တရုတ်နိုင်ငံအနေဖြင့် ဖွံ့ဖြိုးတိုးတက်မှု မောင်းနှင်အားအသစ်များကို မြှင့်တင်အားပေးရန်အတွက် ကနေဒါနိုင်ငံနှင့် လက်တွဲလုပ်ဆောင်ရန် ဆန္ဒရှိဟု ဝန်ကြီးချုပ်လီ ပြောကြား

ပေကျင်း၊ ဇန်နဝါရီ ၁၆ ရက် (ဆင်ဟွာ)
တရုတ်နိုင်ငံအနေဖြင့် သန့်ရှင်းစွမ်းအင်၊ ဒစ်ဂျစ်တယ်နည်းပညာ၊ ခေတ်မီစိုက်ပျိုးရေး၊ လေကြောင်းနှင့်အာကာသ၊ အဆင့်မြင့်ကုန်ထုတ်လုပ်မှု၊ ဘဏ္ဍာရေး စသည့် နယ်ပယ်များတွင် ကနေဒါနိုင်ငံနှင့် ပူးပေါင်းဆောင်ရွက်မှု ခိုင်မာအားကောင်းစေရန် ဆန္ဒရှိသည်ဟု ပေကျင်းမြို့တွင် ဇန်နဝါရီ ၁၅ ရက်က ကနေဒါနိုင်ငံဝန်ကြီးချုပ် မာ့ခ်ကာနီနှင့် တွေ့ဆုံဆွေးနွေးစဉ် တရုတ်နိုင်ငံဝန်ကြီးချုပ် လီချန်က ပြောကြားခဲ့သည်။
တရုတ်နိုင်ငံတွင် လာရောက်ရင်းနှီးမြှုပ်နှံရန် ကနေဒါကုမ္ပဏီများအား ထပ်မံကြိုဆိုကြောင်း၊ ကနေဒါနိုင်ငံအနေဖြင့်လည်း ယင်း၌ ရင်းနှီးမြှုပ်နှံထားသော တရုတ်စီးပွားရေးလုပ်ငန်းများအတွက် မျှတ၍ ခွဲခြားဆက်ဆံမှုမရှိသော စီးပွားရေးဝန်းကျင်တစ်ခု ဖန်တီးပေးမည်ဟု မျှော်လင့်ကြောင်း လီက ပြောသည်။
တရုတ်-ကနေဒါ ဆက်ဆံရေးသည် နှစ်ဖက် အတူတကွ ကြိုးပမ်းအားထုတ်မှုကြောင့် အပြုသဘော တိုးတက်ပြောင်းလဲမှုများ ဖြစ်ထွန်းခဲ့ရာ ထိုအခြေအနေအား နှစ်နိုင်ငံနယ်ပယ်အသီးသီးမှ ပုဂ္ဂိုလ်များက တစ်ခဲနက် ကြိုဆိုခဲ့ကြကြောင်း ၎င်းက ဆက်လက်ပြောကြားသည်။
တရုတ်-ကနေဒါ ဆက်ဆံရေး တည်ငြိမ်ခိုင်မာစွာ တိုးတက်မှုကို ဆက်လက်ထိန်းသိမ်းခြင်းက နှစ်နိုင်ငံလုံး၏ ဘုံအကျိုးစီးပွားနှင့် ကိုက်ညီကြောင်း လီက မှတ်ချက်ပြုခဲ့ကာ တရုတ်နိုင်ငံအနေဖြင့် မဟာဗျူဟာမြောက် မိတ်ဖက်ဆက်ဆံရေးကို ထိန်းသိမ်းရေး၊ နိုင်ငံရေးအရ အပြန်အလှန်ယုံကြည်မှု တိုးမြှင့်ရေး၊ နှစ်နိုင်ငံ၏ ကိုယ်စီ ပင်မအကျိုးစီးပွားများကို အပြန်အလှန်လေးစားမှုရှိရေး၊ လက်တွေ့ပူးပေါင်းဆောင်ရွက်မှုများကို စဉ်ဆက်မပြတ် ချဲ့ထွင်ရေး၊ နှစ်နိုင်ငံလုံး၏ ဖွံ့ဖြိုးတိုးတက်မှုအတွက် အရှိန်အဟုန်များ ဖြည့်တင်းရေးအတွက် ကနေဒါနိုင်ငံနှင့် လက်တွဲဆောင်ရွက်ရန် ဆန္ဒရှိကြောင်း ပြောကြားခဲ့သည်။
တရုတ်နိုင်ငံနှင့် ကနေဒါနိုင်ငံတို့သည် စီးပွားရေးအရ အပြန်အလှန် ဖြည့်စွက်ပံ့ပိုးမှု ခိုင်ခိုင်မာမာရှိနေပြီး နှစ်နိုင်ငံ ပူးပေါင်းဆောင်ရွက်မှုအတွက်လည်း အလွန်အားကောင်းသော ပြည်တွင်းအရင်းအမြစ်အင်အားဖြင့် မောင်းနှင်တွန်းအားပေးလျက်ရှိရာ ကျယ်ပြန့်သော အလားအလာများရှိနေကြောင်း လီက ပြောကြားခဲ့ကာ တရုတ်နိုင်ငံအနေဖြင့် ကနေဒါနိုင်ငံနှင့် ဖွံ့ဖြိုးတိုးတက်ရေး မဟာဗျူဟာများ ချိတ်ဆက်ဆောင်ရွက်မှု ခိုင်ခိုင်မာမာရှိစေရန်၊ နယ်ပယ်အသီးသီးနှင့် အလွှာအသီးသီး၌ အပြန်အလှန် ကူးလူးဖလှယ်မှုများကို အဆင့်မြှင့်တင်ရန်၊ စီးပွားရေး၊ ကုန်သွယ်ရေး၊ သိပ္ပံနှင့်နည်းပညာ၊ လယ်ယာစိုက်ပျိုးရေးနှင့် အခြားနယ်ပယ်များတွင် နှစ်နိုင်ငံအစိုးရအချင်းချင်း ဆွေးနွေးမှုများကို ထိထိရောက်ရောက် အသုံးချရန်၊ နှစ်နိုင်ငံကုန်သွယ်ရေး တည်တည်ငြိမ်ငြိမ် တိုးတက်ရေးနှင့် ကုန်သွယ်မှု အဆင်ပြေချောမွေ့စေရေးအတွက် အထောက်အကူပေးရန် အသင့်ရှိကြောင်းလည်း ဆက်လက်ပြောကြားခဲ့သည်။
