ဆွစ်ဇာလန်နိုင်ငံရှိ ဘားတစ်ခုတွင် မီးလောင်မှုဖြစ်ပွားခဲ့ရာ သေဆုံးသူအရေအတွက် တိုးလာခဲ့ပြီး ဒဏ်ရာရရှိသူအရေအတွက် ၁၁၉ ဦးအထိ ရောက်ရှိလာ

ဂျီနီဗာ၊ ဇန်နဝါရီ ၃ ရက် (ဆင်ဟွာ)

ဆွစ်ဇာလန်နိုင်ငံ အ‌နောက်တောင်ပိုင်းတွင် ဘားတစ်ခု မီးလောင်မှုဖြစ်ပွားခဲ့ရာ သေဆုံးသူအ‌ရေအတွက် ၄၀ ဦးခန့် ရှိမည်ဖြစ်ကာ ဒဏ်ရာရသူအရေအတွက်မှာလည်း ၁၁၉ ဦး အထိ မြင့်တက်လာခဲ့ကြောင်း ရဲတပ်ဖွဲ့က ဇန်နဝါရီ ၂ ရက် မွန်းလွဲပိုင်း သတင်းစာရှင်းလင်းပွဲ၌ ပြောကြားခဲ့သည်။
အဆိုပါ ဒဏ်ရာရသူများအကြား လူ ၁၁၃ ဦးကိုမူ မည်သူမည်ဝါဖြစ်ကြောင်း အတည်ပြုနိုင်ခဲ့ပြီးဖြစ်သည်။ သို့ရာတွင် Valais Canton နယ်မြေရှိ Crans-Montana စကိတ်စီးအပန်းဖြေစခန်းရှိ “Le Constellation” ဘားတွင် ညတွင်းချင်းဖြစ်ပွားသော မီးလောင်မှုအတွင်း ဥရောပနိုင်ငံအချို့က ၎င်းတို့၏ ပျောက်ဆုံးနိုင်ငံသားများစာရင်းကို သတင်းပို့နေဆဲဖြစ်ကြောင်း သိရသည်။
လာမည့်ရက်များအတွင်း သေဆုံးသူအရေအတွက် မြင့်တက်လာဖွယ်ရှိကြောင်း ဆွစ်ဇာလန်အာဏာပိုင်များက ပြောကြားခဲ့သည်။ ဒဏ်ရာရသူဦးရေ ၈၀ မှ ၁၀၀ ကြားမှာ စိုးရိမ်ဖွယ်အခြေအနေရှိကြောင်းနှင့် အများစုမှာ မီးလောင်ဒဏ်ရာအပြင်းအထန် ရရှိထားခြင်းကြောင့် အသက်ဆုံးရှုံးနိုင်ဖွယ်လည်း ရှိကြောင်း ဒေသန္တရ ကျန်းမာရေးနှင့် ဘေးကင်းလုံခြုံရေးအရာရှိ စတီဖန် ဂန်ဇာက ပြောသည်။

