ဗင်နီဇွဲလားနိုင်ငံ ဒုတိယ သမ္မတ ရုရှားနိုင်ငံသို့ အလည်အပတ်လာရောက်မည်

မော်စကို၊ ဖေဖော်ဝါရီ ၂၈ ရက် (ဆင်ဟွာ)

ဗင်နီဇွဲလားနိုင်ငံ ဒုတိယ သမ္မတ Delcy Rodriguez သည် ရုရှားနိုင်ငံ မော်စကိုမြို့သို့လာရောက်ကာ ရုရှားနိုင်ငံခြားရေးဝန်ကြီး Sergei Lavrov နှင့် မတ်လ ၁ရက်တွင်တွေ့ဆုံသွားမည်ဖြစ်ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်ကို ကိုးကား၍ RIA Novosti သတင်းဌာန က ဖေဖော်ဝါရီ ၂၇ ရက်တွင် ဖော်ပြခဲ့သည်။

TASS သတင်းဌာန က သံသမန်သတင်းရင်းမြစ်တစ်ခုကို ကိုးကား၍ ဗင်နီဇွဲလားတာဝန်ရှိသူတစ်ဦး၏ လာမည့် အလုပ်သဘောခရီးစဉ်တစ်ခုကိုလည်း ဖော်ပြခဲ့သည်။

အဆိုပါနေ့အစောပိုင်းတွင် ကရင်မလင်နန်းတော်ပြောရေးဆိုခွင့်ရှိသူ Dmitry Peskov က သမ္မတ ဗလာဒီမာပူတင် အနေဖြင့် Rodriguez နှင့် တွေ့ဆုံသွားရန် အစီအစဉ်မရှိကြောင်း ပြောကြားခဲ့သည်။

ရုရှားနိုင်ငံသည် ဗင်နီဇွဲလား အစိုးရ နှင့် အတိုက်အခံများအကြား ငြိမ်းချမ်းရေးစကားဝိုင်းဖြင့် ပဋိပက္ခအားဖြေရှင်းကြရန် ကြိမ်ဖန်များစွာ တိုက်တွန်းခဲ့ပြီး ၎င်းသည် ဗင်နီဇွဲလားနိုင်ငံ၏ ပြည်တွင်းရေး၌ ပြည်ပနိုင်ငံများ၏ ဝင်ရောက်စွက်ဖက်မှုများ အထူးသဖြင့် မည်သည့် အင်အားသုံးဆောင်ရွက်မှုမျိုးကို မဆို ဆန့်ကျင်သွားမည်ဖြစ်ကြောင်း ပြောကြားခဲ့သည်။ (Xinhua)