တရုတ်-အာဖရိက ကူးလူးဆက်ဆံမှုများနှင့် စပ်လျဉ်းသည့် သမ္မတရှီ၏ သဝဏ်လွှာအား နွေးထွေးလှိုက်လှဲစွာ တုံ့ပြန်

အဒစ်အဘာဘာ၊ ဇန်နဝါရီ ၁၁ ရက် (ဆင်ဟွာ)

ဇန်နဝါရီ ၈ ရက်က ကျင်းပသည့် ၂၀၂၆ ခုနှစ် တရုတ်-အာဖရိက ပြည်သူအချင်းချင်း ကူးလူးဆက်ဆံရေးနှစ် ဖွင့်ပွဲအခမ်းအနား၌ အာဖရိကနိုင်ငံများမှ တာဝန်ရှိသူများနှင့် ကျွမ်းကျင်သူများက တရုတ်နိုင်ငံ သမ္မတ ရှီကျင့်ဖိန်၏ ဂုဏ်ပြုသဝဏ်လွှာမှာ ဆက်ဆံရေး ခိုင်မာအားကောင်းစေရေး၊ အပြန်အလှန်နားလည်မှု နက်ရှိုင်းစေရေးအတွက် တရုတ်နိုင်ငံ၏ ကတိကဝတ်ကို ထင်ထင်ရှားရှား ဖော်ညွှန်းလျက်ရှိသည်ဟု ပြောကြားခဲ့သည်။
တရုတ်-အာဖရိက သံတမန်ဆက်ဆံရေးထူထောင်ခြင်း နှစ် ၇၀ ပြည့် အခါသမယ၌ ပြည်သူအချင်းချင်း ကူးလူးဆက်ဆံရေးနှစ် အခမ်းအနားအား စီစဉ်ကျင်းပခြင်းမှာ နှစ်ဖက်ခေါင်းဆောင်များကြား ရရှိထားသည့် အရေးကြီးဘုံသဘောတူညီချက်တစ်ရပ်ဖြစ်ကာ သမိုင်းဝင် စမှတ်သစ်၌ တရုတ်-အာဖရိက ချစ်ကြည်ရေးအပေါ် သက်ဆိုင်ရာပြည်သူများ၏ ထောက်ခံမှု တစ်ဆင့်တိုး ခိုင်မာစေရေးအတွက် အရေးပါသော ခြေလှမ်းတစ်ရပ်လည်းဖြစ်ကြောင်း ရှီက ၎င်း၏သဝဏ်လွှာတွင် ထည့်သွင်းရေးသားခဲ့သည်။

အီသီယိုးပီးယား သမ္မတ တေးအက်စ်ကီ ဆယ်လက်စီက ရှီ၏သဝဏ်လွှာမှ ညီရင်းအစ်ကိုပမာ သွေးစည်းညီညွတ်မှုကို ခံစားမိသည်ဟု ဆိုသည်။
“အဲဒီစိတ်ဓာတ်မျိုးဟာ မျက်မှောက်ကမ္ဘာမှာ အင်မတန်အဖိုးတန်ပါတယ်။ သမ္မတရှီရဲ့ သဝဏ်လွှာဟာ ကျွန်တော်တို့ကို လေးလေးနက်နက် ခံစားမိစေပြီး မျက်မှောက်ကမ္ဘာမှာ မျှော်လင့်ချက်တွေ ရှင်သန်နေဆဲဆိုတာကိုလည်း မြင်တွေ့စေပါတယ်” ဟု ၎င်းက ပြောသည်။
အာဖရိကသမဂ္ဂ (AU) ကော်မရှင် အဆင့်မြင့်သံတမန် မိုဟာမက် အယ်လ်-အာမိုင်း ဆူအက်ဖ်ကလည်း ၎င်း၏အမြင်ကို ထောက်ခံပြောဆိုခဲ့ကာ မိမိတို့အနေဖြင့် တရုတ်နိုင်ငံအပေါ် မှီခိုအားထားနိုင်သလို တရုတ်နိုင်ငံနှင့် နီးနီးကပ်ကပ် ပူးပေါင်းဆောင်ရွက်နိုင်သည်ကို အာဖရိကနှင့် အာဖရိက ခေါင်းဆောင်များအား ရှီ၏သဝဏ်လွှာက လေးလေးနက်နက် သတင်းစကားပါးခြင်းဖြစ်ကြောင်း၊ ထိုသဝဏ်လွှာအား AU ကော်မရှင်က နွေးထွေးလှိုက်လှဲစွာ ကြိုဆိုကြောင်း ပြောကြားခဲ့သည်။

