ရန်ကုန်၊ ဇန်နဝါရီ ၉ ရက် (ဆင်ဟွာ) ရေးသားသူ/အေးလပြည့်

လွန်ခဲ့သော ၂၄ နာရီအတွင်း COVID-19 အတည်ပြုလူနာသစ် ၅၆၆ ဦး ရှိပြီး ယနေ့အထိ အတည်ပြုလူနာစုစုပေါင်း ၁၃၀,၀၄၉ ဦး ရှိရာ ယနေ့ ဆေးရုံဆင်းခွင့်ရရှိသူ ၆၇၄ ဦးရှိပြီး ဆေးရုံဆင်းခွင့်ရရှိသူစုစုပေါင်း ၁၁၃,၅၅၀ ဦးရှိလာကြောင်း၊ ထို့ကြောင့် ပြန်ကောင်းပြီး ဆေးရုံမှဆင်းသူ ၈၇ ရာခိုင်နှုန်းရှိကြောင်း ကျန်းမာရေးနှင့် အားကစားဝန်ကြီးဌာန၊ ပြည်သူ့ကျန်းမာရေး ဦးစီးဌာန ၊ ဗဟိုကူးစက်ရောဂါ တိုက်ဖျက်ရေးဌာနခွဲ ညွှန်ကြားရေးမှူး ဒေါက်တာခင်ခင်ကြီးက ဆင်ဟွာသို့ ဇန်နဝါရီ ၉ ရက်တွင်ပြောသည်။

ရီယိုဒီဂျနေးရိုး၊ ဇန်နဝါရီ ၉ ရက် (ဆင်ဟွာ) ဘာသာပြန် - ခေါန်ရိန်

ဘရာဇီးနိုင်ငံသား အမျိုးသမီးတစ်ဦးသည် ကမ္ဘာပေါ်တွင် E484K ခေါ် ဗီဇပြောင်း နိုဗယ်ကိုရိုနာဗိုင်းရပ်စ်သစ်ဖြင့် ပထမဆုံး ရောဂါပြန်လည်ကူးစက်ခံရသူဖြစ်လာကြောင်း နိုင်ငံပိုင် Agencia Brasil သတင်းအေဂျင်စီက ဇန်နဝါရီ ၈ ရက်တွင် သတင်းဖော်ပြခဲ့သည်။

 

ပေကျင်း၊ ဇန်နဝါရီ ၉ ရက် (ဆင်ဟွာ) ဘာသာပြန် - ခေါန်ရိန်

ရေခဲဖုံးလွှမ်းနေသော လမ်းမပေါ်တွင် အခြားသူများအတွက် အစားအစာများနှင့် မရှိမဖြစ်လိုအပ်သော ပစ္စည်းများကို တင်ဆောင်ထားသည့် သုံးဘီးဆိုက်ကယ်တစ်စီးကို ဒယိမ်းဒယိုင်ဖြင့် တအိအိ တွန်းနေကြသော ရောဂါကာကွယ်ရေးဝတ်စုံများ ဝတ်ဆင်ထားသည့် လူအုပ်စု၏ ဓာတ်ပုံများက အင်တာနက်တွင် ပျံ့နှံ့သွားခဲ့ပြီး အအေးလှိုင်းဒဏ် ကြုံတွေ့ခံစားနေရသည့် တရုတ်နိုင်ငံတွင် မြင်တွေ့ရသူများ၏ နှလုံးသားကို နွေးထွေးစေခဲ့သည်။

လန်ဒန် ၊ ဇန်နဝါရီ ၉ ရက် (ဆင်ဟွာ) ဘာသာပြန်/စိုးမိုး

ဗြိတိန်နိုင်ငံအစိုးရ၏ ဇန်နဝါရီ ၈ ရက် ထုတ်ပြန်ကြေညာချက်အရ ယင်းနေ့တွင် ဗြိတိန်နိုင်ငံ၌ COVID-19 ရောဂါထပ်မံကူးစက်ခံရသူ ၆၈,၀၅၃ ဦးရှိခဲ့ပြီး ကပ်ရောဂါစတင်ဖြစ်ပွားချိန်မှစ၍ တစ်ရက်အတွင်း ထပ်မံကူးစက်ခံရမှုအများဆုံး စံချိန်သစ်ဖြစ်ခဲ့ကာ COVID-19 ရောဂါ ကူးစက်ခံရသူ စုစုပေါင်း ၂,၉၅၇,၄၇၂ ဦးရှိကြောင်း သိရှိရသည်။

