Africa & Middle East
အီရတ်နိုင်ငံ တဲလ်အဖာမြို့ လွတ်မြောက်ရေး စစ်ဆင်ရေး စတင်ပြီဖြစ်ကြောင်း ဝန်ကြီးချုပ် ကြေညာ
ဘဂ္ဂဒတ်၊ သြဂုတ် ၂၀ ရက် (ဆင်ဟွာ)
အီရတ်နိုင်ငံ မိုလ်ဆူးမြို့ အနောက်ဘက် ၆၀ ကီလိုမီတာအကွာရှိ တဲလ်အဖာမြို့မှ အိုင်အက်စ် စစ်သွေးကြွများအား နှင်ထုတ်မည့် စစ်ဆင်ရေးအား သြဂုတ်လ ၂၀ ရက်တွင် စတင်လိုက်ပြီဖြစ်ကြောင်း ဝန်ကြီးချုပ် ဟေဒါ အယ်လ်-အာဘတ်ဒီက ကြေညာလိုက်သည်။
အီရတ်၏ ဒုတိယ အကြီးဆုံးမြို့ဖြစ်သော မိုလ်ဆူးမြို့အား အိုင်အက်စ်တို့ လက်မှ လွတ်မြောက်အောင် ဆောင်ရွက်ခဲ့ပြီးနောက် သီတင်းပတ် ခြောက်ပတ်အကြာ၌ အဆိုပါ စစ်ဆင်ရေးအား ကြေညာလိုက်ခြင်း ဖြစ်သည်။ယခုကဲ့သို့ စစ်ဆင်ရေးအသစ် လုပ်ဆောင်မည်ကို သြဂုတ်လ ၂၀ ရက် အရုဏ်ဦး ရုပ်သံ မိန့်ခွန်း၌ အာဘတ်ဒီက ပြောကြားခဲ့သည်။အီရတ် လုံခြုံရေးတပ်ဖွဲ့နှင့် အိုင်အက်စ်အဖွဲ့အကြား ၉ လကြာ တိုက်ပွဲ အပြင်းအထန် ဖြစ်ပွားပြီးနောက် ဇွန်လ ၁၀ ရက်တွင် မိုလ်ဆူးမြို့ လွတ်မြောက်လာခဲ့ကြောင်း သိရသည်။ (Xinhua)
