အေးခဲနေသည့် လေတိုက်ခတ်မှုများကြားတွင် ဂျပန်ဝန်ကြီးချုပ်အိမ်တော်ပြင်ပ၌ ဆန္ဒပြသံများ ထပ်မံပေါ်ထွက်လာ

တိုကျို၊ နိုဝင်ဘာ ၂၆ ရက် (ဆင်ဟွာ)

နိုဝင်ဘာ ၂၅ ရက် ညနေပိုင်း မိုးရွာသွန်းထားသည့် ဂျပန်နိုင်ငံ တိုကျိုမြို့လမ်းမထက်တွင် အေးခဲနေသည့် လေက တစ်ချက်တစ်ချက် တိုက်ခတ်နေသည်။ ညနေ ၆ နာရီခန့်တွင် ဂျပန်ဝန်ကြီးချုပ်အိမ်တော်ပြင်ပ၌ ပြည်သူအများအပြား စုဝေးလာခဲ့သည်။
အေးခဲနေသည့် လေတိုက်ခတ်မှုများကြားတွင် ပြည်သူများက ဆောင်ပုဒ်ရေးသားထားသော လက်ကိုင်ဘုတ်များ ကိုင်ဆောင်ထားသည်။ “စစ်ပွဲမလိုအပ်ဘူး ငြိမ်းချမ်းရေးကို ထိန်းသိမ်းစောင့်ရှောက်ပါ” ၊ “ဆာနာအဲ တာကာအိချိ ပြောဆိုချက်ကို ပြန်လည်ရုပ်သိမ်းပါ” ၊ “စစ်ပွဲကိုလှုံ့ဆော်တဲ့ ဝန်ကြီးချုပ်အလိုမရှိ” … ဟူ၍ အသံချဲ့စက်ထဲမှ ဟစ်ကြွေးသံများ အဆက်မပြတ် ပေါ်ထွက်လာနေသည်။
ဂျပန်နိုင်ငံ ဝန်ကြီးချုပ် ဆာနာအဲ တာကာအိချိက နိုဝင်ဘာ ၇ ရက်တွင် လွှတ်တော်၌ အချေအတင်ဆွေးနွေးမှုအတွင်း “ထိုင်ဝမ်တွင် အရေးကိစ္စရှိခြင်း” သည် ဂျပန်နိုင်ငံက မိမိကိုယ်ကို အစုဖွဲ့ကာကွယ်ခွင့် ကျင့်သုံးနိုင်သည့် “သေရေးရှင်ရေး အကျပ်အတည်းအခြေအနေ” ဖြစ်နိုင်သည်ဟု ဆိုခဲ့ရာ ဂျပန်နိုင်ငံပြည်တွင်း၌ ဝေဖန်သံများ အဆက်မပြတ်မြင့်တက်လာခဲ့သည်။ နိုင်ငံရေးလောကပုဂ္ဂိုလ်၊ ကျွမ်းကျင်ပညာရှင်၊ အရပ်ဘက်အဖွဲ့အစည်းနှင့် အတိုက်အခံပါတီ လွှတ်တော်အမတ်များစွာက အသီးသီး ထုတ်ဖော်ပြောဆိုခဲ့ပြီး ဆာနာအဲ တကာအိချိ၏ ပြောဆိုချက်သည် စစ်ပွဲအလွန် ဂျပန်နိုင်ငံက ကာလကြာရှည်စွာ အခိုင်အမာ စွဲကိုင်ထားသည့် အခြေခံရပ်တည်ချက်နှင့် ဆန့်ကျင်နေကာ ဒေသတွင်းတင်းမာမှုအခြေအနေကို ဆိုးရွားလာစေသည်ဟု ထောက်ပြပြောကြားခဲ့ကြသည်။
နိုဝင်ဘာ ၂၁ ရက် ညပိုင်းတွင် ဂျပန်ပြည်သူရာနှင့်ချီသည် ဝန်ကြီးချုပ်အိမ်တော်ရှေ့၌ စုဝေး၍ ဆာနာအဲ တာကာအိချိ၏ မှားယွင်းသော ပြောဆိုချက်ကို ဆန့်ကျင်ဆန္ဒပြကာ ၎င်းအနေဖြင့် သက်ဆိုင်ရာ ပြောဆိုချက်အား ပြန်လည်ရုပ်သိမ်းပြီး ဖြေရှင်းမှုနှင့် တောင်းပန်မှု လုပ်ဆောင်ရန် တောင်းဆိုခဲ့သည်။
