Politics, Law & Military
တပ်မတော် ထိပ်ပိုင်းရာထူးများ တိုးမြှင့်ခန့်အပ်
ရန်ကုန်၊ သြဂုတ် ၂၆ ရက် (ဆင်ဟွာ)
မြန်မာ့တပ်မတော်အတွင်း တာဝန်ထမ်းဆောင်နေသည့် ထိပ်ပိုင်းရာထူးနေရာများကို တိုးမြှင့်ခန့်အပ်ခန့်မှုများ ပြုလုပ်လိုက်ကြောင်း တပ်မတော်ကာကွယ်ရေးဦးစီးချုပ်ရုံးက ယနေ့ သတင်းထုတ်ပြန်လိုက်သည်။
အဆိုပါ ရာထူးတိုးမြှင့်ခန့်အပ်မှုတွင် ဒုတိယ ဗိုလ်ချုပ်ကြီး မြထွန်းဦးအား ဗိုလ်ချုပ်ကြီး ရာထူးတိုးမြှင့်ပြီး တပ်မတော်၏ တတိယခေါင်းဆောင်နေရာဖြစ်သည့် တပ်မတော် ကြည်း၊ ရေ ၊ လေ ညှိနှိုင်းကွပ်ကဲရေးမှူးဖြစ်လာကြောင်း ထုတ်ပြန်ချက်တွင် ဖော်ပြထားသည်။
ဗိုလ်ချုပ်ဝင်းမင်းထွန်းအား အရှေ့ပိုင်းတိုင်းစစ်ဌာနချုပ် တိုင်းမှူးအဖြစ်လည်းကောင်း၊ ဗိုလ်ချုပ်သန်းလှိုင်သည် အရှေ့အလယ်ပိုင်းတိုင်းစစ်ဌာနချုပ် တိုင်းမှူးအဖြစ်လည်းကောင်း၊ ဗိုလ်ချုပ် လင်းအောင်အား ကမ်းရိုးတန်းဒေသတိုင်းစစ်ဌာနချုပ် တိုင်းမှူးအဖြစ်လည်းကောင်း၊ ဗိုလ်ချုပ် မောင်မောင်စိုးအား အနောက်ပိုင်းတိုင်းစစ်ဌာနချုပ် တိုင်းမှူးအဖြစ်လည်းကောင်း၊ ဗိုလ်မှူးချုပ် သက်ပုံအား အနောက်မြောက်တိုင်းစစ်ဌာနချုပ် တိုင်းမှူးအဖြစ်လည်းကောင်း အသီးသီး ရာထူး တိုးမြှင့်ခံ ရကြောင်း တပ်မတော်သတင်းထုတ်ပြန်ချက်တွင် ဖော်ပြထားသည်။ (Xinhua)
