ရန်ကုန် မတ်လ ၁၇ ရက် (ဆင်ဟွာ) ရန်ကုန်တိုင်းဒေသကြီး အလုံမြို့နယ် အပါအဝင် ရန်ကုန်မြို့ရှိမြို့နယ်တချို့တွင် မတ် ၁၇ ရက် နေ့လည် ၃ နာရီ ဝန်းကျင်ခန့်တွင် အချိန်အခါမဟုတ် မိုးရွာသွန်းခဲ့ကြောင်း သိရသည်။ (Xinhua)
ဂါဇာ၊ မတ် ၁၇ ရက် (ဆင်ဟွာ) ဆိုက်ပရပ်စ်-ဂါဇာ လူသားချင်းစာနာထောက်ထားမှုဆိုင်ရာ ရေကြောင်းစင်္ကြံလမ်းအား ဖြတ်သန်းသွားလာသည့် ပထမဆုံး အကူအညီသင်္ဘောသည် ပါလက်စတိုင်းနယ်မြေ၏ ကမ်းခြေသို့ မတ် ၁၅ ရက်တွင် ရောက်ရှိခဲ့ပြီး ကုန်စည်ချပေးခြင်းများ စတင်ခဲ့ကြောင်း ပါလက်စတိုင်းသတင်းရင်းမြစ်များက ပြောကြားခဲ့သည်။
နယူးဒေလီ၊ မတ် ၁၇ ရက် (ဆင်ဟွာ) အိန္ဒိယနိုင်ငံ၏ လာမည့်အထွေထွေရွေးကောက်ပွဲအား ဧပြီ ၁၉ ရက်မှစတင်ကာ အဆင့် ၇ ဆင့်ဖြင့် ပြုလုပ်သွားမည် ဖြစ်ကြောင်း အိန္ဒိယရွေးကောက်ပွဲကော်မရှင်က မတ် ၁၆ ရက်တွင် ပြောကြားခဲ့သည်။
မော်စကို၊ မတ် ၁၇ ရက် (ဆင်ဟွာ) မကြာသေးမီရက်ပိုင်းအတွင်း ယူကရိန်းစစ်တပ်က ရုရှားမြေပြင်သို့ ဝင်ရောက်တိုက်ခိုက်ရန် အကြိမ်ကြိမ်ကြိုးစားခဲ့သော်လည်း မအောင်မြင်ခဲ့ကြောင်းနှင့် ရုရှားသမ္မတရွေးကောက်ပွဲ မဲပေးမှုကို တိုက်ခိုက်ခြင်းဖြင့် နှောင့်ယှက်ရန် ကြိုးပမ်းနေသည်ဟု ရုရှားသမ္မတ ဗလာတီမာပူတင်က မတ် ၁၅ ရက်တွင် ပြောကြားခဲ့သည်။
ကုလသမဂ္ဂ၊ မတ် ၁၇ ရက် (ဆင်ဟွာ) ရုရှား-ယူကရိန်း ပဋိပက္ခအတွက် ငြိမ်းချမ်းရေးဆွေးနွေးမှုများ စတင်ရန် ပါဝင်ပတ်သက်သူများကို ကုလသမဂ္ဂဆိုင်ရာ တရုတ်နိုင်ငံ ဒုတိယ အမြဲတမ်း ကိုယ်စားလှယ် ကိန်းစွမ်က မတ် ၁၅ ရက်တွင် ပြုလုပ်သော ယူကရိန်းအရေးအား ပြန်လည်သုံးသပ်သည့် လုံခြုံရေးကောင်စီ၌ ပြောကြားခဲ့သည်။