ဂျပန်နိုင်ငံ အရပ်ဘက်အဖွဲ့အစည်းဒါဇင်နှင့်ချီက နိုဝင်ဘာ ၂၅ ရက် ဆန္ဒပြလှုပ်ရှားမှုကို ဦးဆောင်လုပ်ဆောင်ခဲ့သည်။ မူရာယာမ ပြောကြားချက် (Murayama Statement) အား လက်ဆင့်ကမ်းခြင်းနှင့် မြှင့်တင်ခြင်း အသင်း အတွင်းရေးမှူးချုပ် တာကာကာဂဲ ဖူဂျီတာ့က ဆန္ဒပြသည့်နေရာ၌ ၎င်းတို့ဤနေရာတွင် စုဝေးခြင်းသည် တိကျရှင်းလင်းမှုအရှိဆုံး ကန့်ကွက်သံကို ထုတ်ဖော်ပြောကြားရန်ဖြစ်သည်ဟု သတင်းထောက်အား ပြောကြားခဲ့သည်။ ဆာနာအဲ တာကာအိချိအနေဖြင့် ထိုကဲ့သို့မှားယွင်းသော ပြောဆိုချက်အား မဖြစ်မနေရုပ်သိမ်း၍ ပြည်သူများထံ တောင်းပန်ရမည်ဖြစ်ကြောင်း၊ ပဋိပက္ခဖြစ်စေနိုင်သည့် တင်းမာမှုအခြေအနေအား ထပ်မံလုပ်ဆောင်၍မရကြောင်း ၎င်းက ဆိုသည်။
တာကာကာဂဲ ဖူဂျီတာ့က “ကျွန်တော်တို့က အမှန်တရားကို ခိုင်ခိုင်မာမာ လက်ကိုင်ထားရမှာပါ။ ဆာနာအဲ တာကာအိချိက မှားသွားတယ်။ သူက စစ်ပွဲအလွန် ဂျပန်ဝန်ကြီးချုပ်တွေ လုံးဝမပြောသင့်တဲ့ စကားကို ပြောလိုက်တယ်။ ဆိုးဆိုးရွားရွား မသင့်လျော်တာပါ။ ဒီလိုမျိုးလူက ဝန်ကြီးချုပ်တာဝန် ထမ်းဆောင်ပိုင်ခွင့်မရှိဘူး။ ပြောဆိုချက်ကို မရုပ်သိမ်းဘူးဆိုရင် နုတ်ထွက်သင့်ပါတယ်” ဟု ပြောကြားခဲ့သည်။
ညဥ့်နက်သထက် နက်လာပါပြီ။ ဆန္ဒပြသည့်နေရာ၌ ဆန္ဒပြသူများလည်း ပိုမိုများပြားလာသည်။ အချို့က အနီးတစ်ဝိုက် ဘတ်စ်ကားမှတ်တိုင်မှ အပြေးအလွှားလာရောက်ကြသည်။ အချို့က မိတ်ဆွေများနှင့် လာရောက်ပါဝင်ကြသည်။ အချို့ကလည်း အနီးတစ်ဝိုက်မှ သူစိမ်းများအတွက် ပူပူနွေးနွေး စားသောက်ဖွယ်ရာများ ခွဲဝေပေးလျက်ရှိသည်။
ဆန္ဒပြသူ မာကီကို အာအူချိက ၎င်းအနေဖြင့် ဆာနာအဲ တာကာအိချိ၏ ထိုင်ဝမ်နှင့် စပ်လျဉ်းသော မှားယွင်းသောပြောဆိုချက်သည် ဂျပန်-တရုတ်ဆက်ဆံရေးကို ဆိုးရွားသွားစေသည်ဟု ယူဆကြောင်း၊ “ဂျပန်ခရီးသွားလုပ်ငန်းက ပြင်းပြင်းထန်ထန် ထိုးနှက်မှုခံနေရပါတယ်။ လူမှုအသိုက်အဝန်း အငွေ့အသက်ကလည်း သိသိသာသာ ပိုမိုတင်းမာလာပါတယ်” ဟု သတင်းထောက်အား ပြောကြားခဲ့သည်။
