အင်အားပြင်း ငလျင် လှုပ်ခတ်အပြီး နယူးဇီလန်၌ ဆူနာမီသတိပေးချက်ထုတ်ပြန်

ဝယ်လင်တန်၊ နိုဝင်ဘာ ၁၃ရက် (ဆင်ဟွာ)

နယူးဇီလန်နိုင်ငံ သဘာဝဘေးအန္တရာယ်ဆိုင်ရာ အာဏာပိုင်အဖွဲ့အစည်းက နယူးဇီလန်နိုင်ငံအတွင်း နယူးဇီလန်ဒေသစံတော်ချိန် နိုဝင်ဘာလ ၁၄ရက် ဝး၀၂နာရီ (မြန်မာစံတော်ချိန် နိုဝင်ဘာလ ၁၃ရက် ၁ရး၃၂နာရီ) တွင် အင်အားပြင်းငလျင်ကြီးတစ်ခု လှုပ်ခတ်သွားပြီးနောက် နိုင်ငံ၏ တောင်ပိုင်း ကမ်းရိုးတန်းဒေသအားလုံးသို့ ဆူနာမီသတိပေးချက် ထုတ်ပြန်ခဲ့ကြောင်း သိရသည်။

ပြည်တွင်း ကာကွယ်ရေး နှင့် အရေးပေါ်အခြေအနေ စီမံခန့်ခွဲရေး ဝန်ကြီးဋ္ဌာန က ဆူနာမီ ဖြစ်လာနိုင်ခြေရှိကြောင်း ထုတ်ပြန်ချက်၌ဖော်ပြခဲ့သည်။ဝန်ကြီးဋ္ဌာနက ပထမဆုံး လှိုင်းအခြေအနေသည် သိသာထင်ရှားမှု မရှိသေးကြောင်း၊ ဆူနာမီလှုပ်ခတ်နိုင်မှုသည် နာရီပေါင်းများစွာထိ ဆက်လက်ရှိနေနိုင်ပြီး ယခု သတိပေးချက်အား မပယ်ဖျက်ခင်အချိန်ထိ ဆူနာမီအမှန်တကယ်ဖြစ်လာနိုင်မည်ဟု သတ်မှတ်ရမည်ဖြစ်ကြောင်း ပြောကြားခဲ့သည်။ငလျင်သည် တောင်ဘက်ကျွန်း ၏ အကြီးဆုံးမြို့ဖြစ်သည့် Christchurch မြို့ အနောက်မြောက်ဘက် ၁၃၀ကီလီုမီတာအကွာ၊ ရေပူစမ်းခရီးသွားမြို့ဖြစ်သည့် Hanmer Springမြို့၏ အရှေ့တောင်ဘက် ၁၅ကီလိုမီတာ ကို ဗဟိုပြု၍အင်အား၇.၅ရစ်ချ်တာစကေးပြင်းအားဖြင့် လှုပ်ခတ်ခဲ့ခြင်း ဖြစ်သည်။ (Xinhua)