ချဲလ်ဆီးတိုက်စစ်မှူး ကိုးလ်ပါလ်မာ အာဆင်နယ်နှင့်ပွဲတွင်ပါဝင်ရန် အသင့်ဖြစ်

လန်ဒန်၊ နိုဝင်ဘာ ၂၉ ရက် (ဆင်ဟွာ)

အာဆင်နယ်အသင်းနှင့် နိုဝင်ဘာ ၃၀ ရက်တွင် စတမ်းဖို့ဒ်ဘရစ်ဂျ်၌ ယှဥ်ပြိုင်ကစားမည့် ပရီးမီးယားလိဂ်ပွဲစဥ်တွင် ချဲလ်ဆီးအသင်းတိုက်စစ်မှူးကိုးလ်ပါလ်မာ ပါဝင်ရန်အသင့်အနေအထားဖြစ်ကြောင်း သိရသည်။
အသက် ၂၃ နှစ်အရွယ် ရှေ့တန်းတိုက်စစ်မှူးသည် ယခင်သီတင်းပတ်က တံခါးနှင့်တိုက်မိကာ ခြေချောင်းအရိုးကျိုးခဲ့သည့်အတွက် ဘန်လေအသင်းနှင့်ဘာစီလိုနာ အသင်းတို့နှင့်ပွဲများတွင် ပါဝင်ကစားနိုင်ခြင်းမရှိခဲ့ဘဲ ဖြစ်ခဲ့သည်။ ဒဏ်ရာပြဿနာများကြောင့် အင်္ဂလန်အသင်းလက်ရွေးစင်ကစားသမားသည် ယခုရာသီပြိုင်ပွဲအားလုံးတွင် လေးပွဲသာ ကစားခဲ့ရသည်။

ချဲလ်ဆီးအသင်းနည်းပြ အန်ဇိုမာရက်စကာက ပါလ်မာ၏ ပါဝင်နိုင်မှုအပေါ် “ သူစတင်ဖို့ အသင့်ပါပဲ” ဟု နိုဝင်ဘာ ၂၈ ရက်က အတည်ပြုပြောကြားခဲ့သည်။
“လူတိုင်းပျော်ရွင်ကြပါတယ်၊ အသင်းဖော်တွေလည်း ပျော်ကြတယ်၊ ကျွန်တော်တို့အားလုံးပျော်ကြတယ်၊ အရေးအကြီးဆုံးက ကိုးလ်ပျော်ရွင်တာပါပဲ၊ ဘာကြောင့်လဲဆိုတော့ ဘောလုံးသမားတစ်ယောက်က ဘောလုံးပွဲတွေ ပါဝင်ကစားချင်တယ်၊ နေ့စဥ်လေ့ကျင့်ခန်းတွေ ဆင်းချင်တာပဲလေ” ဟု မာရက်စကာ ကပြောကြားခဲ့သည်။

“သူက ကျွန်တော်တို့ရဲ့အကောင်းဆုံး ကစားသမားဖြစ်ပါတယ်၊ သူပြန်ကစားနိုင်တာကြောင့် ကျွန်တော်တို့ ပျော်ရပါတယ်၊ ရာနှုန်းပြည့်ကြံ့ခိုင်ဖို့ ကျွန်တော်တို့ သူ့ကို အချိန်ပေးဖို့လိုတယ်၊ သိပ်ကိုကောင်းတဲ့လုပ်ဆောင်မှုတွေ အရင်က သူလုပ်ခဲ့တယ်၊ နောင်မှာလည်း ကလပ်အသင်းအတွက် ပိုပြီးကောင်းအောင်လုပ်ဆောင်လိမ့်မယ်ဆိုတာ သံသယမရှိပါဘူး” ဟု ၎င်းကပြောကြားခဲ့သည်။
ပါလ်မာနောက်ဆုံးကစားခဲ့သောပွဲသည် မန်ချက်စတာယူနိုက်တက်အသင်းကို ၂-၁ ဂိုးဖြင့် ရှုံးနိမ့်ခဲ့သည့် စက်တင်ဘာ ၂၀ ရက်ကပွဲစဉ်ဖြစ်သည်။ ထိုအချိန်မှစ၍ ချဲလ်ဆီးအသင်းသည်ပြိုင်ပွဲအားလုံး၌ ၁၃ ပွဲ ကစားခဲ့ရာ ၁၀ ပွဲနိုင်၊ ၂ ပွဲရှုံးနှင့် ၁ ပွဲ သရေကျခဲ့သည်။ (Xinhua)
……………………
(English Version)
Palmer cleared to start for Chelsea against Arsenal
LONDON, Nov. 28 (Xinhua) — Cole Palmer has been declared fit to return for Chelsea ahead of Sunday’s Premier League clash with Arsenal at Stamford Bridge.
The 23-year-old forward fractured his toe after stubbing it on a door last week, ruling him out of victories over Burnley and Barcelona. Injury troubles have limited the England international to just four appearances across all competitions this season.
Chelsea manager Enzo Maresca confirmed Palmer’s availability on Friday, saying: “He is available to start.”
“Everyone is happy, the team-mates are happy, we are all happy and the most important thing is Cole is happy because a footballer wants to play games and make the sessions every day,” Maresca said.
“He is our best player, we are happy he is back. We need to give him time to be 100 percent fit. He has done fantastic in the past and no doubt he is going to do very good for this club in the future,” he added.
Palmer last appeared in the 2-1 defeat to Manchester United on September 20. In the 13 matches Chelsea have played since then across all competitions, they have recorded 10 wins, two losses and a draw.
Photo : Liverpool’s Alexis Mac Allister (C) is challenged by Chelsea’s Cole Palmer (R) during the English Premier League match between Liverpool and Chelsea in Liverpool, Britain, on Oct. 20, 2024. (Xinhua)