ပြင်သစ်၌စက်ရုံမီးလောင်မှုကြောင့် လူ ၂ဦးသေဆုံး

ပါရီ၊ ဖေဖော်ဝါရီ ၁၈ ရက် (ဆင်ဟွာ)

ပြင်သစ်နိုင်ငံ အရှေ့မြောက်ပိုင်း Dieppe မြို့ ရှိ စက်ရုံတစ်ရုံတွင် ဖေဖော်ဝါရီ ၁၇ရက် က မီးလောင်မှုဖြစ်ပွားခဲ့ရာ လူ ၂ဦးသေဆုံးခဲ့ကြောင်း ဒေသခံအာဏာပိုင်များကပြောကြားခဲ့သည်။

မီးလောင်မှုကြောင့် ထိတ်လန့်ခဲ့သည့် လူ ၂ဦးကို Dieppe ဆေးရုံ ရှိ စိတ်ပညာဆိုင်ရာဋ္ဌာနသို့ ပို့ဆောင်ပေးခဲ့ပြီး မီးလောင်မှုကြောင့် သေဆုံးခဲ့သူ ၂ဦးနှင့် အခြား၂ဦးစလုံးသည် ပြုပြင်ထိန်းသိမ်းရေး ဝန်ဆောင်မှု ကုမ္ပဏီ မှ အလုပ်သမားများဖြစ်ကြောင်း Dieppeမြို့ တာဝန်ရှိသူတစ်ဦးဖြစ်သူ Jehan-Eric Winckler က BFMTV ရုပ်သံလိုင်းသို့ ပြောကြားခဲ့သည်။

ပြင်သစ် စိုက်ပျိုးရေးဆိုင်ရာစီးပွားရေးအုပ်စု တစ်ခုဖြစ်သည့် Saipol အုပ်စု ၏ စက်ရုံတွင် ဒေသစံတော်ချိန် နေ့လည် ၁၁း၀၀နာရီ ခန့်တွင် ပေါက်ကွဲမှုတစ်ခုဖြစ်ပွားရာမှ မီးလောင်မှုဖြစ်ပွားခဲ့ခြင်းဖြစ်ကြောင်း သိရသည်။ယခုအခါ မီးလောင်မှုအား ထိန်းချုပ်နိုင်ပြီဖြစ်ကြောင်း သိရသည်။အစောပိုင်း သတင်းဖော်ပြချက်များအရ မီးလောင်မှုကြောင့် အနည်းဆုံး လူတစ်ဦး သေဆုံးပြီး အခြားလူတစ်ဦး ပျောက်ဆုံးနေကြောင်း နှင့် မီးလောင်မှုသည် သိုလှောင်ကန်တစ်ခု ပေါက်ကွဲရာမှ ဖြစ်နိုင်ကြောင်း သိရသည်။ (Xinhua)