ထိုင်းစစ်တပ်က လေကြောင်းတိုက်ခိုက်မှုများ တိုးချဲ့လုပ်ဆောင်လျက်ရှိရာ ကမ္ဘောဒီးယား အရပ်သားသေဆုံးသူ ၁၂ ဦးအထိ မြင့်တက်လာဟု ကမ္ဘောဒီးယားက ပြောကြား

ဖနွမ်းပင်၊ ဒီဇင်ဘာ ၁၅ ရက် (ဆင်ဟွာ)

လေကြောင်းတိုက်ခိုက်မှုများကို ထိုင်းစစ်တပ်က ကမ္ဘောဒီးယားနိုင်ငံ အနောက်မြောက်ပိုင်းရှိ ဆီရမ်ရိ(ပ်)ပြည်နယ်အထိ တိုးချဲ့လုပ်ဆောင်လာကြောင်း ကမ္ဘောဒီးယား ကာကွယ်ရေးဝန်ကြီးဌာနက ဒီဇင်ဘာ ၁၅ ရက်တွင် ပြောကြားခဲ့သည်။ ဒီဇင်ဘာ ၁၄ ရက် ညနေ ၆ နာရီအထိ ကမ္ဘောဒီးယား-ထိုင်း နယ်စပ်ပဋိပက္ခကြောင့် ကမ္ဘောဒီးယားအရပ်သား သေဆုံးသူ ၁၂ ဦးနှင့် အခြားဒဏ်ရာရသူ ၇၄ ဦး ရှိခဲ့ကြောင်း ကမ္ဘောဒီးယား ပြည်ထဲရေးဝန်ကြီးဌာနက ယင်းနေ့တွင်ပင် ပြောကြားခဲ့သည်။ထိုင်းစစ်တပ်က ကမ္ဘောဒီးယား အမှတ် ၄ စစ်ဒေသကြီးကို တိုက်ခိုက်မှုသည် ကမ္ဘောဒီးယား အချုပ်အခြာအာဏာပိုင်နယ်နိမိတ်သို့ တစ်ဆင့်တိုး နက်ရှိုင်းစွာ ဝင်ရောက်လာပြီဖြစ်ကြောင်း၊ ဒီဇင်ဘာ ၁၅ ရက် နံနက် ၁၀ နာရီတွင် ထိုင်းစစ်တပ် F-16 တိုက်လေယာဉ်တစ်စင်းက Siem Reap ပြည်နယ်ရှိ ဒုက္ခသည်စခန်းတစ်ခုအနီးတွင် ဗုံးနှစ်လုံးကြဲခဲ့ကြောင်း ကမ္ဘောဒီးယား ကာကွယ်ရေးဝန်ကြီးဌာနက ထုတ်ပြန်သည့် သတင်းတွင် ဖော်ပြထားသည်။

ဒီဇင်ဘာ ၁၄ ရက် မွန်းလွဲပိုင်းတွင် အရပ်သား ၁ ဦး သေဆုံးခဲ့ပြီး အခြားသူ ၁၅ ဦး ဒဏ်ရာရရှိခဲ့ကြောင်း၊ အိုးမဲ့အိမ်မဲ့ဖြစ်သွားသော ကမ္ဘောဒီးယား အရပ်သားဦးရေသည် ၄၀၃,၀၀၀ ကျော် ရှိပြီဖြစ်ကြောင်း ၎င်းတို့အနက် အမျိုးသမီး ၂၀၈,၀၀၀ ဦးခန့်နှင့် ကလေးသူငယ် ၉၆,၀၀၀ ခန့် ပါဝင်ကြောင်း ကမ္ဘောဒီးယား ပြည်ထဲရေးဝန်ကြီးဌာန ပြောရေးဆိုခွင့်ရှိသူ Touch Sokhak က ဒီဇင်ဘာ ၁၅ ရက် သတင်းစာရှင်းလင်းပွဲတွင် ပြောကြားခဲ့သည်။

ကမ္ဘောဒီးယား ကာကွယ်ရေးဝန်ကြီးဌာန ပြောရေးဆိုခွင့်ရှိသူ Maly Socheata က ဒီဇင်ဘာ ၁၄ ရက် သန်းခေါင်ယံမှ ဒီဇင်ဘာ ၁၅ ရက် နံနက်ပိုင်းအထိ ကမ္ဘောဒီးယားနယ်နိမိတ်အတွင်း နေရာအများအပြားကို ထိုင်းစစ်တပ်က လက်နက်ကြီးဖြင့် ဆက်တိုက်ပစ်ခတ်ခဲ့ကြောင်း သတင်းစာရှင်းလင်းပွဲတွင် ပြောကြားခဲ့သည်။

ဒီဇင်ဘာ ၇ ရက်မှစ၍ ကမ္ဘောဒီးယား-ထိုင်း နယ်စပ်ဒေသတွင် ပဋိပက္ခအပြင်းအထန် ထပ်မံဖြစ်ပွားခဲ့ရာ နှစ်ဖက်စလုံးက တစ်ဖက်နှင့်တစ်ဖက် “စတင်ပစ်ခတ်” သည်ဟု ပြစ်တင်ပြောကြားခဲ့သည်။ (Xinhua)

———————————
(Chinese Version)
柬埔寨称泰军扩大空袭范围　柬平民死亡人数升至12人
新华社金边12月15日电（记者吴长伟）柬埔寨国防部15日说，泰国军队将空袭范围扩大到了柬埔寨西北部的暹粒省。柬内政部当天说，截至14日下午6时，柬泰边境冲突已造成12名柬埔寨平民死亡，另有74人受伤。
柬埔寨国防部发布新闻稿说，泰国军队对柬埔寨第四军区的袭击已进一步深入柬主权领土。15日上午10时，泰国军队一架F-16战斗机在暹粒省一处难民营地附近投下了两枚炸弹。
柬埔寨内政部发言人杜索卡15日在新闻发布会上说，1名平民在14日下午死亡，另有15人受伤。流离失所的柬埔寨平民人数已超过40.3万人，其中包括约20.8万名妇女和约9.6万名儿童。
柬埔寨国防部发言人马莉淑洁达在新闻发布会上表示，14日午夜至15日凌晨，泰国军队向柬埔寨境内多处地点持续发射炮弹。
12月7日起，柬泰边境地区再次爆发激烈冲突。双方均指责对方“先开火”。（完）
1,2. 这是12月8日在柬埔寨柏威夏省边境地区拍摄的撤离的居民。新华社/柬新社
3. 12月12日，在柬埔寨班迭棉吉省的一处居民安置点，因柬泰边境冲突而撤离的柬埔寨民众等待登记。新华社发（索万纳拉摄）