ရန်ကုန်၊ သြဂုတ် ၉ ရက် (ဆင်ဟွာ) မွန်ပြည်နယ် ပေါင်မြို့နယ်၊ မုတ္တမ-သဲဖြူကုန်းကျေးရွာအုပ်စု၌ သြဂုတ် ၉ ရက် နံနက်ပိုင်းတွင် မိုးသည်းထန်စွာရွာသွန်း၍ မလတ်တောင်ပြိုကျမှုကြောင့် ည ၇ နာရီချိန်ထိ သေဆုံးသူ ၂၂ဦးထိ ရှိလာကြောင်း မြန်မာနိုင်ငံမီးသတ်ဦးစီးဌာနက ထုတ်ပြန်သော သတင်းအရ သိရသည်။
ရန်ကုန်၊ သြဂုတ် ၉ ရက် (ဆင်ဟွာ) ရခိုင်ပြည်နယ် ရသေ့တောင်မြို့နယ်၌ သြဂုတ်လ ၈ ရက်တွင် စိတ်ကြွဆေးပြား ၂သန်းကျော် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က ထုတ်ပြန်သော သတင်းအရ သိရသည်။
ရန်ကုန်၊ သြဂုတ် ၉ ရက် (ဆင်ဟွာ) မွန်ပြည်နယ် ပေါင်မြို့နယ်၊ မုတ္တမ-သဲဖြူကုန်းကျေးရွာအုပ်စု၌ မိုးသည်းထန်စွာရွာသွန်း၍ မလတ်တောင်ပြိုကျမှုကြောင့် လူ ၁၀ဦးသေဆုံးပြီး ၂၇ ဦးဒဏ်ရာရရှိခဲ့ကြောင်း မွန်ပြည်နယ်အစိုးရအဖွဲ့ရုံးက ထုတ်ပြန်သော သတင်းအရ သိရသည်။
အန်ကာရာ၊ သြဂုတ် ၉ ရက် (ဆင်ဟွာ) ဆီးရီးယားနိုင်ငံ နယ်စပ်အနီး တူရကီနိုင်ငံ တောင်ဘက် ဟာတေပြည်နယ် ရေဟန်လီခရိုင်ရှိ ခဲယမ်းမီးကျောက်သိုလှောင်ရုံတစ်ခုတွင် သြဂုတ် ၉ ရက် နံနက်အစောပိုင်းက ပေါက်ကွဲမှုများဖြစ်ပွားခဲ့ကြောင်း၊ လူသေဆုံးမှုသတင်းများ မရှိသေးကြောင်း NTV သတင်းများအရ သိရသည်။
လန်ဒန်၊ သြဂုတ် ၉ ရက် (ဆင်ဟွာ) ဗြိတိန်နိုင်ငံ လန်ဒန်မြို့ရှိ Euston ဘူတာရုံတွင် သြဂုတ် ၈ ရက်က အချက်ပြစနစ် ချို့ယွင်းမှုကြောင့် ဘူတာအဝင်၊ အထွက် လုပ်ငန်းများအားလုံး ဆိုင်းငံ့ထားသဖြင့် ခရီးသည်များစွာ သောင်တင်လျက်ရှိကြောင်း သိရသည်။
