သွေးထိုးလှုံ့ဆော်မှု ဖြန့်ဝေသူများအား ဥပဒေနှင့်အညီ အရေးယူဆောင်ရွက်မည်

ရန်ကုန်၊ စက်တင်ဘာ ၉ ရက် (ဆင်ဟွာ)

မြန်မာနိုင်ငံတစ်ဝန်းရှိ ပြည်သူများထံသို့ တယ်လီဖုန်း မက်ဆေ့များ (Message) ၊ ဖေ့ဘုတ်စ်(Facebook) ၊ မက်ဆင်ဂျာ (Messenger) များမှ တစ်ဆင့် စက်တင်ဘာလ ၁၁ ရက်နေ့တွင် အကြမ်းဖက် တိုက်ခိုက်မှုများ ပြုလုပ်ရန် စီစဉ်နေသည် ဆိုသည့် သတိပေး သွေးထိုးလှုံ့ဆော်မှုများ ဖြန့်ဝေနေသူများကို ဥပဒေနှင့် အညီအရေးယူမည်ဖြစ်ကြောင်း သတင်းထုတ်ပြန်ရေးကော်မတီက ထုတ်ပြန်သော သတင်းအရသိရသည်။

အဆိုပါ သတင်းထုတ်ပြန်ရေးကော်မတီက ထုတ်ပြန်သော သတင်းတွင် မတူညီသည့် လူ့အဖွဲ့အစည်း နှစ်ရပ်အကြား တယ်လီဖုန်း မက်ဆေ့များ (Message) ၊ ဖေ့ဘုတ်စ် (Facebook) ၊ မက်ဆင်ဂျာ(Messenger)များ မှ သွေးထိုးလှုံ့ဆော်သည့် သတင်းများ ဖြန့်ဝေခြင်း မပြုကြ ရန်နှင့် ဖြန့်ဝေပေးပို့လာမှုများ ရှိပါက ပေးပို့လာသူများအား တာဝန်ရှိသူများထံ ဆက်သွယ်သတင်းပေး ကြပါရန် အသိပေးအပ်ထားကြောင်း သိရသည်။

ပြည်သူများကြားတွင် အထိတ်တလန့် ဖြစ်စေသည့် ယင်းလုပ်ရပ်များကို လူ့အဖွဲ့အစည်း နှစ်ရပ်လုံးမှ ဆောင်ရွက်သည်ဟု ယူဆပါကြောင်း၊ ယင်းသို့ သွေးထိုးလှုံ့ဆော်မှု ဆောင်ရွက်သူများအား ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း ဖော်ပြထားသည်။(Xinhua)