ကိုရီးယားနှစ်နိုင်ငံအကြား ရှိနှင့်ပြီးသား သဘောတူညီချက်များကို အဆင့်လိုက် အကောင်အထည်ဖော်ရန် တောင်ကိုရီးယားသမ္မတ ညွှန်ကြား

ဆိုးလ်၊ ဩဂုတ် ၁၈ ရက် (ဆင်ဟွာ)
ကိုရီးယားနှစ်နိုင်ငံအကြား ရှိနှင့်ပြီးသား သဘောတူညီချက်များကို အဆင့်လိုက် အကောင်အထည်ဖော်သွားရန် တောင်ကိုရီးယား သမ္မတ လီဂျေမြောင်က ဩဂုတ် ၁၈ ရက်၌ ညွှန်ကြားခဲ့ကြောင်း တောင်ကိုရီးယား သမ္မတရုံး၏ ထုတ်ပြန်ချက်အရ သိရသည်။
ကိုရီးယား ဒီမိုကရက်တစ် ပြည်သူ့သမ္မတနိုင်ငံ (မြောက်ကိုရီးယား) နှင့် ရှိနှင့်ပြီးသား သဘောတူညီချက်များကို တစ်ဆင့်ချင်းစီ အကောင်အထည်ဖော်ရေးအတွက် ပြင်ဆင်ထားရန်နှင့် ဖြစ်နိုင်ခြေရှိသည့် အဆင့်များကို စတင်ဆောင်ရွက်ရန် အစိုးရအဖွဲ့ အစည်းအဝေး၌ လီက သက်ဆိုင်ရာဝန်ကြီးဌာနများကို ညွှန်ကြားခဲ့သည်။
တောင်ကိုရီးယားအနေဖြင့် သံမဏိကဲ့သို့ ခိုင်ခိုင်မာမာ အသင့်ရှိနေမှုအား ထိန်းသိမ်းထားမှုအပေါ် အခြေခံကာ တင်းမာမှုများကို လျှော့ချရေးအတွက် တစ်စိုက်မတ်မတ် လုပ်ဆောင်သွားမည်ဖြစ်ကြောင်း၊ ကျောက်စရစ်ခဲများကို ဆင့်စီသကဲ့သို့ပင် သေးငယ်သော အခြေခံအဆင့်များမှ စတင်၍ အပြန်အလှန်ယုံကြည်မှုကို ပြန်လည်ဆောင်ကြဉ်းပေးကာ ငြိမ်ချမ်းရေးလမ်းကြောင်းကို ပိုမိုကျယ်ပြန့်စေပြီး နောက်ဆုံးတွင် ကိုရီးယားနှစ်နိုင်ငံ အတူတကွ ဖွံ့ဖြိုးတိုးတက်ရေးအတွက် အုတ်မြစ်ချပေးနိုင်မည်ဖြစ်ကြောင်း လီက ဆိုသည်။
မြောက်ကိုရီးယားနှင့် တင်းမာမှုများ လျှော့ချရေး၊ ယုံကြည်မှု ပြန်လည်တည်ဆောက်ရေးအတွက် အစဉ်တစိုက် လုပ်ဆောင်သွားမည်ဟု ပြီးခဲ့သည့် သီတင်းပတ်က ကျရောက်သည့် လွတ်လပ်ရေးနေ့မိန့်ခွန်း၌ လီက ကတိပြုခဲ့ပြီးနောက် ယခုပြောကြားချက် ထွက်ပေါ်လာခြင်းဖြစ်သည်။
နှစ်နိုင်ငံအကြား မတော်တဆ ထိပ်တိုက်ပဋိပက္ခဖြစ်ပွားမှုများကို တားဆီးရန်နှင့် စစ်ဘက်ဆိုင်ရာ ယုံကြည်မှု တည်ဆောက်နိုင်ရန်အတွက် တောင်ကိုရီးယားအနေဖြင့် ၂၀၁၈ ခုနှစ် ကိုရီးယားနှစ်နိုင်ငံ ထိပ်သီးအစည်းအဝေး၌ လက်မှတ်ရေးထိုးခဲ့သည့် စက်တင်ဘာ ၁၉ ရက် စစ်ရေးသဘောတူညီချက်ကို ပြန်လည်အသက်သွင်းနိုင်ရန် တစ်ဆင့်ချင်းစီ လုပ်ဆောင်သွားမည်ဟုလည်း လီက ပြောကြားခဲ့သည်။ (Xinhua)

တောင်ကိုရီးယားနိုင်ငံ ဆိုးလ်မြို့ရှိ အမျိုးသားလွှတ်တော်တွင် ၂၀၂၅ ခုနှစ် ဇွန် ၄ ရက်က လီဂျေမြောင် မိန့်ခွန်းပြောကြားနေစဉ် (ဆင်ဟွာ)

…………………
(English Version)
S. Korean president orders phased implementation of existing inter-Korean agreements
SEOUL, Aug. 18 (Xinhua) — South Korean President Lee Jae-myung on Monday ordered the phased implementation of existing inter-Korean agreements, according to the presidential office.
During a cabinet meeting, Lee ordered relevant ministries to prepare for the step-by-step implementation of existing agreements with the Democratic People’s Republic of Korea (DPRK) starting with those that are possible to do.
Lee said South Korea will steadily take steps to reduce tensions on the basis of maintaining an ironclad preparedness, stressing that small practices, built up like pebbles, will restore mutual trust, widen the path of peace and eventually lay foundation for the two Koreas to grow together.
His remarks came after Lee vowed during his Liberation Day speech last week to take consistent measures to reduce tensions and restore trust with the DPRK.
Lee also said Seoul will take gradual steps to restore the Sept. 19 military agreement, signed during the 2018 inter-Korean summit, to prevent accidental clashes and build military trust between the two Koreas. ■
English Caption 1
File photo taken on Oct. 4, 2007 shows a soldier (L) of the People’s Army of the Democratic People’s Republic of Korea (DPRK) looks on as a South Korean soldier stands guard in the truce village of Panmunjom, border between South Korea and the DPRK. (Xinhua/Gong Bing)
English Caption 2
Lee Jae-myung speaks at the National Assembly in Seoul, South Korea, on June 4, 2025. (Xinhua/Yao Qilin)