နှစ်ဖက်အနေဖြင့် အပြန်အလှန် ကူးလူးဖလှယ်မှုများအပြင် ပညာရေး၊ ယဉ်ကျေးမှု၊ ခရီးသွားလုပ်ငန်း၊ အားကစား၊ လူငယ်ရေးရာနှင့် ဒေသအလိုက် ထိတွေ့ဆက်ဆံမှုများတွင် ပူးပေါင်းဆောင်ရွက်မှုများကိုလည်းကောင်း၊ ပြည်သူအချင်းချင်း ကူးလူးဆက်ဆံမှုများကိုလည်းကောင်း ဆက်လက်ပံ့ပိုးသွားရန် လီက တိုက်တွန်းပြောကြားခဲ့သည်။
ကုလသမဂ္ဂ၊ ကမ္ဘာ့ကုန်သွယ်ရေးအဖွဲ့၊ စက်မှုထိပ်သီးနိုင်ငံ ၂၀ (G20) ၊ အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ စသည့် မူဘောင်များအတွင်းမှ ကနေဒါနိုင်ငံနှင့် ပူးပေါင်းဆောင်ရွက်မှု တိုးမြှင့်ရန် တရုတ်နိုင်ငံက ဆန္ဒရှိသည်ဟုလည်း လီက ဖြည့်စွက်ပြောကြားခဲ့သည်။
ကာနီကလည်း နှစ်နိုင်ငံ သံတမန်ဆက်ဆံရေး စတင်ထူထောင်ချိန်မှစ၍ ကနေဒါအစိုးရသည် တရုတ်တစ်နိုင်ငံတည်း မူဝါဒကို မမှိတ်မသုန် လိုက်နာကျင့်သုံးခဲ့ကြောင်း ပြောကြားခဲ့သည်။
ကနေဒါနိုင်ငံအနေဖြင့် အပြန်အလှန်လေးစားမှုအပေါ် အခြေခံ၍ နယ်ပယ်အသီးသီးတွင် တရုတ်နိုင်ငံနှင့် ဆွေးနွေးမှုများ ခိုင်ခိုင်မာမာလုပ်ဆောင်ကာ စီးပွားရေး၊ ကုန်သွယ်ရေး၊ စွမ်းအင်၊ အစိမ်းရောင်စီးပွားရေး၊ လယ်ယာစိုက်ပျိုးရေး၊ ပြည်သူအချင်းချင်း ကူးလူးဆက်ဆံရေး စသည့် နယ်ပယ်များတွင် ပူးပေါင်းဆောင်ရွက်မှု မြှင့်တင်ရန် ဆန္ဒရှိကြောင်း ၎င်းက အလေးအနက်ပြောကြားခဲ့သည်။
ထို့အတူ ကနေဒါနိုင်ငံတွင် လာရောက်ရင်းနှီးမြှုပ်နှံရန်နှင့် စီးပွားရေးလုပ်ငန်းများ လုပ်ကိုင်ရန် တရုတ်ကုမ္ပဏီများအား လှိုက်လှဲစွာကြိုဆိုကာ ကနေဒါကုမ္ပဏီလုပ်ငန်းများကလည်း တရုတ်နိုင်ငံနှင့် ပူးပေါင်းဆောင်ရွက်မှုများကို တစ်ဆင့်တိုး၍ နက်နက်ရှိုင်းရှိုင်း လုပ်ဆောင်နိုင်မည်ဟု ယုံကြည်ကြောင်း ကနေဒါဝန်ကြီးချုပ်က ဆက်လက်ပြောကြားခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။
https://english.news.cn/20260115/5ca69114049f47e1b67c0015e739aa99/c.html

…………………
(English Version)
China willing to work with Canada to foster new growth drivers: premier
BEIJING, Jan. 15 (Xinhua) — China is willing to strengthen cooperation with Canada in areas such as clean energy, digital technology, modern agriculture, aerospace, advanced manufacturing and finance, to foster more new drivers of economic growth, Chinese Premier Li Qiang said when holding talks with Canadian Prime Minister Mark Carney in Beijing on Thursday.
China welcomes more Canadian companies to invest in China and hopes that Canada will provide a fair and non-discriminatory business environment for Chinese enterprises investing in the country, Li said.
Through the joint effort of the two sides, the China-Canada relationship has achieved a turnaround, which has been widely welcomed by people from all sectors of both countries, he said.
