Asia
ဘင်္ဂလားဒေရှ့်နိုင်ငံတွင် သွေးလွန်တုပ်ကွေးရောဂါဖြစ်ပွားသူ ၅၀,၀၀၀၀န်းကျင်ခန့်ရှိ
ဒါကာ၊ သြဂုတ် ၁၇ ရက် (ဆင်ဟွာ)
ဘင်္ဂလားဒေရှ့်နိုင်ငံ၌ သြဂုတ်လအတွင်း သွေးလွန်တုပ်ကွေးရောဂါ ဖြစ်ပွားသူ ၃၁,၅၃၈ဦးရှိခဲ့ရာ ၂၀၁၉ ခုနှစ် ဇန်နဝါရီလမှ စ၍ သွေးလွန်တုပ်ကွေးရောဂါ ဖြစ်ပွားသူစုစုပေါင်း အရေအတွက်သည် ၄၉,၉၉၉ ဦးထိ ရှိလာကြောင်း သိရသည်။
၂၀၁၈ ခုနှစ်တွင်း ဘင်္ဂလားဒေရှ့်နိုင်ငံ၌ သွေးလွန်တုပ်ကွေးရောဂါဖြစ်ပွားသူ ၁၀,၁၄၈ ဦးတွင် ၂၆ ဦးသေဆုံးပြီး ယခုနှစ် ဇန်နဝါရီ ၁ ရက်မှ သြဂုတ် ၁၆ ရက်ထိ ရောဂါဖြစ်ပွားသူ ၄၉,၉၉၉ဦးရှိကာ ၄၀ ဦးသေဆုံးခဲ့ကြောင်း၊ ရောဂါဖြစ်ပွားမှုကြောင့် သေဆုံးသူသည် ယခင်နှစ်နှင့် နှိုင်းယှဉ်လျှင် ပိုမိုများပြားနေကြောင်း ကျန်းမာရေးဝန်ကြီးဌာန လက်အောက်ရှိ ကျန်းမာရေးလုပ်ငန်းများညွှန်ကြားရေးမှူးချုပ်ရုံး(DGHS)က ထုတ်ပြန်သော စာရင်းဇယားများအရ သိရသည်။သွေးလွန်တုပ်ကွေးရောဂါဖြစ်ပွားသူ ၁,၇၁၉ ဦးတွင် ဒါကာမြို့မှ ၇၅၉ ဦးပါဝင်ကြောင်း DGHS၏ သြဂုတ် ၁၆ ရက် ဒေသစံတော်ချိန် နံနက် ၈နာရီ ထုတ်ပြန်ချက်အရ သိရသည်။၂၀၀၀ပြည့်နှစ်တွင် ဘင်္ဂလားဒေ့ရှ်နိုင်ငံ၌ ခြင်မှတစ်ဆင့် ပျံ့နှံ့လာသော ဗိုင်းရပ်ကူးစက်မှုကြောင့် သွေးလွန်တုပ်ကွေးရောဂါဖြစ်ပွားမှုကို ပထမဆုံးတွေ့ရှိခဲ့ရသည်။၂၀၀၀-၂၀၀၃ ခုနှစ်အတွင်း သွေးလွန်တုပ်ကွေးရောဂါကြောင့် လူ ၁၀၀ခန့် သေဆုံးခဲ့ရကြောင်း သိရသည်။(Xinhua)
