အမေရိကန်နိုင်ငံက Johnson & Johnson COVID-19 ကာကွယ်ဆေး ဆိုင်းငံ့မှုကို ဖြေလျှော့ပေး

ဝါရှင်တန်၊ ဧပြီ ၂၄ ရက် (ဆင်ဟွာ)

အမေရိကန်နိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာန (FDA) နှင့် အမေရိကန်နိုင်ငံ ရောဂါထိန်းချုပ်ရေးနှင့် ကာကွယ်တားဆီးရေးစင်တာ (CDC) က Johnson & Johnson COVID-19 ကာကွယ်ဆေး အသုံးပြုခွင့်ရပ်ဆိုင်းထားခြင်းကို ဖြေလျှော့ပေးလိုက်ပြီး အရွယ်ရောက်ပြီးသူများအတွက် အသုံးပြုရန် ပြန်လည်ခွင့်ပြုပေးလိုက်ပြီဖြစ်ကြောင်း ဧပြီ ၂၃ ရက်က ကြေညာခဲ့သည်။

အဆိုပါ ဆုံးဖြတ်ချက်သည် CDC ၏ ကာကွယ်ဆေးထိုးနှံခြင်းလုပ်ငန်းဆိုင်ရာ အကြံပေးကော်မတီ (ACIP) က အစည်းအဝေးနှစ်ကြိမ်ပြုလုပ်ပြီးနောက် ဘေးကင်းစိတ်ချရသော ပြန်လည်သုံးသပ်မှုမှတစ်ဆင့် ထွက်ပေါ်လာခြင်းဖြစ်ကြောင်း ၎င်းအဖွဲ့အစည်း နှစ်ခု၏ ပူးတွဲထုတ်ပြန်ချက်အရ သိရသည်။

Johnson & Johnson COVID-19 ကာကွယ်ဆေးထိုးနှံပြီးသူများအနက် ခြောက်ဦးတွင် ရှားပါးပြီး ပြင်းထန်သည့် သွေးခဲမှု ဖြစ်ပွားခဲ့ပြီးနောက် ဧပြီ ၁၃ ရက်က အသုံးပြုခွင့်ဆိုင်းငံ့ခဲ့ခြင်း ဖြစ်သည်။

FDA က ရရှိထားသော အချက်အလက်များအရ အသက် ၁၈ နှစ်နှင့်အထက် လူပုဂ္ဂိုလ်များတွင် အဆိုပါကာကွယ်ဆေး၏ သိရှိထားသည်နှင့် ဖြစ်လာနိုင်သော အကျိုးကျေးဇူးများသည် ၎င်း၏သိရှိထားသည်နှင့် ဖြစ်လာနိုင်သော အန္တရာယ်ထက် ပိုမိုသာလွန်ကြောင်း ဆုံးဖြတ်ခဲ့ခြင်း ဖြစ်သည်။

” ဒီကာကွယ်ဆေးဟာ COVID-19 ရောဂါ ကာကွယ်ရေးမှာ စိတ်ချရပြီး ထိရောက်မှုရှိတယ်လို့ FDA နဲ့ CDC တို့က ယုံကြည်ထားပါတယ်” ဟု ထုတ်ပြန်ချက်၌ ဖော်ပြထားသည်။

“တစ်ချိန်တည်းမှာပဲ ရရှိထားတဲ့ အချက်အလက်တွေက TTS (သွေးခဲခြင်း- thrombocytopenia လက္ခဏာ) ဖြစ်ပွားမှုအခွင့်အလမ်းက အင်မတန်နည်းပါးပါတယ်။ ဒါပေမဲ့ FDA နဲ့ CDC တို့အနေနဲ့ စုံစမ်းစစ်ဆေးမှုကိုတော့ သတိရှိရှိနဲ့ ဆက်လက်ဆောင်ရွက်သွားမှာပါ” ဟု ထုတ်ပြန်ချက်က ဆိုသည်။

CDC ၏ ACIP အကြံပေးသူများသည် TTS နောက်ဆုံးအချက်အလက်များကို ဆွေးနွေးရန် ဧပြီ ၂၃ ရက်က တွေ့ဆုံခဲ့ပြီး အရွယ်ရောက်ပြီးသူများအတွက် Johnson & Johnson COVID-19 ကာကွယ်ဆေးအား ပြန်လည်အသုံးပြုရေး ထောက်ခံရန် မဲပေးခဲ့ကြကြောင်း သိရသည်။

Johnson & Johnson ၏ COVID-19 ကာကွယ်ဆေးကို အမေရိကန်နိုင်ငံတွင် အရေးပေါ်အသုံးပြုရန် ဖေဖော်ဝါရီလကုန်ပိုင်းက ခွင့်ပြုခဲ့ခြင်း ဖြစ်သည်။ ၎င်းကာကွယ်ဆေးသည် FDA ၏ ခွင့်ပြုချက်ရရှိထားသည့် တတိယမြောက် COVID-19 ကာကွယ်ဆေးလည်းဖြစ်ပြီး အမေရိကန်နိုင်ငံ၌ ပထမဆုံးသော တစ်ကြိမ်တည်းသာထိုးနှံရန်လိုအပ်သည့် COVID-19 ကာကွယ်ဆေးလည်း ဖြစ်သည်။ (Xinhua)
————————————
(English Version)
U.S. lifts pause on Johnson & Johnson COVID-19 vaccine
Source: Xinhua| 2021-04-24 07:49:08|Editor: huaxia
WASHINGTON, April 23 (Xinhua) — The U.S. Food and Drug Administration (FDA) and the U.S. Centers for Disease Control and Prevention (CDC) announced on Friday they have determined to lift the pause regarding the use of the Johnson & Johnson COVID-19 vaccine, allowing its resumed use for adults.
The decision was made following a thorough safety review, including two meetings of the CDC’s Advisory Committee on Immunization Practices (ACIP), said a joint statement of the two agencies.
The pause was recommended on April 13 after reports of six cases of a rare and severe type of blood clot in individuals following administration of the Johnson & Johnson COVID-19 vaccine.
The FDA has determined that the available data show that the vaccine’s known and potential benefits outweigh its known and potential risks in individuals 18 years of age and older.
“The FDA and CDC have confidence that this vaccine is safe and effective in preventing COVID-19,” said the statement.
“At this time, the available data suggest that the chance of TTS (thrombosis-thrombocytopenia syndrome) occurring is very low, but the FDA and CDC will remain vigilant in continuing to investigate this risk,” said the statement.
CDC’s ACIP advisors met on Friday to discuss the latest data on TTS, and voted to recommend resuming the use of the Johnson & Johnson COVID-19 vaccine for adults.
Johnson & Johnson’s COVID-19 vaccine was approved for emergency use in the United States in late February. It is the third COVID-19 vaccine that has received FDA’s authorization, also the first single dose COVID-19 vaccine available in the United States. Enditem
A health care worker prepares a dose of COVID-19 vaccine at a new vaccination site in the California Polytechnic State University in Pomona, Los Angeles County, California, the United States, Feb. 5, 2021. (Xinhua)