အာဖဂန်နစ္စတန် နိုင်ငံ အရှေ့ပိုင်း တွင် အသေခံ ဗုံးခွဲ တိုက်ခိုက်မှု ဖြစ်ပွားခဲ့ရာ လူပေါင်း ၂၈ ဦး သေဆုံး ဒဏ်ရာ ရရှိမှု ဖြစ်ပွား

ကဘူးလ် ၊ ဇန်နဝါရီ ၁ ရက် (ဆင်ဟွာ)

အာဖဂန်နစ္စတန် နိုင်ငံ အရှေ့ပိုင်း Nangarhar ပြည်နယ်တွင် ဒီဇင်ဘာ ၃၁ ရက်နေ့၌ အသေခံ ဗုံးခွဲ တိုက်ခိုက်မှု ဖြစ်ပွား ခဲ့ရာ ၁၂ ဦး သေဆုံးခဲ့ပြီး ၁၆ ဦး ဒဏ်ရာရရှိခဲ့ကြောင်း ပြည်နယ် အစိုးရ က အတည်ပြု ထုတ်ပြန်ခဲ့သည်။

အမည်မဖော်လိုသူ ဒေသတွင်း အရာရှိ တစ်ဦး က တိုက်ခိုက်မှုသည် ဒီဇင်ဘာ ၃၁ ရက်နေ့ နေ့လယ် ၁ နာရီ ၃၀ မိနစ် ခန့်တွင် ဖြစ်ပွား ခဲ့ကြောင်း ၊ တိုက်ခိုက်သူ သည် ဒေသတွင်း အရာရှိဟောင်း တစ်ဦး ၏ အသုဘ အခမ်းအနား ကျင်းပ စဉ် ကိုယ်တွင် တပ်ဆင်ထားသည့် ဗုံးအား ဖောက်ခွဲ ခဲ့ခြင်း ဖြစ်ကြောင်း ဆင်ဟွာ သတင်းဌာန သို့ ပြောကြားခဲ့သည်။

တိုက်ခိုက်မှု ပုံစံ အား ကြည့်ခြင်းအားဖြင့် IS အစွန်းရောက် အဖွဲ့အစည်း ၏ ဆောင်ရွက်မှု ပုံစံ ဖြစ်ကြောင်း အစိုးရ က သုံးသပ်ခဲ့ပြီး IS အဖွဲ့ အနေဖြင့် ဒီဇင်ဘာလ အတွင်း တိုက်ခိုက်မှု များစွာ ဆောင်ရွက်ခဲ့ရာ ဒီဇင်ဘာ ၂၈ ရက်နေ့၌ ဆောင်ရွက်ခဲ့သည့် အကြမ်းဖက် တိုက်ခိုက်မှုတွင် လူပေါင်း ၁၂၅ ဦး သေဆုံးခဲ့သည်။

အာဖဂန်နစ္စတန် ဒေသတွင်း မီဒီယာ ၏ ဖော်ပြချက်အရ လက်ရှိချိန်တွင် အာဖဂန်နစ္စတန် ၌ IS အစွန်းရောက် တပ်ဖွဲ့ဝင် ပေါင်း ၁ သောင်းကျော် တည်ရှိနေပြီး ၎င်းတို့ အနက် အချို့မှာ အီရတ် နှင့် ဆီးရီးယား မှ ရောက်ရှိလာခြင်း ဖြစ်ကြောင်း သိရှိရသည်။(Xinhua)