မကွေးတိုင်းဒေသကြီး၌ နေအိမ် ၂၇လုံး မီးကူးစက်လောင်ကျွမ်း

ရန်ကုန်၊ ဖေဖော်ဝါရီ ၂၇ ရက် (ဆင်ဟွာ)

မကွေးတိုင်းဒေသကြီး၊မြို့သစ်မြို့နယ်၊ ဆူးတပ်ကြီးကျေးရွာတွင် ဖေဖော်ဝါရီ ၂၆ ရက်နေ့ ညနေ ၅နာရီ ၄၀မိနစ်တွင် မီးလောင်ကျွမ်းမှုဖြစ်ပွားပြီး နေအိမ် ၂၇လုံး မီးကူးစက်လောင်ကျွမ်းခဲ့ကြောင်း မြန်မာနိုင်ငံမီးသတ်ဦးစီးဌာနထံမှ သိရသည်။

အဆိုပါ ကျေးရွာရှိ နှစ်ထပ်အိမ်တစ်လုံး၏ မီးဖို မီးကြွင်းမီးကျန်မှ တစ်ဆင့် မီးကူးစက်လောင်ကျွမ်းပြီး အနီးရှိ နေအိမ်များပါ မီးကူးစက်လောင်ကျွမ်းခဲ့ကြောင်း ၊ ယင်း မီးလောင်ကျွမ်းမှုကြောင့် ဆိုင်ကယ်(၁)စီး၊ လယ်ထွန်စက်(၂)စီး၊ စပါးချွေလှေ့စက် (၁)လုံး မီးလောင်ခံခဲ့ရကြောင်း သိရသည်။

ယင်းမီးလောင်ကျွမ်းမှုအား မြို့နယ်မီးသတ်စခန်း၊ နတ်မောက်မြို့နယ် မီးသတ်စခန်း၊ တောင်တွင်းကြီးမြို့နယ် မီးသတ်စခန်းနှင့် အခြားမီးသတ်စခန်းများမှ လာရောက် မီးငြှိမ်းသတ်ရာ ည ၇နာရီ ၄၀မိနစ်၌ မီးငြှိမ်းခဲ့ကြောင်း သိရသည်။(Xinhua)