တောင်အာဖရိက နိုင်ငံရေးလေ့လာသုံးသပ်သူ တစ်ဦးဖြစ်သူ ဆန်ဒိုင်း ဆဝါနာကလည်း ၎င်းအနေဖြင့် တရုတ်ယဉ်ကျေးမှုနှင့် အာဖရိကယဉ်ကျေးမှုတို့၏ တန်ဖိုးများ ကြွယ်ဝတိုးတက်စေရန် မည်သို့အပြန်အလှန် အထောက်အကူပေးခဲ့ပုံကို မီးမောင်းထိုးပြခဲ့သော ရှီ၏သဝဏ်လွှာထဲမှ စာသားများကြောင့် များစွာစိတ်လှုပ်ရှားမိကာ ယင်းသဝဏ်လွှာသည် တရုတ်-အာဖရိက ချစ်ကြည်ရေးအတွက် သမိုင်းတွင်မည့် ဉာဏ်အမြော်အမြင်ကြီးသော အရင်းအမြစ်ဖြစ်သည်ဟု ပြောကြားခဲ့သည်။
“အပြန်အလှန် ကူးလူးဖလှယ်ခြင်းကနေ ယဉ်ကျေးမှုတွေက ပိုပြီးပေါ်လွင်ထင်ရှားလာပါတယ်။ မတူကွဲပြားတဲ့ ယဉ်ကျေးမှုချင်း အပြန်အလှန်လေ့လာသင်ယူပြီး တစ်သားတည်း ပေါင်းစည်းလိုက်တဲ့အခါ အဓွန့်ရှည်တည်တံ့တဲ့ ဖွံ့ဖြိုးတိုးတက်မှု အားမာန်တွေကို စေ့ဆော်ပေးနိုင်ပါတယ်” ဟု ဆဝါနာက ပြောကြားခဲ့ကာ ယဉ်ကျေးမှုဆိုင်ရာ ဆွေးနွေးဖလှယ်မှုများ အားဖြည့်လုပ်ဆောင်ခြင်းက မလိုမုန်းထားမှုများကို ကျော်လွှားကာ နားလည်မှု ပိုမိုကျယ်ပြန့်လာအောင် လုပ်ဆောင်ရာတွင်လည်းကောင်း၊ တရုတ်-အာဖရိက ပူးပေါင်းဆောင်ရွက်မှုအား အတွေးအမြင်ဆိုင်ရာ အရှိန်အဟုန်များ ဖြည့်တင်းပေးရာတွင်လည်းကောင်း အထောက်အကူပြုနိုင်မည်ဟုလည်း မှတ်ချက်ပြုခဲ့သည်။
ထို့အတူ ကျွမ်းကျင်သူများကလည်း မိမိတို့အနေဖြင့် တရုတ်နှင့် အာဖရိကပြည်သူ ၂.၈ ဘီလီယံကျော်တို့အကြား ပိုမိုချစ်ကြည်ရင်းနှီးရေးအတွက်လည်းကောင်း၊ ကမ္ဘာလုံးဆိုင်ရာ စိန်ခေါ်မှုများကို ကိုင်တွယ်ဖြေရှင်းခြင်း၊ လူသားမျိုးနွယ်တို့၏ ဘုံတန်ဖိုးများကို မြှင့်တင်ခြင်းနှင့် လူသားမျိုးနွယ် အေးအတူပူအမျှအသိုက်အဝန်း ထူထောင်ခြင်းတို့အတွက် ကမ္ဘာ့တောင်ဘက်ခြမ်း စုစည်းညီညွတ်မှုရှိစေရန် အကျိုးထမ်းဆောင်မှုအသစ်များ လုပ်ဆောင်ရေးအတွက်လည်းကောင်း ယင်းသဝဏ်လွှာ၌ ရှီက တိုက်တွန်းထားသည့်အပေါ် လေးလေးနက်နက် ထောက်ခံကြောင်း ပြောကြားခဲ့သည်။

