တရုတ်နိုင်ငံ၏ စီးပွားရေး ကြံ့ကြံ့ခံနိုင်စွမ်းက ကမ္ဘာလုံးဆိုင်ရာ တည်ငြိမ်မှုကို ထိန်းမတ်ပေး

ပေကျင်း၊ ဩဂုတ် ၆ ရက် (ဆင်ဟွာ)
တစ်ဖက်သတ်ဝါဒ၊ ကိုယ်ကျိုးစီးပွားကာကွယ်ရေးဝါဒနှင့် ပထဝီနိုင်ငံရေး တင်းမာမှုများ အရှိန်မြင့်တက်နေချိန်တွင် တည်ငြိမ်သော မူဝါဒချမှတ်ခြင်းနှင့် တစ်သမတ်တည်းရှိသော ရေရှည်စီမံကိန်း ချမှတ်ခြင်းတို့အတွက် တရုတ်နိုင်ငံ၏ ကတိကဝတ်ပြုမှုက ကမ္ဘာ့စီးပွားရေး တည်ငြိမ်မှုအတွက် အလွန်အရေးပါသော အင်အားတစ်ရပ်အဖြစ် တည်ရှိနေသည်။
လွန်ခဲ့သည့် သီတင်းပတ်က ကျင်းပခဲ့သည့် တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အစည်းအဝေး၌ တည်ငြိမ်၍ အလားအလာကောင်းမွန်သော မူဝါဒ အခင်းအကျင်းအား ထပ်လောင်းအတည်ပြုခဲ့ပြီး ယခုနှစ် ဒုတိယနှစ်ဝက်တွင် တရုတ်နိုင်ငံ၏ စီးပွားရေးမူဝါဒ ချဉ်းကပ်မှုအတွက် လမ်းညွှန်မှုပေးခဲ့သည်။
မက်ခရိုစီးပွားရေး မူဝါဒများကို စဉ်ဆက်မပြတ်၊ အချိန်ကိုက်ဖြစ်သော ပုံစံဖြင့် အရှိန်မြှင့်ဖော်ဆောင်သင့်ကြောင်း ယင်းအစည်းအဝေး၌ ဆွေးနွေးခဲ့သည်ဟု သိရသည်။ ပိုမိုထိရောက်သော ဘဏ္ဍာရေးမူဝါဒနှင့် အတန်သင့် ဖြေလျှော့ထားသည့် ငွေကြေးမူဝါဒတို့ကို ကြပ်ကြပ်မတ်မတ် ဖော်ဆောင်ကာ ထိရောက်မှု ပိုမိုအားကောင်းအောင် လုပ်ဆောင်ရန် အစည်းအဝေး၌ တိုက်တွန်းခဲ့သည်။
တရုတ်နိုင်ငံအနေဖြင့် မက်ခရိုစီးပွားရေး မူဝါဒများနှင့် ခိုင်မာအားကောင်းသော မူဝါဒယန္တရားအတွက် ကြီးမားသော အလားအလာရှိနေသည်ကို ယင်းအစည်းအဝေး၏ အရေးကြီး အစီအစဉ်များက ညွှန်ပြလျက်ရှိသည်။ ပြီးခဲ့သည့် ဒီဇင်ဘာလ၌ ကျင်းပသည့် ဗဟိုစီးပွားရေး‌ဆိုင်ရာ လုပ်ငန်းဆွေးနွေးပွဲတွင် အလေးထားဆွေးနွေးခဲ့သည့်အားလျော်စွာ မူဝါဒယန္တရားအား ပိုမိုထိရောက်ကောင်းမွန် လုပ်ဆောင်သင့်သလို မက်ခရိုစီးပွားရေး ထိန်းမတ်မှုကိုလည်း ပိုမိုအမြော်အမြင်ရှိစွာဖြင့် ဦးတည်ပစ်မှတ်ထားကာ ထိရောက်မှုရှိအောင် လုပ်ဆောင်သင့်ပေသည်။ ယင်းတို့မှာ စီးပွားရေးဖွံ့ဖြိုးမှုကို အားဖြည့်ပေးကာ အရည်အသွေးမြင့် ဖွံ့ဖြိုးတိုးတက်မှုကို တွန်းအားပေးမြှင့်တင်ရာတွင် အရေးပါလျက်ရှိသည်။
တရုတ်နိုင်ငံ၏ စီးပွားရေးမှာ ယခုနှစ် ပထမနှစ်ဝက်၌ ၅.၃ ရာခိုင်နှုန်း တိုးတက်မှုရှိခဲ့သည်။ ဇူလိုင် ၃၀ ရက်က ကျင်းပခဲ့သည့် နိုင်ငံရေးဗျူရို အစည်းအဝေး၌ ယခုနှစ်အတွက် တစ်နှစ်တာ စီးပွားရေးနှင့် လူမှုရေးဆိုင်ရာ တိုးတက်မှု လျာထားချက်များနှင့် လုပ်ငန်းတာဝန်များ ပြည့်မြောက်အောင်မြင်ရေးအတွက် ကြိုးပမ်းသွားရန်၊ ၁၄ ကြိမ်မြောက် ငါးနှစ်စီမံကိန်း (၂၀၂၁-၂၀၂၅) အောင်မြင်စွာ အပြီးသတ်နိုင်ရန်၊ ၁၅ ကြိမ်မြောက် ငါးနှစ်စီမံကိန်း (၂၀၂၆-၂၀၃၀) အား ရေးဆွဲချမှတ်ရာတွင် ကောင်းမွန်စွာလုပ်ဆောင်ရန် တိုက်တွန်းခဲ့သည်။
အစောဆုံးအနေဖြင့် ၁၉၅၀ ပြည့်လွန်နှစ်များတွင် စတင်ခဲ့သည့် တရုတ်နိုင်ငံ၏ ငါးနှစ်စီမံကိန်းမှာ စီးပွားရေးစီမံကိန်းအတွက်သာမက မျှော်မှန်းချက်များကို စီမံကိုင်တွယ်ရာတွင် မဟာဗျူဟာမြောက် ယန္တရားတစ်ခုလည်းဖြစ်သည်။ ပြင်ပမှ မရေရာမှုများနှင့် ရင်ဆိုင်နေရချိန်တွင် တရုတ်နိုင်ငံအနေဖြင့် ပြည်တွင်းအင်အားဖြင့် တုံ့ပြန်ကာ အထိန်းအကွပ်မဲ့စွာ အတက်အကျဖြစ်ပေါ်ခြင်းကို တားဆီးကာကွယ်လျက် စီးပွားရေးအစီအစဉ်ကိုလည်း ထိထိရောက်ရောက် ပုံဖော်လျက်ရှိသည်။
