တရုတ်နိုင်ငံ၏ အကူအညီဖြင့် အသစ်တည်ဆောက်ထားသော ဆေးရုံအား တူနီးရှားနိုင်ငံ သမ္မတ ဖွင့်လှစ်

တူးနစ်၊ ဒီဇင်ဘာ ၁၁ ရက် (ဆင်ဟွာ) ဘာသာပြန် – ခေါန်ရိန်

တူနီးရှားနိုင်ငံ သမ္မတ Kais Saied က နိုင်ငံ အရှေ့တောင်ပိုင်း Sfax ပြည်နယ်တွင် တရုတ်နိုင်ငံ၏ ငွေကြေးအကူအညီဖြင့် တည်ဆောက်ထားသော တက္ကသိုလ်ဆေးရုံအသစ်ကို ဒီဇင်ဘာ ၁၀ ရက်တွင် ဖွင့်လှစ်ပေးခဲ့ကြောင်း သိရသည်။

အဆိုပါ ဆေးရုံအသစ် ဖွင့်လှစ်ခြင်းအခမ်းအနားသို့ တူနီးရှားနိုင်ငံဆိုင်ရာ တရုတ်နိုင်ငံ သံအမတ်ကြီး Zhang Jianguo ၊ တူနီးရှား ကာကွယ်ရေးဝန်ကြီး Ibrahim Bartagi ၊ ကျန်းမာရေးဝန်ကြီး Faouzi Mehdi နှင့် နှစ်နိုင်ငံ ကိုယ်စားလှယ်အဖွဲ့ နှစ်ဖွဲ့တို့ တက်ရောက်ခဲ့ကြသည်။

Saied သည် အထူးကြပ်မတ်ဆောင်၊ ဦးနှောက်နှင့်အာရုံကြောနှင့် အရေးပေါ်ဌာနများ အပါအဝင် ဌာနများသို့ သွားရောက်မလေ့လာမီ ဆေးရုံတည်ဆောက်မှု ဗီဒီယိုတင်ဆက်ခြင်းကို တက်ရောက်ကြည့်ရှုခဲ့သည်။

“အရေးအကြီးဆုံးသော လူ့အခွင့်အရေးများအနက်တစ်ခုဖြစ်သော တူနီးရှားနိုင်ငံသားများ၏ ကျန်းမာရေးအခွင့်အရေးကို ခိုင်မာစေကာ အာမခံချက်ပေးနိုင်လိမ့်မည်” ဟု တူနီးရှား သမ္မတ Saied က ဤစီမံချက်၏ အရေးပါမှုကို အလေးထားပြောကြားခဲ့သည်။

ထို့ပြင် တူနီးရှားနိုင်ငံအတွက် တရုတ်နိုင်ငံ၏ အကူအညီနှင့် ထောက်ပံ့မှုအတွက် ကျေးဇူးတင်ကြောင်း၊ “တူနီးရှားနိုင်ငံသားများ၏ ရည်မှန်းချက်များနှင့် ပြည့်မီစေမည့် စီမံကိန်းကြီးများစွာကို ဆက်လက်ဆောင်ရွက်သွားရန် တရုတ်နိုင်ငံမှ မိတ်ဆွေများနှင့် အတူတကွ လုပ်ဆောင်သွားမည်” ဖြစ်ကြောင်း Saied က ဆိုသည်။

၎င်းဆေးရုံအသစ်အား COVID-19 လူနာများ စောင့်ရှောက်ရေးနှင့် ကုသရေးအတွက် အမျိုးသားစင်တာတစ်ခုအဖြစ် အသွင်ပြောင်းလဲသွားမည်ဖြစ်ကြောင်း၊ ကာကွယ်ရေးဝန်ကြီးဌာနအောက်ရှိ စစ်ဘက်ဆိုင်ရာ ကျန်းမာရေး အမျိုးသားညွှန်ကြားမှုဦးစီးဌာန၏ ကြီးကြပ်မှုအောက်၌ ထားရှိသွားမည်ဖြစ်ကြောင်း Saied က သတင်းထောက်များအား ပြောကြားခဲ့သည်။

ထို့ပြင် တူနီးရှားနိုင်ငံဆိုင်ရာ တရုတ်နိုင်ငံ သံအမတ်ကြီး Zhang က “Sfax ဆေးရုံဟာ တူနီးရှားနိုင်ငံမှာ တရုတ်နိုင်ငံက ကူညီပေးထားတဲ့ စီမံကိန်းတွေထဲမှာ အကြီးဆုံးဖြစ်ပါတယ်” ဟု အခမ်းအနား၌ ပြောခဲ့သည်။

တူနီးရှားနိုင်ငံနှင့် တရုတ်နိုင်ငံတို့သည် လွန်ခဲ့သည့် နှစ်ပေါင်း ၅၆ နှစ်အကြာ သံတမန်ဆက်ဆံရေး တည်ထောင်စဉ်ကတည်းက ဆက်ဆံရေးမှာ အပြန်အလှန် လေးစားမှုအပေါ် အခြေတည်ထားလျက်ရှိကြောင်း Zhang က ဆိုသည်။

