အီရန် တွင် အင်အား ၅.၆ ပမာဏရှိ ငလျင်လှုပ်ခတ်မှုဖြစ်ပွား

တီဟီရန်၊ စက်တင်ဘာ ၇ ရက် (ဆင်ဟွာ)

အီရန် နိုင်ငံ အရှေ့တောင်ပိုင်း Sistan နှင့် Baluchestan ပြည်နယ် ရှိ Masjed-e hazrat-e aboulfazi ဒေသ၌် စက်တင်ဘာ ၇ ရက် ဒေသစံတော်ချိန် ၁၀း၅၃နာရီတွင် အင်အား ၅.၆ပမာဏရှိ ငလျင်တစ်ခု လှုပ်ခတ်ခဲ့ကြောင်း သိရသည်။

အီရန်နိုင်ငံ မြေငလျင်ဌာန၏ ပြောကြားချက်အရ ငလျင်သည် မြောက်လတ္တီကျု ၂၈.၂၂၉ ဒီဂရီ၊ အရှေ့လောင်ဂျီကျု ၅၉.၄၈၁ ဒီဂရီ ရှိ မြေပြင်အနက် ၁၀ကီလိုမီတာကို ဗဟိုပြု၍ လှုပ်ခတ်ခဲ့ကြောင်း သိရသည်။

ငလျင်ဒဏ်ကို အနီးအနားရှိ Kerman ပြည်နယ်မှ ခံစားသိရှိရပြီး ငလျင်ကြောင့် လူသေဆုံးမှု နှင့် ထိခိုက်ပျက်စီးမှု မရှိသေးကြောင်း သိရသည်။ (Xinhua)