ကမ္ဘာ့စီးပွားရေး ဖွံ့ဖြိုးမှု၏ ၃၀ ရာခိုင်နှုန်းခန့်ကို အားဖြည့်ပေးလျက်ရှိသည့် ကမ္ဘာ့ဒုတိယ စီးပွားရေးအင်အားအကြီးဆုံးနိုင်ငံ ဖြစ်သည့်အလျောက် တရုတ်နိုင်ငံအနေဖြင့် အစဉ်အမြဲ ဖြစ်ပေါ်နေသည့် ကမ္ဘာ့စီးပွားရေး အတက်အကျများအကြား တည်ငြိမ်မှုရှိစေရန် အလင်းပြပေးသော မီးပြတိုက်အဖြစ် ရပ်တည်လျက်ရှိသည်။ တရုတ်နိုင်ငံ၏ ရေရှည်စီမံကိန်းကလည်း မရေရာသည့် ကာလများတွင် ခိုင်မာသော ယုံကြည်မှုတို့ကို ထိန်းမတ်ပေးလျက်ရှိပေသည်။ (Xinhua)
သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။ xhtxs.cn/5IZ

………………….
(English Version)
Resilience of Chinese economy anchors global stability
BEIJING, Aug. 5 (Xinhua) — Amid escalating global uncertainties fueled by rising unilateralism, protectionism and geopolitical tensions, China’s commitment to stable policymaking and consistent long-term planning stands as a vital asset for the stability of the global economy.
This stable and promising policy environment was reaffirmed at the meeting of the Political Bureau of the Communist Party of China Central Committee last week, which set the tone for the country’s economic policy approach in the second half of the year.
According to the meeting, macro policies should be intensified in a sustained and timely manner. It urged rigorous implementation of a more proactive fiscal policy and a moderately loose monetary policy to strengthen their effectiveness.
The important arrangements of the meeting indicate that China has ample room for macro policies and a robust policy toolkit. As the Central Economic Work Conference emphasized last December, the policy toolkit should be enriched and improved, and macro regulation should be more forward-looking, targeted and effective. These are essential for sustaining economic growth and driving high-quality development.
China’s economy grew by 5.3 percent in the first half of this year. The Political Bureau meeting on July 30 called for striving to accomplish the annual economic and social development targets and tasks for this year, successfully completing the 14th Five-Year Plan (2021-2025), and doing a good job in formulating the 15th Five-Year Plan (2026-2030).
China’s five-year plan, starting as early as the 1950s, is not only about economic planning, but also a strategic tool for managing expectations. Faced with external uncertainties, China responds from within, preventing unchecked fluctuations and proactively shaping economic order.
As the world’s second-largest economy that contributes about 30 percent of global economic growth, China stands as a beacon of stability in the ever-shifting tides of the global economy. Its long-term planning anchors steady confidence in uncertain times.
English Caption
An aerial drone photo taken on May 20, 2025 shows the Xiguan night market in Nanning, south China’s Guangxi Zhuang Autonomous Region. (Xinhua/Huang Xiaobang)