ဘရာဇီးနိုင်ငံနှင့် ပူးပေါင်းဆောင်ရွက်မှု တိုးမြှင့်သွားမည်ဟု တရုတ်နိုင်ငံ နိုင်ငံခြားရေးဝန်ကြီး ကတိပြု

ပေကျင်း၊ ဩဂုတ် ၆ ရက် (ဆင်ဟွာ)
တရုတ်နိုင်ငံအနေဖြင့် နှစ်နိုင်ငံ ပူးပေါင်းဆောင်ရွက်မှု နက်နက်ရှိုင်းရှိုင်းရှိရေး၊ ပြင်ပမှ မရေရာမှုများကို ထိထိရောက်ရောက် တန်ပြန်ရာတွင် နှစ်နိုင်ငံ ပူးပေါင်းဆောင်ရွက်မှု၏ တည်ငြိမ်မှုနှင့် အပြန်အလှန် အကျိုးပြုမှုကို ထိထိရောက်ရောက် အသုံးချရေးအတွက် ဘရာဇီးနိုင်ငံနှင့် လက်တွဲလုပ်ဆောင်ရန် ဆန္ဒရှိကြောင်း တရုတ်နိုင်ငံခြားရေးဝန်ကြီး ဝမ်ရိက ဩဂုတ် ၆ ရက်၌ ပြောကြားခဲ့သည်။
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်နှင့် ဗဟိုနိုင်ငံခြားရေးရာ ကော်မရှင်ရုံး အကြီးအကဲလည်းဖြစ်သူ ဝမ်က ဘရာဇီးနိုင်ငံ သမ္မတ၏ ထိပ်တန်းအကြံပေးပုဂ္ဂိုလ် ဆယ်လ်ဆို အာမိုရင်မ်နှင့် တယ်လီဖုန်းပြောဆိုစဉ်အတွင်း အထက်ပါအတိုင်း ပြောကြားခဲ့ခြင်းဖြစ်သည်။
တရုတ်နိုင်ငံ သမ္မတ ရှီကျင့်ဖိန်နှင့် ဘရာဇီးနိုင်ငံ သမ္မတ လူးဝစ်စ် အီနာစီယို လူလာဒါဆေးလ်ဗားတို့၏ မဟာဗျူဟာမြောက် လမ်းညွှန်မှုအရ တရုတ်နိုင်ငံနှင့် ဘရာဇီးနိုင်ငံတို့မှာ ပိုမိုတရားမျှတ၍ ပိုမိုရေရှည်တည်တံ့သော ကမ္ဘာကြီးအတွက် အေးအတူပူအမျှ အသိုက်အဝန်း ထူထောင်မှုအား အားပေးမြှင့်တင်ရန် အတူတကွ ကြိုးပမ်းအားထုတ်လျက်ရှိကြောင်း၊ ယင်းမှာ ဗဟုဝင်ရိုးကမ္ဘာ အခင်းအကျင်းအား အားပေးမြှင့်တင်ရာတွင်လည်းကောင်း၊ နိုင်ငံတကာ စည်းမျဉ်းများနှင့် စည်းစနစ်တို့အား ထိန်းသိမ်းကာ ကမ္ဘာကြီး၏ ဘက်မလိုက်မှု၊ တရားမျှတမှုတို့ကို ကာကွယ်ရာတွင်လည်းကောင်း ဖွံ့ဖြိုးဆဲ နိုင်ငံကြီးနှစ်နိုင်ငံ၏ ဘုံမျှော်မှန်းချက်နှင့် တာဝန်သိစိတ်တို့ကို ထင်ဟပ်စေသည်ဟု ဝမ်က အလေးအနက်ပြောကြားခဲ့သည်။
ဘရာဇီးနိုင်ငံအနေဖြင့် ယင်း၏ ဖွံ့ဖြိုးတိုးတက်မှု အခွင့်အရေးအား ကာကွယ်ရာတွင်လည်းကောင်း၊ တစ်ဖက်သတ် စည်းကြပ်ခွန်များဖြင့် ဗိုလ်ကျအနိုင်ကျင့်သည့် လုပ်ရပ်များကို ဆန့်ကျင်ရာတွင်လည်းကောင်း တရုတ်နိုင်ငံက ခိုင်ခိုင်မာမာ ထောက်ခံအားပေးလျက်ရှိသည်ဟု ဝမ်က အလေးအနက်ပြောကြားခဲ့သည်။ ကမ္ဘာ့အရှေ့ခြမ်းနှင့် အနောက်ခြမ်းတို့တွင် အင်အားအကြီးဆုံး ဖွံ့ဖြိုးဆဲနိုင်ငံများဖြစ်သည့်အလျောက် တရုတ်နိုင်ငံနှင့် ဘရာဇီးနိုင်ငံတို့မှာ အစဉ်သဖြင့် အပြန်အလှန် ဖေးမကူညီကာ နီးနီးကပ်ကပ် ညှိနှိုင်းဆောင်ရွက်လျက် မိမိတို့၏ တရားဝင် အကျိုးစီးပွားနှင့် ကမ္ဘာ့တောင်ဘက်ခြမ်းနိုင်ငံများ၏ ဘုံအကျိုးစီးပွားတို့ကို ခိုင်ခိုင်မာမာ ကာကွယ်လျက်ရှိသည်။
အာမိုရင်မ်ကလည်း ဘရာဇီးနိုင်ငံအနေဖြင့် ကုန်သွယ်ရေး၊ ဘဏ္ဍာရေးနှင့် အခြားနယ်ပယ်များတွင် ပူးပေါင်းဆောင်ရွက်မှုများ နက်နက်ရှိုင်းရှိုင်း လုပ်ဆောင်ရန် ဆန္ဒရှိသကဲ့သို့ BRICS ယန္တရားကို ဆက်လက်အဆင့်မြှင့်တင်ရေး၊ ကမ္ဘာ့တောင်ဘက်ခြမ်းနိုင်ငံများအကြား စည်းလုံးညီညွတ်မှုနှင့် မိမိဘာသာဖူလုံမှု ခိုင်ခိုင်မာမာရှိရေး၊ နိုင်ငံတကာ၏ ဘက်မလိုက်မှုနှင့် တရားမျှတမှုတို့ကို ထိန်းသိမ်းရေးအတွက် တရုတ်နိုင်ငံနှင့် ပူးပေါင်းဆောင်ရွက်ရန် အသင့်ရှိကြောင်း ပြောကြားခဲ့သည်။
ယူကရိန်း အကျပ်အတည်းနှင့် စပ်လျဉ်း၍ ဘရာဇီးသမ္မတ၏ အကြံပေးပုဂ္ဂိုလ်နှင့် အမြင်ချင်းဖလှယ် ဆွေးနွေးရာ၌ ဝမ်က ယင်းအကျပ်အတည်းအား နိုင်ငံရေးနည်းလမ်းဖြင့် ဖြေရှင်းမှုကို အထောက်အကူဖြစ်စေရန် အလို့ငှာ နှစ်နိုင်ငံအနေဖြင့် ထိတွေ့ဆက်ဆံမှုများကို ဆက်လက်ထိန်းသိမ်းရန်၊ အပစ်အခတ်ရပ်စဲမှုရရှိရေးနှင့် ငြိမ်းချမ်းရေးမိတ်ဆွေများအဖွဲ့ငယ် (Group of Friends for Peace) မှတစ်ဆင့် တွေ့ဆုံဆွေးနွေးမှုများကို အထောက်အကူပေးရေးအတွက် ကမ္ဘာ့တောင်ဘက်ခြမ်းနိုင်ငံများအကြား ပိုမိုကျယ်ပြန့်သည့် ဘုံသဘောတူညီမှု ရရှိရေးအတွက် အတူတကွကြိုးပမ်းသွားရန် တိုက်တွန်းပြောကြားခဲ့သည်။ (Xinhua)
