၁၂ သုတ်မြောက် ကိုရီးယားစစ်ပွဲအတွင်း ကျဆုံးခဲ့သည့် အာဇာနည်စစ်သည်များ၏ ရုပ်ကြွင်းပစ္စည်းများအား တရုတ်နိုင်ငံသို့ စတင်သယ်ဆောင်

ဆိုးလ်၊ စက်တင်ဘာ ၁၂ ရက် (ဆင်ဟွာ)

၁၂ သုတ်မြောက် ကိုရီးယားစစ်ပွဲအတွင်း ကျဆုံးခဲ့သည့် အာဇာနည်စစ်သည်များ၏ ရုပ်ကြွင်းပစ္စည်းများအား လွှဲပြောင်းခြင်း အခမ်းအနားကို တရုတ်-တောင်ကိုရီးယား နှစ်နိုင်ငံက တောင်ကိုရီးယားနိုင်ငံ အင်ချွန်းအပြည်ပြည်ဆိုင်ရာလေဆိပ်တွင် စက်တင်ဘာ ၁၂ ရက် နံနက်ပိုင်းက ကျင်းပခဲ့ကြောင်း တောင်ကိုရီးယားနိုင်ငံဆိုင်ရာ တရုတ်နိုင်ငံသံရုံး၏ သတင်းများအရ သိရှိရသည်။ ထို့နောက် တရုတ်ပြည်သူ့လွတ်မြောက်ရေးတပ်မတော် ဂုဏ်ပြုတပ်ဖွဲ့ကြီး၏ ဂုဏ်ပြုတပ်ဖွဲ့စစ်သည်များက အာဇာနည်များ၏ ရုပ်ကြွင်းပစ္စည်းများထည့်သွင်းထားသည့် ခေါင်းတလားများအား လေတပ် Y-20 အထူးလေယာဉ်သို့ လိုက်ပါစောင့်ရှောက်ပို့ဆောင်ခဲ့ပြီး တရုတ်နိုင်ငံသို့ အပြန်ခရီးစဉ် စတင်ခဲ့သည်။

အဆိုပါအခမ်းအနားကို တရုတ်နိုင်ငံ စစ်မှုထမ်းဟောင်းများရေးရာဝန်ကြီးဌာန ဒုတိယဝန်ကြီး မာဖေးရှုန်နှင့် ကိုယ်စားလှယ်အဖွဲ့ဝင်များ၊ တောင်ကိုရီးယားနိုင်ငံဆိုင်ရာ တရုတ်နိုင်ငံသံအမတ်ကြီး သိုက်ပင်းနှင့် သံရုံး သံတမန်အရာရှိများ၊ တရုတ်ရင်းနှီးမြှုပ်နှံမှုအဖွဲ့အစည်းများ၊ တရုတ်နွယ်ဖွားများ၊ ပညာတော်သင်ကျောင်းသား ကိုယ်စားလှယ်များ တက်ရောက်ခဲ့ကြသည်။ အခမ်းအနားတွင် နိုင်ငံတော်သီချင်း သီဆိုခဲ့ကြပြီး သိုက်ပင်းက စေတနာ့ဝန်ထမ်း အာဇာနည်စစ်သည်များ၏ ခေါင်းတလားအား နိုင်ငံတော်အလံလွှမ်းခြုံပေးခဲ့ရာ အခမ်းအနားတက်ရောက်သူအားလုံးက ကျဆုံးလေပြီးသော အာဇာနည်စစ်သည်များ၏ရုပ်ကြွင်းများအား သုံးကြိမ်ဦးညွှတ်၍ နက်ရှိုင်းသော ဝမ်းနည်းအောက်မေ့မှုနှင့် ကြီးမြတ်သည့်လေးစားမှုအား ဖော်ပြခဲ့ကြသည်။

