ရုရှားနိုင်ငံ မြောက်ပိုင်းတွင် ဓါတ်ငွေ့ ပမာဏ ၁၀ဘီလီယံ ကုဗမီတာ ရှိသော ဓါတ်ငွေ့သိုက်ကြီးတစ်ခု ရှာဖွေတွေ့ရှိ

စိန့်ပီတာဘာ့ခ်၊ မတ် ၂၂ ရက် (ဆင်ဟွာ)

ရုရှားနိုင်ငံ မြောက်ပိုင်း Komi ဒေသတွင် သဘာဝဓါတ်ငွေ့ ပမာဏ ၁၀.၃၁၉ဘီလီယံ ကုဗမီတာ ရှိသော Levogrubeyuskoye ဓါတ်ငွေ့သိုက်သစ်တစ်ခု ကို ရှာဖွေတွေ့ရှိခဲ့ကြောင်း သိရသည်။

Komi ဒေသတွင် ဘူမိဗေဒ ရှာဖွေရေးလုပ်ငန်း လုပ်ကိုင်ဆောင်ရွက်နေသော Timan-Pechora ဓါတ်ငွေ့ကုမ္ပဏီ က Levogrubeyuskoye လုပ်ကွက်၌ ၂၀၁၈ခုနှစ်တွင် ဓါတ်ငွေ့တူးဖော်ခြင်း ဆောင်ရွက်ရန် စီစဉ်ထားကြောင်း သိရသည်။

အဆိုပါ စီမံကိန်း အတွက် ရုရှားငွေ ရူဘယ် ၆၀ဘီလီယံ (အမေရိကန်ဒေါ်လာ ၁ဘီလီယံ ကျော်) ရင်းနှီးမြှုပ်နှံရန် ခန့်မှန်းထားကြောင်း သိရသည်။ (Xinhua)