the two presidents agreed to enhance cooperation in economic, trade, energy and other fields, and to encourage more people-to-people exchanges.
This once again demonstrates that China and the United States gain from cooperation and lose from confrontation. The two countries share extensive common interests and vast areas for cooperation. They can be partners and friends, achieve mutual success, prosper together, benefit their own people and contribute to the world.
As two major countries with different national conditions, it is normal for the two leading economies of the world to have frictions now and then. The key is to respect each other’s core interests and major concerns, and to find appropriate ways to resolve issues.
China-U.S. economic and trade relations have experienced ups and downs recently, which have not only caused losses to both countries but also cast a shadow over the global economy. To allow the economic and trade relations to continue to serve as the anchor and driving force for China-U.S. relations, not a stumbling block or a point of friction, the two sides should think big and recognize the long-term benefit of cooperation, and must not fall into a vicious cycle of mutual retaliation.
English Caption 1
Chinese and American youth visit Xiaomi’s automobile factory in Beijing, capital of China, July 12, 2025. (China International Communications Group Center for the Americas/Handout via Xinhua)
English Caption 2
People visit a lantern display celebrating the upcoming Chinese Lunar New Year at the John F. Kennedy Center for the Performing Arts in Washington D.C., the United States, Jan. 29, 2022. (Photo by Ting Shen/Xinhua)