“စစ်ပွဲက လူတစ်ယောက်ရဲ့ဘဝကို လုံးဝဖျက်ဆီးလိုက်မယ့်အပြင် နောက်မျိုးဆက်၊ နောက်နောင်မျိုးဆက်တွေကိုလည်း သက်ရောက်မှုရှိမှာပါ” ဟု အခြား အမျိုးသမီးဆန္ဒပြသူတစ်ဦးက သတင်းထောက်ကို ပြောကြားခဲ့သည်။ “ဆာနာအဲ တာကာအိချိက ဘယ်လိုလုပ် ဒီလိုစကားမျိုး ပြောထွက်ခဲ့တာလဲ၊ သူကဘယ်လိုမျိုး ပညာသင်ကြားမှုခံယူခဲ့ရလို့ ဒီလိုမျိုး အတွေးအခေါ်ရှိတာလဲဆိုတာ ကျွန်မ တကယ်နားမလည်နိုင်တော့ဘူး” ဟု ၎င်းက အတန်ကြာရပ်တန့်ပြီးနောက် ဆိုခဲ့သည်။
ဝန်ကြီးချုပ်အိမ်တော်ပြင်ပ၌ ဆောင်ပုဒ်ဟစ်ကြွေးသံများ အဆက်မပြတ် ပေါ်ထွက်လျက်ရှိသည်။ ဆန္ဒပြသူ အများအပြားကလည်း ၎င်းတို့အနေဖြင့် မကြာခင်မှာ ထွက်ခွာသွားရန် အစီအစဉ်မရှိဟု ဆန္ဒပြသူ အများအပြားက ဆိုခဲ့ကြသည်။ (Xinhua)

——————-
(Chinese Version)
特写｜寒风中，抗议声在日本首相官邸前再次响起
新华社东京11月26日电　特写｜寒风中，抗议声在日本首相官邸前再次响起 　　新华社记者李子越　杨智翔
25日傍晚，雨后的东京街头寒风阵阵。18时许，日本首相官邸前聚集起大量民众。
寒风中，人们手举标语牌，“不要战争，守护和平！”“高市必须撤回言论！”“我们不需要煽动战争的首相！”……扩音器里不断传来呼喊声。
日本首相高市早苗本月7日在国会答辩中称“台湾有事”可能构成日本可行使集体自卫权的“存亡危机事态”，引发日本国内批评声音持续升高，政界人士、专家学者、民间团体以及多名在野党议员纷纷发声，指出其表述背离战后日本长期坚持的基本立场，加剧地区紧张形势。
21日晚，数百名日本民众在首相官邸前举行集会，抗议高市的错误言论，要求其撤回相关表态并作出解释和道歉。
数十个日本民间团体共同发起了25日的抗议。“继承和发展村山谈话会”理事长藤田高景在现场告诉记者，他们在此集会，就是要发出最明确的反对声音。高市必须撤回这种错误言论，向国民道歉，不能再挑起可能导致冲突的紧张局势。
藤田说：“我们要坚持正义。高市错了，她说了战后日本首相绝对不该说的话，严重失当。这样的人没有资格担任首相。如果不撤回言论，就应该辞职。”
夜色渐深，现场抗议者越来越多。有人从附近车站一路小跑赶来，有人带着朋友加入队伍，也有人给身旁的陌生人递上热饮。
抗议者大内真纪子对记者说，她认为高市涉台错误言论造成日中关系恶化，“日本旅游业已经受到巨大冲击，社会氛围也明显变得更紧张”。
另一名女性抗议者告诉记者，“战争会彻底摧毁一个人的生活，还会影响下一代、下下一代”。她停顿许久说道：“我真不明白高市为什么会说出那样的话，她到底接受了怎样的教育才会有那样的思维？”
首相官邸前，口号声一直此起彼伏。许多抗议者说，他们不打算很快离开。（完）
图说：11月25日，在日本东京的首相官邸外，民众参加抗议活动。新华社记者 贾浩成 摄