မာဆေးလ်မြို့၌ ဓါးကိုင်ရမ်းကားသည့် အမျိုးသားကို ရဲတပ်ဖွဲ့က အသေပစ်သတ် ဖမ်းဆီး

ပါရီ ၊ ဖေဖော်ဝါရီ ၂ဝ ရက် (ဆင်ဟွာ)

ပြင်သစ်နိုင်ငံတောင်ပိုင်း မာဆေးလ်မြို့၌ ဖေဖော်ဝါရီ ၁၉ ရက် ညနေပိုင်းက လမ်းသွားလမ်းလာများအား ဓားဖြင့် လိုက်လံတိုက်ခိုက်သူတစ်ဦးကို ရဲတပ်ဖွဲ့က အသေပစ်သတ်ဖမ်းဆီးခဲ့ကြောင်း နိုင်ငံပိုင် Info ရေဒီယိုက သတင်းဖော်ပြခဲ့သည်။

အဆိုပါ အမျိုးသားသည် တောင်ပိုင်းဆိပ်ကမ်းမြို့ဖြစ်သော မာဆေးလ်မြို့အနီးရှိ La Canebier တွင် ဒေသစံတော်ချိန် ညနေ ၄ နာရီ ၄၅ မိနစ်တွင် လူ လေးဦးအား ဓါးဖြင့် တိုက်ခိုက်ခဲ့ပြီး နှစ်ဦး ဒဏ်ရာရရှိသွားကြောင်း သိရသည်။ ဒဏ်ရာရသူများအနက် တစ်ဦးမှာ စိုးရိမ်ဖွယ်အခြေအနေတွင် ရှိနေဟု Info သတင်းက ဆိုသည်။

သတင်းဖော်ပြချက်အရ အဆိုပါ ဓါးသမားသည် ရဲတပ်ဖွဲ့အား ပြန်လည်ပစ်ခတ်ရန် ၎င်း၏ သေနတ်ကို ထုတ်ယူရန် ကြိုးပမ်းခဲ့ကြောင်း ၊ ရဲတပ်ဖွဲ့က ပစ်ခတ်သော သေနတ်ဒဏ်ရာဖြင့် ဓါးသမားမှာ သေဆုံးသွားကြောင်း သိရသည်။

မြို့တော် အစိုးရရှေ့နေများက တိုက်ခိုက်မှုအပေါ် အမှုဖွင့်ဆောင်ရွက်နေပြီး တိုက်ခိုက်သူမှာ မည်သူမည်ဝါဖြစ်ကြောင်း နှင့် မည်သည့်အတွက်ကြောင့် တိုက်ခိုက်ခဲ့ကြောင်းကို သိရှိရန် စုံစမ်းစစ်ဆေးလျက်ရှိသည်။

တိုက်ခိုက်သူမှာ ၁၉၈၃ ခုနှစ်တွင် မွေးဖွားခဲ့သူတစ်ဦးဖြစ်ကြောင်း နှင့် လူသတ်မှုအတွက် ပြစ်ဒဏ်ကျခံဖူးသူဖြစ်ကြောင်း LCI သတင်းချန်နယ်က ဖော်ပြခဲ့သည်။(Xinhua)