အင်းစိန် စော်ဘွားကြီးကုန်း ၌ အိမ်ခြောက်လုံး မီးလောင်ဆုံးရှုံး

ရန်ကုန်၊ ဖေဖော်ဝါရီ ၁၅ ရက် (ဆင်ဟွာ)

အင်းစိန်မြို့နယ် စော်ဘွားကြီးကုန်း၊ ထန်းပင်ကုန်းရပ်ကွက်ရှိ သဇင်လမ်းတွင် ဖေဖော်ဝါရီ ၁၄ ရက်နေ့က မီးလောင်ကျွမ်းမှုကြောင့် နေအိမ် ခြောက်လုံးဆုံးရှုံးသွားကြောင်း မီးသတ်ဦးစီးဌာနထံမှ သိရသည်။

အဆိုပါ သဇင်လမ်းရှိ နေအိမ်ရှိ သွယ်တန်း ထားသော ဟောင်းနွမ်းနေသည့် လျှပ်စစ် ဝါယာကြိုးများ အပူလွန်ကဲ၍ မီးလောင်ရာမှ မီးကြိုးပြတ်ကျကာ အောက်တွင်ရှိသော ဒန်းလော့မွေ့ရာ ပေါ်သို့ မီးကူးစက် လောင်ကျွမ်းခဲ့သည်။

မီးလောင်မှုကြောင့် RC တိုက်တစ်လုံး၊ သွပ်မိုးပျဉ်ကာပျဉ်ခင်း အိမ်နှစ် လုံး၊ ဓနိမိုးထရံကာဝါးခင်း အိမ် သုံးလုံးမီးလောင် ကျွမ်းခဲ့သည်။

၎င်းမီးလောင်မှုက ည ၈ နာရီ ၄၃ မိနစ်တွင် လျှပ်စစ်ဝါယာရှော့မှတစ်ဆင့် စတင်လောင်ကျွမ်းခြင်းဖြစ်ပြီး ည ၉ နာရီတွင် မီးညွန့် ကျိုးသွားကာ ည ၉ နာရီ ၁ဝ မိနစ်တွင် မီးငြိမ်းသွားကြောင်း သိရသည်။ (Xinhua)