Politics, Law & Military
သင်္ကြန်အကြိုနေ့တွင် လားရှိုးမြို့၌ ဗုံးပေါက်ကွဲမှုကြောင့် လူ ၄ ဦး သေဆုံးပြီး ၁၁ ဦး ဒဏ်ရာရရှိ
ရန်ကုန်၊ ဧပြီ ၁၄ ရက် (ဆင်ဟွာ)
ရှမ်းပြည်နယ် လားရှိုးမြို့နယ်၌ သင်္ကြန်အကြိုနေ့( ဧပြီလ ၁၃ ရက်)က ဗုံးပေါက်ကွဲမှု ဖြစ်ပွားပြီး လူ ၄ ဦး သေဆုံးကာ ၁၁ ဦး ဒဏ်ရာရရှိခဲ့ကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေး အဖွဲ့က ထုတ်ပြန်သော သတင်းအရ သိရသည်။လားရှိုးမြို့ရှိ ရန်တိုင်းအောင် ဘုရားဝန်းရှေ့ ပန်းခြံအနီး ကားရပ်နားရာနေရာတွင် နံနက် ၁၁ နာရီ ၄၅ မိနစ် က လက်လုပ်ဗုံးတစ်လုံးပေါက်ကွဲမှု ဖြစ်ပွားခဲ့ကြောင်း သိရသည်။
အဆိုပါ ပေါက်ကွဲမှုကြောင့် သေဆုံးသူများသည် ဘုရားသို့ ဘုရားဖူးလာသူများဖြစ်ပြီး ဒဏ်ရာရရှိသူများတွင် သုံးနှစ်အရွယ်ကလေးငယ်တစ်ဦးပါဝင်ကြောင်း၊ ဒဏ်ရာရသူများကို လားရှိုးဆေးရုံသို့ ပို့ဆောင်ကာ ဆေးကုသမှု ခံယူလျက်ရှိကြောင်း သိရသည်။
လားရှိုးမြို့၌ ဗုံးပေါက်ကွဲမှုကြောင့် ပျက်ဆီးသွားသော ကားများအားတွေ့ရစဉ် (ဓာတ်ပုံ- နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေး အဖွဲ့)
လားရှိုးမြို့၌ ဗုံးပေါက်ကွဲမှုကြောင့် ပျက်ဆီးသွားသော ကားများအားတွေ့ရစဉ် (ဓာတ်ပုံ- နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေး အဖွဲ့)
သင်္ကြန်အကြိုနေ့တွင် ရန်ကုန်တိုင်းဒေသကြီး သာကေတမြို့နယ်တွင် ဗုံးပေါက်ကွဲမှုတစ်ခု ဖြစ်ပွားခဲ့ပြီး လူသေဆုံးမှုမရှိကြောင်း မြန်မာနိုင်ငံရဲတပ်ဖွဲ့မှ ဒုတိယ ရဲမှုးကြီးတစ်ဦးက ပြောသည်။
ယင်း ကျူးလွန်သူများကို ရှာဖွေဖော်ထုတ်နိုင်ရန် လုပ်ငန်းများ ဆောင်ရွက်လျက်ရှိကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေး အဖွဲ့ထံမှ သိရသည်။ (Xinhua)
