ကနေဒါနိုင်ငံနှင့် ကုန်သွယ်ရေး အစီအမံများက မည်သည့်တတိယနိုင်ငံကိုမှ ဦးတည်ခြင်းမရှိဟု တရုတ်နိုင်ငံ ပြောကြား

ပေကျင်း၊ ဇန်နဝါရီ ၂၇ ရက် (ဆင်ဟွာ)
နှစ်နိုင်ငံ ကုန်သွယ်စီးပွား ကိစ္စရပ်များကို သင့်တင့်လျောက်ပတ်စွာ ကိုင်တွယ်ဖြေရှင်းရန် တရုတ်နိုင်ငံနှင့် ကနေဒါနိုင်ငံတို့ကြား လုပ်ဆောင်ခဲ့သည့် အစီအမံများမှာ မည်သည့်တတိယနိုင်ငံကိုမှ ဦးတည်ခြင်းမရှိသကဲ့သို့ ကမ္ဘာကြီး၏ ငြိမ်းချမ်းမှုနှင့် သာယာဝပြောမှုကိုလည်း အကျိုးပြုလျက်ရှိကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဇန်နဝါရီ ၂၆ ရက်၌ ပြောကြားခဲ့သည်။
တရုတ်နိုင်ငံနှင့် ကုန်သွယ်ရေးဆိုင်ရာ မိတ်ဖက်ဆက်ဆံရေး တစ်မုဟုတ်ချင်း အားကောင်းလာမှုကို လက်တုံ့ပြန်သည့်အနေဖြင့် ကနေဒါထုတ်ကုန်များအပေါ် စည်းကြပ်ခွန် ၁၀၀ ရာခိုင်နှုန်း ကောက်ခံမည်ဟု အမေရိကန် သမ္မတ ဒေါ်နယ်ထရမ့်က မကြာမီက ခြိမ်းခြောက်ပြောဆိုခဲ့ပြီးနောက် ပုံမှန်သတင်းစာရှင်းလင်းပွဲ၌ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက အထက်ပါအတိုင်း ပြောကြားခဲ့ခြင်းဖြစ်သည်။
ကမ္ဘာ့နိုင်ငံအားလုံးအနေဖြင့် နိုင်ငံအချင်းချင်း ဆက်ဆံရေးကို သူနိုင်ကိုယ်နိုင်အားပြိုင်ခြင်းထက် အပြန်အလှန်အကျိုးဖြစ်ထွန်းစေသည့် နည်းလမ်းဖြင့်လည်းကောင်း၊ ထိပ်တိုက်ရင်ဆိုင်ခြင်းထက် ပူးပေါင်းဆောင်ရွက်သည့် နည်းလမ်းဖြင့်လည်းကောင်း ကိုင်တွယ်စီမံသင့်သည်ဟု တရုတ်နိုင်ငံက ခံယူထားကြောင်း ကောက ပြောကြားခဲ့သည်။
တရုတ်နိုင်ငံနှင့် ကနေဒါနိုင်ငံတို့သည် မဟာဗျူဟာမြောက် မိတ်ဖက်ဆက်ဆံရေးသစ် ထူထောင်ခဲ့ကာ နှစ်နိုင်ငံ ကုန်သွယ်စီးပွား ကိစ္စရပ်များကို သင့်တင့်လျောက်ပတ်စွာ ကိုင်တွယ်စီမံရေးအတွက် တိကျသော အစီအမံများကို ချမှတ်လုပ်ဆောင်ခဲ့ရာ သာတူညီမျှစိတ်ဓာတ်၊ ပွင့်လင်းမှု၊ အားလုံးလက်ခံပါဝင်မှု၊ ငြိမ်းချမ်းစွာ ပူးပေါင်းဆောင်ရွက်မှုနှင့် အကျိုးအမြတ် မျှဝေခံစားမှုတို့ကို ထင်ဟပ်စေသည်ဟု ၎င်းက ပြောကြားခဲ့သည်။
ယင်းသည် မည်သည့်တတိယနိုင်ငံကိုမှ ဦးတည်ပစ်မှတ်ထားခြင်းမရှိဘဲ နှစ်နိုင်ငံ ပြည်သူများ၏ ဘုံအကျိုးစီးပွားနှင့်အညီ လုပ်ဆောင်ခြင်းဖြစ်သကဲ့သို့ ကမ္ဘာကြီး၏ တည်ငြိမ်အေးချမ်းမှု၊ ဖွံ့ဖြိုးတိုးတက်မှုနှင့် သာယာဝပြောမှုတို့ကိုလည်း အကျိုးပြုလျက်ရှိသည်ဟု ကောက အလေးထားပြောကြားခဲ့သည်။ (Xinhua)
……………….
(English Version)
China says trade arrangements with Canada not directed at any third party
BEIJING, Jan. 26 (Xinhua) — Arrangements made between China and Canada to properly address their economic and trade issues are not directed at any third party, and are beneficial to world peace and prosperity, a Chinese foreign ministry spokesperson said here Monday.
Spokesperson Guo Jiakun made the remarks at a news briefing after U.S. President Donald Trump recently threatened to place a 100-percent tariff on goods from Canada in response to its burgeoning trade partnership with China.
Guo said China holds that all countries should handle relations with each other in a win-win rather than zero-sum manner, and in a cooperative rather than confrontational way.
China and Canada have built a new strategic partnership and made some specific arrangements for properly addressing economic and trade issues between the two countries, which reflects the spirit of equality, openness, inclusiveness, peaceful cooperation and shared benefits.
It is not targeted at any third party and is in line with the common interests of the two peoples, and also benefits world peace, stability, development and prosperity, he noted.
English Caption
Chinese Vice Premier He Lifeng, also a member of the Political Bureau of the Communist Party of China Central Committee, speaks while jointly attending a China-Canada trade and investment banquet with Canadian Prime Minister Mark Carney in Beijing, capital of China, Jan. 16, 2026. (Xinhua/Ding Lin)