“နှစ်နိုင်ငံ ကြိုးပမ်းအားထုတ်မှုများအရ စီးပွားရေးနှင့် ကူးသန်းရောင်းဝယ်ရေးနယ်ပယ်များ၊ လူသားအရင်းအမြစ် ဖလှယ်မှုများတွင် အပြန်အလှန် ယုံကြည်မှုနှင့် ပူးပေါင်းဆောင်ရွက်မှု ဆက်လက်ခိုင်မာလျက်ရှိသလို နယ်ပယ်များစွာ၌လည်း အားတက်ဖွယ်ရလဒ်များ ရရှိလျက်ရှိပါတယ်” ဟု ၎င်းက ပြောသည်။

COVID-19 ကပ်ရောဂါသည် ကမ္ဘာ့ပြည်သူများ၏ ကျန်းမာရေးနှင့် ချမ်းသာသုခကို ခြိမ်းခြောက်လျက်ရှိသလို နိုင်ငံများစွာ၏ စီးပွားရေးနှင့် လူမှုရေး ဖွံ့ဖြိုးတိုးတက်မှုအပေါ် မကောင်းသော သက်ရောက်မှုများ ဖြစ်ပေါ်လျက်ရှိသည်ကို ရည်ညွှန်းလျက် “ယခုနှစ်ဟာ အထူးနှစ်တစ်နှစ်လည်းဖြစ်ပါတယ်” ဟု Zhang က ပြောကြားခဲ့သည်။

“ဒီကပ်ရောဂါကို တိုက်ဖျက်ဖို့ ကျွန်တော်တို့တွေ စည်းလုံးညီညွတ်မှုနဲ့ ပူးပေါင်းဆောင်ရွက်မှု အခိုင်အမာ ရှိရပါမယ်” ဟု ၎င်းက ဆိုသည်။

တူနီးရှားနိုင်ငံ စစ်ဘက်ဆိုင်ရာ ကျန်းမာရေး အမျိုးသားညွှန်ကြားမှုဦးစီးဌာနကလည်း ယခုဆေးရုံတည်ဆောက်မှုကို ၂၀၁၆ ခုနှစ် ဒီဇင်ဘာလတွင် စတင်ခဲ့ခြင်းဖြစ်ပြီး ဧရိယာအားဖြင့် စတုရန်းမီတာ ၂၆,၀၀၀ ခန့်ရှိကြောင်း ပြောကြားခဲ့သည်။

တရုတ်နိုင်ငံတွင် အကြီးဆုံး ဆောက်လုပ်ရေးကုမ္ပဏီနှင့် ကမ္ဘာ့ အင်အားအကြီးဆုံး ကုမ္ပဏီ ၅၀၀ အနက် တစ်ခုဖြစ်သော China State Construction Engineering Corporation မှတည်ဆောက်သော ၎င်းဆေးရုံသည် ကုတင် ၂၄၆ ဆံ့ဆေးရုံဖြစ်ကြောင်း သိရသည်။ (Xinhua)

———————————-
(English Version)
Tunisian president inaugurates new hospital built with Chinese aid

TUNIS, Dec. 10 (Xinhua) — Tunisian President Kais Saied inaugurated on Thursday the new university hospital in southeastern Tunisia’s Sfax Province which has been constructed with Chinese financial aid.

The inauguration ceremony was attended by China’s Ambassador to Tunisia Zhang Jianguo, Tunisian Defense Minister Ibrahim Bartagi, Minister of Health Faouzi Mehdi as well as two delegations representing the two countries.

Upon arriving at the new hospital, Saied attended a video-presentation on the construction of the hospital, before visiting its various departments which include the intensive care unit, the neurology and emergency departments.

The Tunisian leader underlined the importance of this project, noting that it “which will only strengthen and guarantee the right of Tunisians to health, which remains one of the most important human rights.”

He expressed gratitude to China for its aid and support to Tunisia, vowing that “we will work together with our Chinese friends to carry out many megaprojects that will meet the aspirations of Tunisians.”

This new hospital will be transformed into a national center for the care and treatment of COVID-19 patients, which will be under the supervision of the National Directorate of Military Health, under the Ministry of Defense, Saied told reporters.

“The Sfax hospital is the largest Chinese aided projects in Tunisia,” the Chinese ambassador said at the ceremony.
Zhang said that Tunisia and China “have always had, since the establishment of diplomatic relations 56 years ago, relations based on mutual respect.”
“Thanks to the combined efforts of the two sides, which has continuously strengthened mutual trust and cooperation in the economic and commercial fields and exchanges of human resources, several fields have recorded encouraging results,” he said.

“The year 2020 is a special year,” Zhang said, referring to the COVID-19 pandemic which threatens the health and well-being of all peoples of the world and has negative effects on the economic and social development of various countries.
“We have to strengthen solidarity and cooperation to fight this pandemic,” he said.
The Tunisian National Directorate of Military Health said that the construction of this hospital, which covers an area of about 26,000 square meters, started in December 2016.

Built by China State Construction Engineering Corporation, the largest construction company in China and one of the 500 most powerful companies in the world, the hospital has the capacity 246 beds. Enditem