မက်ဒရစ်၊ ဩဂုတ် ၂၀ ရက် (ဆင်ဟွာ) စပိန်နိုင်ငံ တောင်ပိုင်းမှ အမည်မသိလူတစ်ဦးသည် West Nile ဗိုင်းရပ်စ်ကြောင့် ဦးနှောက်ရောဂါဖြင့် ဆေးရုံတက်ရောက်ကုသခဲ့ရကြောင်း ဒေသခံကျန်းမာရေးအာဏာပိုင်များက ဩဂုတ် ၁၉ ရက်တွင် ပြောကြားခဲ့သည်။
ဆိုးလ်၊ ဩဂုတ် ၂၀ ရက် (ဆင်ဟွာ) အမေရိကန်နိုင်ငံ နျူကလီးယားဆိုင်ရာ အထူးသံတမန်သည် တောင်ကိုရီးယားနိုင်ငံ တာဝန်ရှိသူနှင့် ကိုရီးယားကျွန်းနျူးကလီးယားအရေးဆွေးနွေးရန် ဩဂုတ် ၂၁ ရက်၌ တောင်ကိုရီးယားနိုင်ငံသို့ လာရောက်လည်ပတ်မည် ဖြစ်ကြောင်း တောင်ကိုရီးယား နိုင်ငံခြားရေးဝန်ကြီးဌာနက ဩဂုတ် ၂၀ ရက်တွင် ပြောကြားခဲ့သည်။
ကွာလာလမ်ပူ၊ သြဂုတ် ၂၀ ရက် (ဆင်ဟွာ) မလေးရှား နိုင်ငံအနေဖြင့် ကပ်ရောဂါတိုက်ဖျက်ရာတွင် အရှိန်အဟုန်မြှင့် ဆောင်ရွက်ရန် တရုတ်နိုင်ငံCanSino Biologics ကုမ္ပဏီ မှ ထုတ်လုပ်သော တစ်ကြိမ်သာ ထိုးနှံရန်လိုအပ်သည့် COVID-19 ကာကွယ်ဆေး ပထမအသုတ်ကို ယနေ့ ဩဂုတ် ၂၀ ရက်တွင် လက်ခံရရှိခဲ့ကြောင်း သိရသည်။
ဒတ်ကာ၊ ဩဂုတ် ၂၀ ရက်(ဆင်ဟွာ) ပြီးခဲ့သည့်ရက်က တရားမဝင်ရွှေ့ပြောင်းနေထိုင်သူများလိုက်ပါသည့်ရေယာဉ်တစ်စီးကို မော်ရီတေးနီးယားပင်လယ်ပြင်တွင် ယင်းနိုင်ငံ ကမ်းခြေစောင့်တပ်ဖွဲ့က တွေ့ရှိခဲ့ရာ ရေယာဉ်ပေါ်ရှိ လူ (၄၇)ဦး သေဆုံးနေကြောင်း ရွှေ့ပြောင်းနေထိုင်မှုဆိုင်ရာ နိုင်ငံတကာ အဖွဲ့အစည်း(IOM)နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR)တို့က ဩဂုတ် ၁၉ ရက် မော်ရီတေးနီးယားနိုင်ငံမြို့တော်နာရာချော့က်တွင် ပူးတွဲကြေညာချက်ထုတ်ပြန်ခဲ့သည်။
ရင်ချွမ်း၊ ဩဂုတ် ၂၀ ရက် (ဆင်ဟွာ) တရုတ်နိုင်ငံ အနောက်မြောက်ပိုင်း နင်းရှဟွေ ကိုယ်ပိုင်အုပ်ချုပ်ခွင့်ရဒေသ မြို့တော် ရင်ချွမ်းတွင် စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှုနှင့် ရပ်ဝန်းနှင့် ပိုးလမ်းမ ပူးတွဲတည်ဆောက်ရေး အလေးထားလျက် ပဉ္စမအကြိမ်မြောက် တရုတ်-အာရပ်ကုန်စည်ပြပွဲအား ဩဂုတ် ၁၉ ရက်က ဖွင့်လှစ်ခဲ့ကြောင်း သိရသည်။
