Europe
ပြင်သစ် နိုင်ငံ မာဆေးလ်မြို့ ၌ ဓားဖြင့် တိုက်ခိုက်မှု ဖြစ်ပွားရာ ၃ ဦး သေဆုံး
ပဲရစ် ၊ အောက်တိုဘာ ၂ ရက် (ဆင်ဟွာ)
ပြင်သစ် နိုင်ငံ သတင်းမီဒီယာ များ၏ ဖော်ပြချက် အရ အောက်တိုဘာ ၁ ရက်နေ့၌ ပြင်သစ် နိုင်ငံ မာဆေးလ်မြို့ (Marseille) ရှိ ဘူတာရုံ တစ်ခုတွင် ဓားဖြင့် တိုက်ခိုက်မှု တစ်ခု ဖြစ်ပွားခဲ့ရာ တိုက်ခိုက်သူ အပါအဝင် လူ ၃ ဦး သေဆုံး ခဲ့ကြောင်း သိရှိရသည်။
သတင်းဖော်ပြချက်များတွင် တိုက်ခိုက်မှု သည် ဒေသစံတော်ချိန် အောက်တိုဘာ ၁ ရက်နေ့ နေ့လယ် ၁ နာရီ ၄၅ မိနစ်တွင် ဖြစ်ပွားခဲ့ပြီး အစွန်းရောက် တစ်ဦး က ဘာသာရေး ဆောင်ပုဒ်များကို ဟစ်ကြွေး၍ တိုက်ခိုက်ခဲ့ကြောင်း ၊ တိုက်ခိုက်သူ သည် ဘူတာရုံ အတွင်းရှိ လူများ ကို ဓားဖြင့် တိုက်ခိုက်ခဲ့သောကြောင့် ၂ ဦး သေဆုံးခဲ့ရပြီး ၎င်း မှာလည်း ပြစ်သစ် ရဲတပ်ဖွဲ့ ၏ ပစ်ခတ်မှု ကြောင့် သေဆုံး ခဲ့ရကြောင်း ဖော်ပြထားသည်။
အခင်းဖြစ်ပွားရာ နေရာရှိ မျက်မြင်သက်သေ တစ်ဦး က လက်ရှိချိန်တွင် အခင်းဖြစ်ပွားရာ ဘူတာရုံ ကို ရဲတပ်ဖွဲ့က ပိတ်ဆို့ထားပြီး ခရီးသည်များကိုလည်း အနီးပတ်ဝန်းကျင် သို့ထွက်ခွာသွားစေကြောင်း ၊ ဘူတာရုံ လုပ်ငန်းစဉ် မှာလည်း အနည်းငယ် အနှောင့်အယှက် ဖြစ်စေခဲ့ကြောင်း ပြောကြား ခဲ့သည်။
လက်ရှိချိန်တွင် ပြင်သစ် နိုင်ငံ ရဲတပ်ဖွဲ့ နှင့် အကြမ်းဖက် နှိမ်နင်းရေး တပ်ဖွဲ့ တို့သည် တိုက်ခိုက်မှု နှင့် ပတ်သက်၍ စတင် စုံစမ်းစစ်ဆေးမှု များ ဆောင်ရွက်နေပြီး အကြမ်းဖက် တိုက်ခိုက်မှု ဟုတ်မဟုတ် ကို စစ်ဆေးနေကြောင်း သိရှိရသည်။(Xinhua)