အယ်ကိုင်ဒါစစ်သွေးကြွများ သတ်ဖြတ်ခဲ့သည့် စစ်သား၄၅ဦးကို ဆီးရီးယားစစ်တပ် တူးဖော်တွေ့ရှိ

ဒမတ်စကပ်စ်၊ ဇန်နဝါရီ ၃၁ ရက် (ဆင်ဟွာ)

ဆီးရီးယားနိုင်ငံ အနောက်မြောက်ပိုင်း Idlib ပြည်နယ် ရှိ အဓိကကျသော လေတပ်စခန်းတစ်ခု အနီးတွင် အယ်လ်ကိုင်ဒါစစ်သွေးကြွများနှင့် ဆက်စပ်နေသည့် စစ်သွေးကြွအုပ်စုက သတ်ဖြတ်ခဲ့သော စစ်သား ၄၅ဦး၏ ရုပ်အလောင်းများကို ဆီးရီးယား စစ်တပ်က တူးဖော်တွေ့ရှိခဲ့ကြောင်း ပြည်တွင်းသတင်းဋ္ဌာနက ဇန်နဝါရီ ၃၀ရက်တွင်ဖော်ပြခဲ့သည်။

ရုပ်အလောင်းများကို Abu al-Duhur လေတပ်အခြေစိုက်စခန်း အနီးတွင် ဆီးရီးယားတပ်ဖွဲ့ဝင်များ နှင့် ဆီးရီးယားအာရပ်လခြမ်းနီအဖွဲ့တို့ ပူးပေါင်းရှာဖွေတွေ့ရှိခဲ့ခြင်းဖြစ်ကြောင်း pan-Arab al-Mayadeen ရုပ်သံလိုင်းကဖော်ပြခဲ့သည်။

သေဆုံးနေသည့် စစ်သားအများစုကို အယ်လ်ကိုင်ဒါနှင့်ဆက်စပ်နေသော Nusra တပ်ဦး စစ်သွေးကြွအဖွဲ့ (ခေါ်) LLC အဖွဲ့က ဦးခေါင်းအား သေနတ်ဖြင့် ပစ်ခတ်ခြင်း (သို့) ခေါင်းဖြတ် သတ်ဖြတ်ခြင်းများပြုလုပ်ထားကြောင်း သတင်း၌ဖော်ပြခဲ့သည်။

အဆိုပါ အခြေစိုက်စခန်းအတွင်း နှင့် အနီးပတ်ဝန်းကျင်ဧရိယာတွင် ရုပ်အလောင်းများ ထပ်မံတွေ့ရှိလိမ့်မည်ဟု ယူဆရကြောင်း သိရသည်။

Abu al-Duhur လေတပ်အခြေစိုက်စခန်း အနီး၌ စစ်သား၄၅ဦး၏ ရုပ်အလောင်းများကို ဆီးရီးယားစစ်တပ် က တူးဖော်တွေ့ရှိစဉ် (ဓါတ်ပုံ-အင်တာနက်)

Abu al-Duhur လေတပ်အခြေစိုက်စခန်း အနီး၌ စစ်သား၄၅ဦး၏ ရုပ်အလောင်းများကို ဆီးရီးယားစစ်တပ် က တူးဖော်တွေ့ရှိစဉ် (ဓါတ်ပုံ-အင်တာနက်)

Abu al-Duhur လေတပ်အခြေစိုက်စခန်း အနီး၌ စစ်သား၄၅ဦး၏ ရုပ်အလောင်းများကို ဆီးရီးယားစစ်တပ် က တူးဖော်တွေ့ရှိစဉ် (ဓါတ်ပုံ-အင်တာနက်)

အစွန်းရောက်စစ်သွေးကြွ များ သည် လေတပ်စခန်းအား ၂၀၁၅ခုနှစ်တွင် သိမ်းပိုက်ခဲ့ပြီး စစ်သားအများအပြားကို သတ်ဖြတ်ခဲ့ကြောင်း သိရသည်။ ဆီးရီးယားစစ်တပ်သည် စစ်သွေးကြွများ နှင့် အပြင်းအထန်တိုက်ပွဲများဖြစ်ပွားပြီးနောက် ဇန်နဝါရီ ၂၀ရက်တွင် အဆိုပါစခန်းအား အပြည့်အဝပြန်လည်သိမ်းပိုက်ခဲ့ကြောင်း သိရသည်။

Abu al-Duhur လေတပ်အခြေစိုက်စခန်း နှင့် နာမည်တူမြို့အား သိမ်းပိုက်လိုက်နိုင်ခြင်းသည် LLC စစ်သွေးကြွတို့ရှိနေသော ၁၂၀၀ စတုရန်းကီလိုမီတာ ဧရိယာ အား ဆီးရီးယားစစ်တပ်အနေဖြင့် ဝိုင်းဝန်းပိတ်ဆို့နိုင်သွားခြင်းဖြစ်ကြောင်း သိရသည်။

Idlib ပြည်နယ်သည် မတူညီသော နယ်မြေများမှ များစွာသော သူပုန်အုပ်စုများအတွက် ခိုလှုံရာဖြစ်လာပြီး ၎င်းတို့အနက်အချို့ကို တူရကီနိုင်ငံက ထောက်ပံ့ပေးထားကာ Nusra တပ်ဦးကဲ့သို့ အကြမ်းဖက်အုပ်စုများလည်း ခိုအောင်းလျက်ရှိကြောင်း သိရသည်။ (Xinhua)