……………………
(English Version)
China’s top diplomat vows to enhance cooperation with Brazil
BEIJING, Aug. 6 (Xinhua) — China’s top diplomat Wang Yi said on Wednesday that China is willing to work with Brazil to deepen bilateral cooperation and leverage the stability and complementarity of their cooperation to effectively offset external uncertainties.
Wang, a member of the Political Bureau of the Communist Party of China Central Committee and director of the Office of the Central Commission for Foreign Affairs, made the remarks during a phone call with Celso Amorim, chief advisor to the president of Brazil.
Under the strategic guidance of Chinese President Xi Jinping and Brazilian President Luiz Inacio Lula da Silva, China and Brazil have been working together to promote the building of a community with a shared future for a more just world and a more sustainable planet, said Wang, noting that this reflects the shared vision and sense of responsibility of the two major developing countries in fostering a multipolar world, upholding international rules and order, and safeguarding global fairness and justice.
He stressed that China firmly supports Brazil in defending its right to development and opposing the bullying practices of arbitrary tariffs. As the largest developing countries in the eastern and western hemispheres respectively, China and Brazil have always supported each other, closely coordinated, and firmly safeguarded the legitimate interests of their own as well as the common interests of the Global South countries.
Amorim said that Brazil is willing to deepen cooperation with China in trade, finance, among other areas, and stands ready to work with China to improve and advance the BRICS mechanism, strengthen solidarity and self-reliance among the Global South, and uphold international fairness and justice.
Exchanging views with the Brazilian presidential advisor on the Ukraine crisis, Wang called on both countries to continue maintaining communication and make joint efforts to build greater consensus within the Global South on reaching a ceasefire and promoting dialogue through the Group of Friends for Peace, so as to contribute to the political settlement of the crisis.
English Caption
Brazilian President Luiz Inacio Lula da Silva meets with Chinese Foreign Minister Wang Yi, also a member of the Political Bureau of the Communist Party of China Central Committee, in Brasilia, Brazil, April 30, 2025. (Xinhua)