ထိုင်း-တရုတ်ဆက်ဆံရေး နှစ် ၅၀ ပြည့် ကုန်စည်ပြပွဲ ကျင်းပ

ဘန်ကောက်၊ စက်တင်ဘာ ၂၇ ရက် (ဆင်ဟွာ)
ထိုင်းနိုင်ငံနှင့် တရုတ်နိုင်ငံကြား သံတမန်ဆက်ဆံရေးထူထောင်ခြင်း နှစ် ၅၀ ပြည့် အထိမ်းအမှတ်အတွက် ၂၀၂၅ ခုနှစ် ထိုင်း-တရုတ် ပူးပေါင်းဆောင်ရွက်မှု ကုန်စည်ပြပွဲကို စက်တင်ဘာ ၂၆ ရက်တွင် ဘန်ကောက်မြို့၌ စတင်ကျင်းပခဲ့ရာ ကုန်သွယ်မှု၊ ရင်းနှီးမြှုပ်နှံမှု၊ ပညာရေးနှင့် အလုပ်အကိုင် စသည့်ကဏ္ဍများ၌ ကျယ်ကျယ်ပြန်ပြန့် ပူးပေါင်းကြိုးပမ်းဆောင်ရွက်မှုများကို အလေးထားဖော်ပြခဲ့သည်။
ထိုင်းနိုင်ငံနှင့် တရုတ်နိုင်ငံတို့သည် လွန်ခဲ့သော ရာစုနှစ်ဝက်အတွင်း ကဏ္ဍအသီးသီးတွင် ပူးပေါင်းဆောင်ရွက်မှုဆိုင်ရာ ခိုင်မာသောအခြေခံအုတ်မြစ် ချမှတ်နိုင်ခဲ့ပြီး အနာဂတ် ပိုမိုကြီးမားသော အခွင့်အလမ်းများအတွက်ပင် လမ်းခင်းပေးလျက်ရှိကြောင်း ထိုင်းနိုင်ငံ ဝန်ကြီးချုပ် အနူတင် ချန်ဗီရာကူးလ်က အရေးကြီးမိန့်ခွန်း၌ ထည့်သွင်းပြောကြားခဲ့သည်။
တရုတ်နိုင်ငံနှင့် မြန်နှုန်းမြင့်ရထားလမ်း စီမံကိန်းချိတ်ဆက်မှုကဲ့သို့ အခြေခံအဆောက်အအုံနှင့် ထောက်ပံ့သယ်ပို့ရေးလမ်းကြောင်းများမှ အစိမ်းရောင်စီးပွားရေး၊ သန့်ရှင်းစွမ်းအင်၊ ဒစ်ဂျစ်တယ် ဆန်းသစ်တီထွင်မှု၊ စိုက်ပျိုးရေးနှင့် စားနပ်ရိက္ခာဖူလုံမှုနှင့် ပြည်သူအချင်းချင်း ကူးလူးဖလှယ်မှု တိုးချဲ့ခြင်းအထိ ပါဝင်သော အနာဂတ်ပူးပေါင်းဆောင်ရွက်မှုဆိုင်ရာ အဓိကနယ်ပယ် ငါးရပ်ကိုလည်း အနူတင်က ထုတ်ပြန်ခဲ့သည်။
ထို့ပြင် ထိုင်းနိုင်ငံသည် ကုန်သွယ်မှု၊ ရင်းနှီးမြှုပ်နှံမှု၊ ဆန်းသစ်တီထွင်မှုဆိုင်ရာ ဒေသတွင်း အချက်အချာတစ်ခု ဖြစ်လာရေး၊ စည်းမျဉ်းစည်းကမ်းဆိုင်ရာ အတားအဆီးများ ဖြေလျှော့သည်နှင့်တစ်ပြိုင်နက် တရုတ်နိုင်ငံနှင့် အနီးကပ်ပူးပေါင်းဆောင်ရွက်မှု အာမခံမှုရှိရေး၊ ပုဂ္ဂလိကဏ္ဍတိုးတက်မှုအား အထောက်အကူဖြစ်စေရန် စီးပွားရေးပတ်ဝန်းကျင်အား တိုးတက်ကောင်းမွန်အောင် ဆောင်ရွက်ရေး စသည်တို့ကိုလည်း ကတိပြုထားကြောင်း ၎င်းက မှတ်ချက်ပြုခဲ့သည်။
ထိုင်းနိုင်ငံအနေဖြင့် ကာလရှည်ကြာသော ထိုင်း-တရုတ်ချစ်ကြည်ရင်းနှီးမှုက နယ်ပယ်ကဏ္ဍရပ်များအားလုံးတွင် စဉ်ဆက်မပြတ် ဖွံ့ဖြိုးတိုးတက်မှုဆီသို့ “စတင်တက်လှမ်းမည့်နေရာ” အဖြစ် ဆောင်ရွက်ခြင်းနှင့်အတူ စီးပွားရေးမိတ်ဖက် ဖြစ်လာရန်သာမက ဒေသတွင်း ပူးပေါင်းဆောင်ရွက်မှု ပိုမိုကျယ်ပြန့်စေမည့် ဂိတ်တံခါးလည်း ဖြစ်လာရန် ကြိုးပမ်းလျက်ရှိကြောင်း ဝန်ကြီးချုပ်က ပြောကြားခဲ့သည်။
ထိုင်း-တရုတ် ကုန်သွယ်ရေးယန္တရားက ပူးတွဲ၍ “ဘုံသာယာဝပြောမှုဆီသို့ အတူတကွ ချီတက်ခြင်း” ဟူသော ခေါင်းစဉ်ဖြင့် သုံးရက်ကြာကျင်းပသော အဆိုပါ ကုန်စည်ပြပွဲတွင် နှစ်နိုင်ငံမှ စီးပွားရေးလုပ်ငန်း ၂၀၀ ကျော်တို့က စတုရန်းမီတာ ၂၅,၀၀၀ ကျော် ကျယ်ဝန်းသော ပြခန်းဧရိယာတွင် ပြခန်းပေါင်း ၁,၂၀၀ ဖြင့် ပါဝင်ပြသလျက်ရှိကြောင်း သိရသည်။
ယင်းပြပွဲ၏ အရေးကြီးအထင်ကရအချက်တစ်ခုမှာ ထိုင်းနှင့် တရုတ်ကုမ္ပဏီ ၅၆ ခုတို့အကြား အဓိက နားလည်မှုစာချွန်လွှာများ လက်မှတ်ရေးထိုးပြီး စီးပွားရေးတွေ့ဆုံချိတ်ဆက်မှု ၃၂ ခု ဖြစ်မြောက်အောင် ဆောင်ရွက်နိုင်ခဲ့ရာ စီးပွားရေးဆက်ဆံမှု အားကောင်းခြင်းနှင့် ထိုင်းနိုင်ငံ၏ အလားအလာအပေါ် ပြည်ပရင်းနှီးမြှုပ်နှံသူများ၏ ယုံကြည်စိတ်ချမှု တည်ဆောက်ခြင်း၏ အရေးကြီးသမိုင်းမှတ်တိုင်တစ်ခုအဖြစ် ချမှတ်နိုင်ခြင်းလည်း ဖြစ်ကြောင်း သိရသည်။