Noting that maintaining the healthy and stable development of China-Canada relations aligns with the common interests of both nations, Li said China is willing to work with Canada to uphold the strategic partnership, enhance political mutual trust, respect each other’s core interests, continuously expand practical cooperation, and inject momentum into the development of both countries.
China and Canada enjoy strong economic complementarity, and their bilateral cooperation is driven by robust endogenous dynamism and holds vast potential, said Li, noting that China is ready to strengthen the alignment of development strategies with Canada, advance exchanges across various fields and levels, make effective use of bilateral governmental dialogues on economy, trade, science and technology, agriculture and other areas, promote stable growth in bilateral trade and enhance the level of trade facilitation.
He called on both sides to continue to support exchanges and cooperation in education, culture, tourism, sports, youth affairs, subnational engagements, and to facilitate people-to-people exchanges.
China is willing to enhance cooperation with Canada within frameworks such as the United Nations, the World Trade Organization, the Group of 20 and the Asia-Pacific Economic Cooperation, jointly upholding multilateralism and free trade, added Li.
For his part, Carney said that since the establishment of diplomatic relations, the Canadian government has firmly adhered to the one-China policy.
Canada is willing to strengthen dialogue with China in various fields on the basis of mutual respect, leverage complementary advantages, and promote cooperation in areas such as economy, trade, energy, green economy, agriculture, and people-to-people exchanges, he noted.
Chinese companies are welcome to invest and conduct business in Canada, and Canadian enterprises are confident in further deepening cooperation with China, said the prime minister.
https://english.news.cn/20260115/5ca69114049f47e1b67c0015e739aa99/c.html
English Caption
Chinese Premier Li Qiang holds talks with Canadian Prime Minister Mark Carney, who is on an official visit to China, at the Great Hall of the People in Beijing, capital of China, Jan. 15, 2026. (Xinhua/Huang Jingwen)