ကြောက်မက်ဖွယ် လူသေဆုံးမှု
မီးလောင်မှုဖြစ်ပွားပြီး မိနစ်ပိုင်းမျှအကြာ၊ ဇန်နဝါရီ ၁ ရက် ဒေသစံတော်ချိန် နံနက် ၁:၃၀ နာရီခန့်က သတိပေးခေါင်းလောင်းသံ ထွက်ပေါ်လာခဲ့သည်။ အခင်းဖြစ်ပွားရာနေရာသို့ လူနာတင်ကား ၄၁ စီး၊ ရဟတ်ယာဉ် ၁၃ စင်းနှင့် ကျန်းမာရေးဝန်ထမ်း ၁၅၀ ကျော် ရောက်ရှိလာခဲ့ကြောင်း ဒေသခံရဲတပ်ဖွဲ့က ပြောခဲ့သည်။
မီးလောင်မှုဖြစ်ပွားရာနေရာအနီးဝန်းကျင် မီတာ ၁၀၀ ကို ဖြတ်သန်းသွားလာခွင့်ပိတ်ထားခဲ့သည်။ လူထုက ရဲတပ်ဖွဲ့လုံခြုံရေးစည်းအနီး မတ်တတ်ရပ်ရင်း ပွေ့ဖက်ကြကာ ငိုကြွေးလျက်ရှိသလို မီးလောင်မှုအတွင်း ‌သေဆုံးသွားသူများအတွက် ပန်းများချထားကာ ဖယောင်းတိုင်များ ထွန်းထားကြောင်း သိရသည်။
နာသန်ဟု အမည်ရသည့် ဆွစ်လူမျိုး လူငယ်တစ်ဦးကလည်း မီးလောင်မှုအတွင်း ၎င်း၏ သူငယ်ချင်း လေးဦး သေဆုံးခဲ့ကြောင်း ယင်းနေရာအနီး၌ ထိတ်လန့်တုန်လှုပ်လျက် ဆင်ဟွာကို ပြောခဲ့သည်။ “သုံးယောက်က ပျောက်ဆုံးနေတုန်းပဲ။ သူတို့ ဘယ်ဆေးရုံမှာတက်နေရလဲတောင် ကျွန်တော်မသိဘူး။ တော်တော်လေးကို ကြောက်စရာကောင်းတယ်။ သူတို့ကို နှုတ်ဆက်ခွင့်တောင်မရလိုက်လို့ ရင်နာရပါတယ်” ဟု ၎င်းက ဆိုသည်။
ထို့ပြင် အသက် ၁၇ နှစ်အရွယ် အန်တိုနီ စီနာဆိုသူကလည်း ဆွစ်ဇာလန်နိုင်ငံ Vaud နယ်မြေမှ အားလပ်ရက်အပန်းဖြေခရီးအဖြစ် ရောက်ရှိနေခြင်းဖြစ်သည်။ အဆိုပါ ကြောက်မက်ဖွယ်ည၌ လူပြည့်နေသည့်အတွက် ဘားအတွင်း မဝင်ရောက်နိုင်ခဲ့ကြောင်း ၎င်းက ဆင်ဟွာကို ပြောသည်။ ၎င်းက သူငယ်ချင်းများကို စောင့်ဆိုင်းနေရာ၌ စောင့်ဆိုင်းနေစဉ် မီးခိုးများကို မြင်တွေ့လိုက်ရခြင်းဖြစ်ပြီး ယင်းနောက် မီးလောင်ခဲ့ခြင်းဖြစ်ကြောင်း သိရသည်။
အဆိုပါ မီးလောင်မှုမှာ နိုင်ငံ၏သမိုင်းကြောင်းတွင် အဆိုးဝါးဆုံးဝမ်းနည်းဖွယ်ဖြစ်ရပ်များအနက် တစ်ခုဖြစ်ကြောင်း ဆွစ်ဇာလန်နိုင်ငံ သမ္မတ ဂိုင်းပါမီလင်က ဇန်နဝါရီ ၁ ရက် သတင်းစာရှင်းလင်းပွဲ၌ ပြောကြားခဲ့သည်။ ဆွစ်ဇာလန်နိုင်ငံ ဒုတိယမြောက် သမ္မတ သက်တမ်းတာဝန်ထမ်းဆောင်နေသည့် ပါမီလင်က နှစ်သစ်ကူးမိန့်ခွန်းပြောကြားမှုကို ရွှေ့ဆိုင်းထားကြောင်း သိရသည်။ (Xinhua)
သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ xhtxs.cn/9is

……………………………………..
(English Version)
Death toll in Swiss bar fire set to rise, with injured count at 119
GENEVA, Jan. 2 (Xinhua) — Around 40 people are believed to have died in a bar fire breaking out in southwestern Switzerland, with the number of injured rising to 119, police said at a news conference on Friday afternoon.
Among the injured, the identities of 113 people have been confirmed. But some European countries still reported missing nationals in the fire, which broke out overnight at “Le Constellation” bar in the Crans-Montana ski resort in Valais Canton.
Swiss authorities said the death toll is expected to rise in the coming days. Stephane Ganzer, a regional health and safety official, told the French radio station RTL that 80 to 100 of the injured are in a critical condition, with many likely to die from severe burns.
DEADLY TRAGEDY
The alarm was raised at the bar at around 1:30 a.m. (1230 GMT) Thursday local time, minutes after the fire broke out. A total of 41 ambulances, 13 helicopters, and more than 150 medical personnel were deployed to the scene, local police said.
An area of 100 meters around the bar had been cordoned off. Crowds of people stood hugging and crying near the police line, where flowers and candles for the victims had been laid.
A young Swiss man named Nathan, visibly shaken, told Xinhua near the scene that four of his friends had died in the fire. “Three are still missing,” he said, “I don’t even know which hospitals they are in. It’s all so tragic… It hurts because I never got the chance to say goodbye to them.”
Anthony Cina, 17, was on vacation from the Canton of Vaud in Switzerland. He told Xinhua that he had not been able to enter the bar on the night of the tragedy as it was full. He was waiting in line with his friends when he saw smoke, then fire.

Speaking at a press conference on Thursday, President of the Swiss Confederation Guy Parmelin said the fire was one of the worst tragedies in the country’s history. Parmelin, who just started his second term as the country’s president, had postponed his New Year’s address. xhtxs.cn/9is
Photo 1: Security forces work at the scene of a fire at a bar in the Crans-Montana ski resort in Valais Canton of southwestern Switzerland, Jan. 1, 2026. (Xinhua/Lian Yi)