Sport
အာရှခြေစစ်ပွဲ ပွဲဦးထွက်တွင် မြန်မာ ယူ-၂၀ အမျိုးသမီးအသင်းက နီပေါအသင်းကို ဂိုးပြတ် အနိုင်ရ
ရန်ကုန်၊ ဇွန် ၆ ရက် (ဆင်ဟွာ)
၂၀၂၄ အာရှအမျိုးသမီး ယူ-၂၀ ဘောလုံးပြိုင်ပွဲ၊ ဒုတိယအဆင့် ခြေစစ်ပွဲ အုပ်စု (B) ပွဲစဉ်အဖြစ် ရန်ကုန်မြို့၊ သုဝဏ္ဏကွင်းတွင် ဇွန် ၆ ရက်၊ မြန်မာစံတော်ချိန် ည ၆း၃၀ နာရီက မြန်မာ ယူ-၂၀ အမျိုးသမီးအသင်းနှင့် နီပေါ ယူ-၂၀ အမျိုးသမီးအသင်းတို့ ယှဉ်ပြိုင်ကစားခဲ့ကြရာ မြန်မာ ယူ-၂၀ အမျိုးသမီးအသင်းက (၅-ဝ)ဂိုးဖြင့် အနိုင်ရခဲ့သည်။
မြန်မာအသင်းအတွက် ဂိုးများကို ပွဲချိန် ၂၂ မိနစ်တွင် ဇွန်မိုးပြည့်၊ ပွဲချိန် ၄၄ မိနစ်တွင် ယဉ်မိုးအိမ်၊ ပွဲချိန် ၄၆ မိနစ်တွင် ယဉ်လွန်းအိမ်၊ ပွဲချိန် ၆၉ မိနစ်တွင် လူစားဝင်လာသည့် ယွန်းဝတီလှိုင်၊ ပွဲချိန် မိနစ် ၉၀ တွင် ယဉ်လွန်းအိမ်တို့က သွင်းယူခဲ့ပြီး ပွဲအပြီးတွင် မြန်မာအသင်းက ၅-၀ ဂိုးဖြင့်အနိုင်ရရှိခဲ့သည်။ (Xinhua)
