တရုတ်နိုင်ငံနှင့် ပူးပေါင်းဆောင်ရွက်ခြင်းက မလေးရှားနိုင်ငံ၏ အမျိုးသားဖွံ့ဖြိုးတိုးတက်ရေးကို အထောက်အကူဖြစ်စေဟု ကျွမ်းကျင်သူဆို

ကွာလာလမ်ပူ၊ သြဂုတ် ၂၇ ရက် (ဆင်ဟွာ)
မလေးရှားနိုင်ငံက နိုင်ငံ၏လူမှုစီးပွားဖွံ့ဖြိုးတိုးတက်ရေးနှင့် ကြံ့ကြံ့ခံနိုင်မှုအား မြှင့်တင်ရန် ရည်ရွယ်ပြီး ၎င်း၏ ယခုနောက်ဆုံးရေးဆွဲထားသော အမျိုးသားဖွံ့ဖြိုးတိုးတက်ရေးစီမံကိန်းကို အကောင်အထည်ဖော်လျက်ရှိသောကြောင့် တရုတ်နိုင်ငံနှင့် ပူးပေါင်းဆောင်ရွက်မှုမှာ အရေးကြီးသော အခန်းကဏ္ဍမှ ပါဝင်မည်ဖြစ်ကြောင်း မလေးရှားနိုင်ငံမှ ကျွမ်းကျင်သူတစ်ဦးက ပြောကြားခဲ့သည်။
မလေးရှားနိုင်ငံ၏ ယခုနောက်ဆုံးရေးဆွဲထားသော အမျိုးသား ဖွံ့ဖြိုးတိုးတက်ရေး ငါးနှစ်စီမံကိန်းဖြစ်သည့် ၁၃ ကြိမ်မြောက် မလေးရှားစီမံကိန်း (13MP) တွင် ကျန်းမာရေးစောင့်ရှောက်မှု အရည်အသွေး မြှင့်တင်ရန်၊ ပညာရေး ပြုပြင်ပြောင်းလဲမှုများမှတစ်ဆင့် ကျွမ်းကျင်သော လူ့စွမ်းအားအရင်းအနှီးများ ဖွံ့ဖြိုးတိုးတက်စေရန်နှင့် မလေးရှားနိုင်ငံအား ဉာဏ်ရည်တု (AI)၊ ဒစ်ဂျစ်တယ်နည်းပညာနှင့် ပြန်လည်ပြည့်ဖြိုးမြဲစွမ်းအင်တို့တွင် ဒေသတွင်း ခေါင်းဆောင်အဖြစ် နေရာချထားရန် အဓိကဦးစားပေးထားသည်။ ယင်းနယ်ပယ်အားလုံးတွင် တရုတ်နိုင်ငံက သိသာထင်ရှားသော တိုးတက်မှုများ ရရှိထားပြီး ပံ့ပိုးကူညီမှုနှင့် အသိပညာ မျှဝေမှုများ ပေးဆောင်နိုင်ကြောင်း နိုင်ငံတကာအစ္စလာမ်မစ်တက္ကသိုလ် (မလေးရှား) မှ Lee Pei May က မကြာသေးမီက တွေ့ဆုံမေးမြန်းမှုတစ်ခုတွင် ဆင်ဟွာသတင်းဌာနသို့ ပြောကြားခဲ့သည်။
“ကုန်ထုတ်လုပ်မှု အဆင့်မြှင့်တင်ရေးနဲ့ အစိမ်းရောင်အကူးအပြောင်းမှာ မလေးရှားနိုင်ငံနဲ့ တရုတ်နိုင်ငံတို့က အရည်အသွေးမြင့် ထုတ်လုပ်မှုနဲ့ နည်းပညာဆိုင်ရာ ပညာရေးမှာ ပူးပေါင်းဆောင်ရွက်ဖို့ လေ့လာဆောင်ရွက်နေကြပါတယ်။ နည်းပညာ၊ သက်မွေးပညာနဲ့ လေ့ကျင့်ရေး (TVET) အစီအစဉ်တွေမှာ တရုတ်နိုင်ငံရဲ့ ပံ့ပိုးကူညီမှုက AI ၊ လျှပ်စစ်ကားတွေနဲ့ အစိမ်းရောင်စွမ်းအင်လိုမျိုး နယ်ပယ်တွေမှာ မလေးရှားနိုင်ငံရဲ့ ကျွမ်းကျင်လုပ်သားအင်အားကို မြှင့်တင်ပေးဖို့ မျှော်လင့်ရပါတယ်” ဟု ၎င်းက ပြောကြားခဲ့သည်။
“မလေးရှားနိုင်ငံက စျေးကွက်သစ်တွေ ရှာဖွေဖို့နဲ့ အထူးသဖြင့် တရုတ်နိုင်ငံနဲ့ လက်ရှိကုန်သွယ်မှုဆက်ဆံရေးကို ချဲ့ထွင်ဖို့ ခြေလှမ်းတွေကို တက်တက်ကြွကြွ လုပ်ဆောင်နေပြီး တန်ဖိုးမြင့်ကာ ဆန်းသစ်တီထွင်မှုရှိတဲ့ ကဏ္ဍတွေမှာ အဆက်မပြတ်တိုးတက်မှုကို ဖြစ်ပေါ်စေပါတယ်” ဟု ၎င်းက ပြောကြားခဲ့သည်။
“ထုတ်လုပ်မှု၊ နည်းပညာနဲ့ ရေရှည်တည်တံ့နိုင်တဲ့ လုပ်ငန်းတွေမှာ တရုတ်နိုင်ငံရဲ့ ကျွမ်းကျင်မှုကို အသုံးချခြင်းဖြင့် မလေးရှားနိုင်ငံက ၎င်းရဲ့ 13MP ရည်မှန်းချက်တွေကို မြှင့်တင်ကာ ကမ္ဘာလုံးဆိုင်ရာ မသေချာမရေရာမှုတွေကို တွန်းလှန်နိုင်တဲ့ စွမ်းရည်ရှိတဲ့ ကြံ့ကြံ့ခံတဲ့ စီးပွားရေးကို တည်ဆောက်နေပါတယ်” ဟု ၎င်းက ပြောကြားခဲ့သည်။
