ပါလက်စတိုင်း-အစ္စရေး ပဋိပက္ခ အား နှစ်နိုင်ငံ ဖြေရှင်းမှု ပုံစံ ဖြင့် ဆောင်ရွက်သွားရန် ထောက်ခံကြောင်း ဂျာမနီ နိုင်ငံ ဝန်ကြီးချုပ် ပြောကြား

ဂျေရုစလင် ၊ အောက်တိုဘာ ၅ ရက် (ဆင်ဟွာ)

အစ္စရေး နိုင်ငံ သို့ အလည်အပတ် ခရီး ဖြင့် ရောက်ရှိနေသည့် ဂျာမနီ နိုင်ငံ ဝန်ကြီးချုပ် Angela Merkel က အောက်တိုဘာ ၄ ရက် ၌ ဂျာမနီ နိုင်ငံ အနေဖြင့် ပါလက်စတိုင်း-အစ္စရေး ပဋိပက္ခ အား နှစ်နိုင်ငံ ဖြေရှင်းမှု ပုံစံ (Two-state solution) ဖြင့် ဆောင်ရွက်သွားရန် ထောက်ခံကြောင်း ပြောကြား ခဲ့သည်။

ဂျာမနီ နိုင်ငံ ဝန်ကြီးချုပ် Angela Merkel နှင့် အစ္စရေး နိုင်ငံ ဝန်ကြီးချုပ် Benjamin Netanyahu တို့က အောက်တိုဘာ ၄ ရက် တွင် ဂျေရုစလင် မြို့ ၌ တွေ့ဆုံဆွေးနွေးမှု တစ်ရပ်ကျင်းပ ပြလုပ်ခဲ့ပြီး ဆွေးနွေးမှု အပြီး သတင်းစာ ရှင်းလင်းပွဲ ပြုလုပ်ရာတွင် Merkel က ဂျာမနီ နိုင်ငံ အနေဖြင့် နှစ်နိုင်ငံ ဖြေရှင်းမှု ပုံစံ ကို ဆက်လက်ထောက်ခံ သွားမည်ဖြစ်ကြောင်း ၊ အစ္စရေး နိုင်ငံ ၏ ဂျော်ဒန်မြစ် အနောက်ဖက်ကမ်း တွင် ဂျူးလူမျိုးများ အတည်တကျ နေထိုင်ရန် အတွက် တည်ဆောက်မှုများက နှစ်နိုင်ငံ ဖြေရှင်းမှု ပုံစံ အား အကောင်အထည်ဖော်ရန် အခက်အခဲ ဖြစ်စေခဲ့ကြောင်း ၊ အီရန် အရေး နှင့် ပတ်သက်၍ ဂျာမနီ နိုင်ငံ မှ အစ္စရေး နိုင်ငံ ၏ ရပ်တည်မှု ကို ထောက်ခံအားပေးပြီး အီရန် နိုင်ငံ ၌ နျူကလီးယား လက်နက် မရှိရန် ကို အစွမ်းကုန် ကြိုးစားသွားရမည် ဖြစ်ကြောင်း ၊ သို့သော် အီရန် နိုင်ငံ တွင် နျူကလီးယား လက်နက် မရှိရန် ဆောင်ရွက်မှု ပုံစံ နှင့် ပတ်သက်၍ မတူညီသည့် အမြင် တည်ရှိကြောင်း ပြောကြား ခဲ့သည်။

အစ္စရေး နိုင်ငံ ဝန်ကြီးချုပ် Benjamin Netanyahu က သတင်းစာ ရှင်းလင်းပွဲ တွင် အီရန် နိုင်ငံ ၏ နျူကလီးယား လက်နက် နှင့် ပတ်သက်၍ ရလိုမှု ကို အစွမ်းကုန် တားဆီး သွားရမည် ဖြစ်ကြောင်း ၊ အစ္စရေး နိုင်ငံ အနေဖြင့် ကိုယ်ပိုင်လုံခြုံရေး အတွက် အစွမ်းကုန် ဆက်လက် ထိန်းသိမ်းသွားမည် ဖြစ်ပြီး အီရန် နိုင်ငံ မှ ဆီးရီးယား နှင့် လက်ဘနွန် နိုင်ငံ တို့မှ တစ်ဆင့် အစ္စရေး နိုင်ငံ အား တိုက်ခိုက်ခြင်း ကို တားဆီးသွားမည် ဖြစ်ကြောင်း ပြောကြား ခဲ့သည်။(Xinhua)