လက်တွေ့ကျသော ပူးပေါင်းဆောင်ရွက်မှု နက်နက်ရှိုင်းရှိုင်းရှိရေး၊ နိုင်ငံတကာစည်းစနစ်ကို ထိန်းသိမ်းကာကွယ်ရေးအတွက် တရုတ်နိုင်ငံနှင့် ရုရှားနိုင်ငံတို့၏ နိုင်ငံခြားရေးဝန်ကြီးများ သဘောတူ

မော်စကို၊ ဧပြီ ၂ ရက် (ဆင်ဟွာ)
တရုတ်နိုင်ငံခြားရေးဝန်ကြီး ဝမ်ရိနှင့် ရုရှားနိုင်ငံခြားရေးဝန်ကြီး ဆာဂေး လက်ဗ်ရော့တို့က နှစ်နိုင်ငံဆက်ဆံရေး တိုးတက်ကောင်းမွန်စေရေးနှင့် နယ်ပယ်အသီးသီးတွင် ပူးပေါင်းဆောင်ရွက်ရေးတို့ကို အတူတကွ မြှင့်တင်သွားရန် ဧပြီ ၁ ရက်၌ သဘောတူညီခဲ့ကြသည်။
တရုတ်နိုင်ငံခြားရေးဝန်ကြီး ဝမ်ရိ၏ ရုရှားနိုင်ငံသို့ တရားဝင်ခရီးစဉ်အတွင်း လက်ဗ်ရော့နှင့် တွေ့ဆုံဆွေးနွေးရာ၌ ၎င်းတို့နှစ်ဦးက အထက်ပါအတိုင်း ပြောကြားခဲ့ခြင်းဖြစ်သည်။
တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ဗလာတီမာပူတင်တို့မှာ ယခုနှစ်အတွင်း မဟာဗျူဟာကျသော ဆက်သွယ်ဆွေးနွေးမှု နှစ်ကြိမ်ပြုလုပ်ထားပြီးဖြစ်ကာ ရာစုနှစ်တစ်ခုအတွင်း မကြုံဖူးသေးသော ကြီးမားသည့် အပြောင်းအလဲများကြား နှစ်နိုင်ငံဆက်ဆံရေး တည်ငြိမ်စွာတိုးတက်စေရန် ပဲ့ကိုင်လမ်းညွှန်ပေးခဲ့ပြီး နှစ်နိုင်ငံကြား မဟာဗျူဟာမြောက် ဘက်စုံပူးပေါင်းဆောင်ရွက်မှု နက်နက်ရှိုင်းရှိုင်းရှိစေရန် အရေးပါသော ထိထိရောက်ရောက် ဖော်ဆောင်မှုအသစ်များကို လုပ်ဆောင်ခဲ့သည်ဟု တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်လည်းဖြစ်သူ ဝမ်က ပြောကြားခဲ့သည်။
နှစ်နိုင်ငံ ခေါင်းဆောင်များကြား ရရှိထားသော ဘုံသဘောတူညီမှုများကို အကောင်အထည်ဖော်ရေး၊ နှစ်နိုင်ငံဆက်ဆံရေး တိုးတက်ကောင်းမွန်ရေးနှင့် နယ်ပယ်အသီးသီး၌ ပူးပေါင်းဆောင်ရွက်မှုများကို အတူတကွ မြှင့်တင်ရေး၊ နှစ်နိုင်ငံ ပြည်သူများကို ဆက်လက်အကျိုးပြုရေးအတွက် ရုရှားနိုင်ငံနှင့် လက်တွဲလုပ်ဆောင်ရန် တရုတ်နိုင်ငံက ဆန္ဒရှိပါကြောင်း ဝမ်က ပြောကြားခဲ့သည်။
ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင်နိုင်ငံများ၏ အထူးတာဝန်များကို ကျေပွန်စွာထမ်းဆောင်ကာ ဒုတိယကမ္ဘာစစ်၏ အကျိုးရလဒ်များနှင့် နိုင်ငံတကာ၌ တန်းတူညီမျှမှု၊ တရားမျှတမှုတို့ကို ကာကွယ်ထိန်းသိမ်းရာတွင် ရုရှားနိုင်ငံနှင့် ပူးပေါင်းဆောင်ရွက်ရန် တရုတ်နိုင်ငံက အသင့်ရှိကြောင်း ၎င်းက ဆိုသည်။
ထို့အတူ ငြိမ်းချမ်းမှုနှင့် ဖွံ့ဖြိုးတိုးတက်မှုအတွက် ပံ့ပိုးမှုအသစ်များ လုပ်ဆောင်ရန်အတွက် ဗဟုဝင်ရိုးကမ္ဘာနှင့် နိုင်ငံတကာဆက်ဆံရေး နယ်ပယ်တွင် ဒီမိုကရေစီစနစ် ပိုမိုကျယ်ပြန့်ထွန်းကားရေးအတွက် အားပေးမြှင့်တင်ရာတွင်လည်း တရုတ်နိုင်ငံက ရုရှားနိုင်ငံနှင့်အတူ လက်တွဲလုပ်ဆောင်ရန် အသင့်ရှိပါကြောင်း ဝမ်က ဖြည့်စွက်ပြောကြားခဲ့သည်။ (Xinhua)

…………………..
(English Version)
Chinese, Russian FMs agree to deepen practical cooperation, safeguard just int’l order
MOSCOW, April 1 (Xinhua) — Chinese Foreign Minister Wang Yi and Russian Foreign Minister Sergey Lavrov agreed on Tuesday to jointly advance the development of bilateral relations and cooperation across various fields.
They made the remarks during Wang’s official visit to Russia where he held talks with Lavrov.
Wang, also a member of the Political Bureau of the Communist Party of China Central Committee, said Chinese President Xi Jinping and Russian President Vladimir Putin have twice engaged in strategic communication so far this year, guiding the steady progress of bilateral relations amid the major changes unseen in a century and making new important deployments to deepen comprehensive strategic coordination between the two countries.
China is willing to work with Russia to implement the consensus reached by the two heads of state, jointly advance the development of bilateral relations and cooperation across various fields, and continue to benefit the two peoples, Wang said.
China is willing to work with Russia to shoulder the special responsibilities as permanent members of the UN Security Council to safeguard the outcomes of World War II, as well as international fairness and justice, he said.
China is also ready to work with Russia to promote a multi-polar world and greater democracy in international relations, so as to make new contributions to the cause of peace and development, he added.
English Caption
Chinese Foreign Minister Wang Yi, also a member of the Political Bureau of the Communist Party of China Central Committee, holds talks with Russian Foreign Minister Sergey Lavrov in Moscow, Russia, April 1, 2025. (Xinhua/Bai Xueqi)