၂၀၁၄ ခုနှစ်မှစ၍ တရုတ်-တောင်ကိုရီးယား နှစ်နိုင်ငံသည် ၁၂ နှစ်ဆက်တိုက် တောင်ကိုရီးယားရှိ တရုတ်ပြည်သူ့စေတနာ့ဝန်ထမ်း အာဇာနည်စစ်သည်များ၏ ရုပ်ကြွင်းနှင့် သက်ဆိုင်ရာ ကြွင်းကျန်ပစ္စည်းများအား လွှဲပြောင်းပေးခဲ့ရာ ယနေ့အခါ လွှဲပြောင်းပေးပြီးသော အာဇာနည်စစ်သည်ရုပ်ကြွင်း ၁,၀၁၁ ခု ရှိပြီဖြစ်သည်။ ယခုအကြိမ် တောင်ကိုရီးယားနိုင်ငံက တရုတ်နိုင်ငံကို စေတနာ့ဝန်ထမ်း အာဇာနည်စစ်သည် ၃၀ ဦး၏ ရုပ်ကြွင်းနှင့် ကြွင်းကျန်ပစ္စည်း ၂၆၇ ခုကို လွှဲပြောင်းပေးခဲ့ခြင်း ဖြစ်သည်။ ဤသို့ တစ်မူထူးခြားသော အနက်အဓိပ္ပာယ်ရှိသည့် ပူးပေါင်းဆောင်ရွက်မှုသည် တရုတ်-တောင်ကိုရီးယား နှစ်နိုင်ငံ၏ သမိုင်းစည်းခြားမှုကို ကျော်လွှားပြီး ငြိမ်းချမ်း၍ချစ်ကြည်ရင်းနှီးသော အနာဂတ်ကို ဖွင့်လှစ်လိုသည့် ဘုံဆန္ဒကို ဖော်ပြလျက်ရှိရာ တောင်ကိုရီးယားနိုင်ငံက တရုတ်-တောင်ကိုရီးယားချစ်ကြည်ရေးနှင့် လူသားချင်းစာနာထောက်ထားရေးမူဝါဒကို အခြေခံ၍ တက်ကြွစွာ ပူးပေါင်းကူညီဆောင်ရွက်ပေးသည့်အပေါ် တရုတ်နိုင်ငံက တန်ဖိုးထားချီးကျူးကြောင်းနှင့် ကျေးဇူးတင်ရှိကြောင်း ဖော်ပြခဲ့သည်။ (Xinhua)
———————————
(Chinese Version)
第十二批在韩志愿军烈士遗骸启程回国
新华社首尔9月12日电（记者陆睿　黄昕欣）据中国驻韩国大使馆消息，9月12日上午，中韩双方在韩国仁川国际机场共同举行第十二批在韩中国人民志愿军烈士遗骸移交。之后，中国人民解放军仪仗司礼大队礼兵护送英烈遗骸棺椁登上空军“运-20”专机启程回国。
退役军人事务部副部长马飞雄及代表团成员，中国驻韩国大使戴兵及使馆外交官，中资机构、华侨华人、留学生代表参加仪式。仪式上奏唱国歌，戴兵为志愿军烈士遗骸棺椁一一覆盖国旗，全体参加人员向烈士遗骸三鞠躬，表达深切哀思和崇高敬意。
自2014年以来，中韩已连续12年进行在韩中国人民志愿军烈士遗骸及相关遗物交接，迄今已交接烈士遗骸1011具。韩方此次向中方移交了30位志愿军烈士遗骸及267件遗物。这项具有特殊意义的合作体现了中韩双方跨越历史隔阂、开创和平友好未来的共同意愿，中方对韩方基于中韩友好和人道主义提供的积极协助表示赞赏和感谢。（完）
1. 9月12日，在韩国仁川，中国驻韩国大使戴兵为志愿军烈士遗骸棺椁覆盖国旗。新华社发（中国驻韩国大使馆供图）
2. 9月12日，在韩国仁川，运送第十二批在韩中国人民志愿军烈士遗骸的专机准备启程回国。新华社发（中国驻韩国大使馆供图）