အဆိုပါပူးပေါင်းဆောင်ရွက်မှုက ဖွံ့ဖြိုးဆဲနိုင်ငံများအကြား မဟာဗျူဟာမြောက် ပူးပေါင်းဆောင်ရွက်မှုမှာ ရေရှည်တည်တံ့ခိုင်မြဲသော တိုးတက်မှုကို မြှင့်တင်ပေးနိုင်ပုံ၊ ဒေသတွင်း ထောက်ပံ့ရေးကွင်းဆက်များ အားကောင်းလာစေနိုင်ပုံနှင့် ရှုပ်ထွေးသော နိုင်ငံတကာအခင်းအကျင်းတွင် ယှဉ်ပြိုင်နိုင်စွမ်း မြှင့်တင်ပေးနိုင်ပုံတို့ကို ပြသရာရောက်ကြောင်းလည်း ၎င်းက ဖြည့်စွက်ပြောကြားခဲ့သည်။ (Xinhua)
……………………….
(English Version)
Cooperation with China supports Malaysia’s national development: expert
KUALA LUMPUR, Aug. 27 (Xinhua) — Malaysia’s cooperation with China will play a crucial role as it implements the latest edition of its national development plan with the aim of advancing national socio-economic development and strengthening resilience, a Malaysian expert has said.
The 13th Malaysia Plan (13MP), Malaysia’s latest five-year national development plan, prioritizes improving healthcare quality, developing highly skilled human capital through education reforms, and positioning Malaysia as a regional leader in artificial intelligence (AI), digital technology, and renewable energy, all areas where China has already made significant advances and could offer support and knowledge sharing, Lee Pei May, from the International Islamic University Malaysia, told Xinhua in a recent interview.
“In manufacturing upgrading and green transition, Malaysia and China are exploring cooperation in high-quality production and technical education. China’s support in Technical and Vocational Education and Training (TVET) programs is expected to enhance Malaysia’s skilled workforce in areas such as AI, electric vehicles, and green energy,” she said.
“Malaysia is taking proactive steps to seek new markets and expand existing trade relations, particularly with China, ensuring continued growth in high-value and innovative sectors,” she said.
“By leveraging China’s expertise in manufacturing, technology, and sustainable practices, Malaysia is advancing its 13MP objectives while building a resilient economy capable of navigating global uncertainties,” she said.
The partnership demonstrates how strategic cooperation among developing countries can foster sustainable growth, strengthen regional supply chains, and enhance competitiveness in a complex international landscape, she added. ■
English Caption
Chinese President Xi Jinping shakes hands with Malaysian Prime Minister Anwar Ibrahim in Putrajaya, Malaysia, April 16, 2025. (Xinhua/Huang Jingwen)