ထိုင်း-တရုတ် ပူးပေါင်းဆောင်ရွက်မှု ကုန်စည်ပြပွဲတွင် ပညာရေးနှင့် အလုပ်အကိုင်ပြပွဲများဖြင့် လူ့စွမ်းအား အရင်းအနှီးဖွံ့ဖြိုးတိုးတက်မှုအတွက် ခိုင်မာလေးနက်စွာဆောင်ရွက်ခဲ့သလို နှစ်နိုင်ငံရှိ ထိပ်တန်းတက္ကသိုလ်များမှ ပညာသင်ဆု ၅၀၀ ကျော်၊ ထိုင်းနှင့် တရုတ် ဦးဆောင်စီးပွားရေးလုပ်ငန်းများမှ အလုပ်အကိုင်အခွင့်အလမ်း ကောင်းမွန်သောနယ်ပယ်များ၌ အလုပ်တာဝန် ၃,၀၀၀ ကျော် ကမ်းလှမ်းလျက်ရှိကြောင်း သိရသည်။ (Xinhua)

…………………..
(English Version)
Expo held to celebrate 50-year Thailand-China ties
BANGKOK, Sept. 27 (Xinhua) — The Thailand-China Cooperation Expo 2025 commenced here on Friday to celebrate the 50th anniversary of diplomatic ties between Thailand and China, highlighting extensive joint efforts in trade, investment, education, and employment.
In his keynote address, Thai Prime Minister Anutin Charnvirakul emphasized that Thailand and China have laid a strong foundation of collaboration over the past half-century in all dimensions, paving the way for even greater opportunities going forward.
Anutin outlined five key areas of future cooperation, ranging from infrastructure and logistics links, such as the high-speed rail project connecting with China, to green economy and clean energy, digital innovation, agriculture and food security, and expanded people-to-people exchanges.
Thailand is committed to becoming a regional hub for trade, investment, and innovation, pledging closer collaboration with China while easing regulatory barriers and improving the business climate to support private-sector growth, he noted.
The prime minister said that Thailand seeks not only to be an economic partner but also a key gateway to wider regional cooperation, with the long-standing Thai-Chinese friendship serving as a “springboard” toward sustainable development in all aspects.
Jointly organized by the Thai-Chinese Trade Mechanism, under the theme “Marching Towards Shared Prosperity,” the three-day event gathered over 200 enterprises from both countries, featuring 1,200 booths across an exhibition area of over 25,000 square meters.
A key highlight of the event was a major MoU signing ceremony involving 32 business pairings between 56 Thai and Chinese companies, marking an important milestone in strengthening economic relations and building foreign investors’ confidence in the potential of Thailand.
It also placed a strong emphasis on human capital development, with education and job fairs, offering more than 500 scholarships from top universities in both nations and over 3,000 available positions in high-demand fields from leading Thai and Chinese businesses.
Photo: This photo shows the booth of Haier at the Thailand-China Cooperation Expo held at IMPACT Arena, Exhibition and Convention Center, Muang Thong Thani, northern suburbs of Bangkok, Thailand, on Sept. 26, 2025. (Rachen Sageamsak/Xinhua)