အလားတူ ကင်ညာနိုင်ငံမှ နိုင်ငံတကာဆက်ဆံရေးဆိုင်ရာ ကျွမ်းကျင်ပညာရှင်တစ်ဦးဖြစ်သူ အက်ဒ်ဟီရာ ကာဗင့်စ်ကလည်း တရုတ်ပြည်သူများနှင့် အာဖရိကပြည်သူများကြား နက်ရှိုင်း၍ စိတ်လှုပ်ရှားဖွယ်ကောင်းသော ဆက်ဆံရေးမှာ တရုတ်-အာဖရိက မိတ်ဖက်ဆက်ဆံရေးအတွက် နောက်ကွယ်မှ မောင်းနှင်အား၊ ကြံ့ကြံ့ခံနိုင်စွမ်းနှင့် အားမာန်များဖြစ်သည်ကို ထိုမှတ်ချက်စကားများက ပေါ်လွင်ထင်ရှားစေသည်ဟု ပြောသည်။
ပြည်သူအချင်းချင်း ကူးလူးဆက်ဆံခြင်းသည် နှစ်ဖက်အကြား မဟာဗျူဟာမြောက် ပူးပေါင်းဆောင်ရွက်သည့် ဘက်စုံမိတ်ဖက်ဆက်ဆံရေး ခိုင်မာအောင်တည်ဆောက်ရာတွင် အဓိက အထောက်အကူပြုသော အခန်းကဏ္ဍမှ ပါဝင်နေသည်ဟု ၎င်းက ဆက်လက်ပြောကြားသည်။ (Xinhua)

သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။
https://english.news.cn/20260109/df738eb19e5b4e71b523076a4ffb9c3a/c.html
……………..
(English Version)
Xi’s message on China-Africa exchanges draws warm responses
ADDIS ABABA, Jan. 9 (Xinhua) — At Thursday’s opening ceremony of the 2026 China-Africa Year of People-to-People Exchanges, African officials and experts said Chinese President Xi Jinping’s congratulatory letter highlights Beijing’s commitment to strengthening ties and deepening mutual understanding.
In his letter, Xi said that organizing the year of people-to-people exchanges on the occasion of the 70th anniversary of launching diplomatic relations between China and Africa is an important consensus reached by leaders from both sides, and marks a significant step to further cement public support for China-Africa friendship at a new historical starting point.
Ethiopian President Taye Atske Selassie said he felt “a sense of brotherly unity” from Xi’s letter.
“Such spirit is particularly precious in today’s world. President Xi’s letter makes us feel deeply, and from it, we see that there is still hope in the world today,” he said.
Echoing his view, Mohamed El-Amine Souef, chief of staff of the African Union (AU) Commission, said Xi’s letter “sends a strong message to Africa and African leaders that we can rely on China and work closely with China,” adding that the letter is warmly welcomed by the AU Commission.
Sandile Swana, a South African political analyst, said he was deeply moved by a line in Xi’s letter, which highlights how Chinese and African civilizations have enriched each other for thousands of years, serving as the historical and intellectual source of China-Africa friendship.
“Civilizations become more colorful through exchanges. When different cultures learn from and integrate with each other, they can inspire more lasting development vitality,” Swana said, noting that strengthening civilizational dialogue can help overcome prejudices, broaden understanding, and inject ideological momentum into China-Africa cooperation.
Experts said they also resonated strongly with Xi’s call in the letter for closer bonds among the more than 2.8 billion people of China and Africa and for new contributions to Global South solidarity in addressing global challenges, promoting common values of humanity, and building a community with a shared future for humanity.
Adhere Cavince, a Kenyan scholar on international relations, said the remarks underscore that the deep emotional ties between the Chinese and African peoples are the vitality, resilience, and driving force behind the China-Africa partnership.
People-to-people exchanges play a key catalytic role in consolidating the comprehensive strategic and cooperative partnership between the two sides, he said.
https://english.news.cn/20260109/df738eb19e5b4e71b523076a4ffb9c3a/c.html
English Caption
The launching ceremony of the 2026 China-Africa Year of People-to-People Exchanges is held at the African Union headquarters in Addis Ababa, the capital of Ethiopia, Jan. 8, 2026. (Xinhua/Han Xu)