ဘူခါရက်စ် ၊ ဇန်နဝါရီ ၉ ရက် (ဆင်ဟွာ) ဘာသာပြန်/စိုးမိုး

ရိုမေးနီးယားနိုင်ငံအတွင်း ပထမဦးဆုံး ဗီဇပြောင်း COVID-19 ရောဂါ ကူးစက်ခံထားရသူ တွေ့ရှိခဲ့ရပြီး လက်ရှိချိန်တွင် ၎င်းအား နေအိမ်တွင် သီးသန့်ခွဲခြားနေထိုင်စေကာ ကျန်းမာရေးအခြေအနေမှာ ကောင်းမွန်ကြောင်း ကျန်းမာရေးဝန်ကြီးဌာနက ဇန်နဝါရီ ၈ ရက်၌ ထုတ်ပြန်ကြေညာခဲ့သည်။

တီဟီရန် ၊ ဇန်နဝါရီ ၉ ရက် (ဆင်ဟွာ) ဘာသာပြန်/စိုးမိုး

အီရန်နိုင်ငံအမြင့်ဆုံးခေါင်းဆောင် Ali Khamenei က အီရန်နိုင်ငံအစိုးရအား ဗြိတိန်နိုင်ငံ နှင့် အမေရိကန်နိုင်ငံ မှ COVID-19 ရောဂါကာကွယ်ဆေးအား မဝယ်ယူရန် ဇန်နဝါရီ ၈ ရက် ၌ တောင်းဆိုခဲ့သည်။ အီရန်နိုင်ငံအမြင့်ဆုံးခေါင်းဆောင်ကြေညာချက် ထုတ်ပြန်ခဲ့ပြီးနောက်တွင် အီရန်လခြမ်းနီအသင်းသည် ယခင်က အမေရိကန်နိုင်ငံ Pfizer ဆေးဝါးထုတ်လုပ်သည့် ကုမ္ပဏီမှ ကာကွယ်ဆေး အခုရေ ၁၅၀,၀၀၀ ဝယ်ယူမည့် အစီအစဉ်အား ဖျက်သိမ်းကြောင်း ထုတ်ပြန်ကြေညာခဲ့သည်။

နေပြည်တော်၊ ဇန်နဝါရီ ၈ ရက်(ဆင်ဟွာ) ရေးသားသူ / စိုးသန်းလင်း

နိုင်ငံတော်သမ္မတရုံး၌ ၂၀၂၀ ပြည့်နှစ် စက်တင်ဘာ ၁၀ ရက်မှ ၂၀၂၁ ခုနှစ် ဇန်နဝါရီ ၄ ရက်နေ့ အထိ လေးလအတွင်း ဝန်ထမ်း ၁၆ ဦးတို့တွင် COVID-19 ရောဂါပိုး တွေ့ရှိခဲ့ကြောင်း သမ္မတရုံး ပြောရေးဆိုခွင့်ရ ပုဂ္ဂိုလ်၊ နိုင်ငံတော် အတိုင်ပင်ခံရုံး ဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ယနေ့ ညနေပိုင်း ပြုလုပ်သည့် သမ္မတအိမ်တော် သတင်းစာ ရှင်းလင်းပွဲ၌ ပြောကြားခဲ့သည်။

ရန်ကုန်၊ ဇန်ဝါရီ ၈ ရက် (ဆင်ဟွာ) ရေးသားသူ/အေးလပြည့်

ဇန်နဝါရီ ၈ ရက်တွင် COVID-19 အတည်ပြုလူနာသစ် ၇၁၁ ဦး တွေ့ရှိခဲ့ပြီး ၁၀ ရက်အတွင်း ပျမ်းမျှပိုးတွေ့ရှိမှု ရာခိုင်နှုန်းမှာ ၃ ဒဿမ ၁၃ ရာခိုင်နှုန်း ရှိကြောင်း ကျန်းမာရေးနှင့်အားကစား ဝန်ကြီးဌာန၊ ပြည်သူ့ကျန်းမာရေး ဦးစီးဌာန ၊ ဗဟိုကူးစက်ရောဂါ တိုက်ဖျက်ရေးဌာနခွဲ ညွှန်ကြားရေးမှူး ဒေါက်တာခင်ခင်ကြီးက ဆင်ဟွာသို့ ယနေ့ ပြောကြားသည်။

ကွမ်ကျိုး ၊ ဇန်နဝါရီ ၈ ရက် (ဆင်ဟွာ) ဘာသာပြန်/စိုးမိုး

တရုတ်နိုင်ငံ ကွမ်တုန်းပြည်နယ် ပြန်ကြားရေးဌာနက ဇန်နဝါရီ ၈ ရက် ၌ သတင်းစာရှင်းလင်းပွဲကျင်းပ ပြုလုပ်ရာတွင် ကွမ်တုန်းပြည်နယ်အတွင်း အဓိကလူထုများကို စည်းစနစ်ကျနစွာ COVID-19 ရောဂါ ကာကွယ်ဆေး ထိုးနှံပေးသည့် လုပ်ငန်းအား တွန်းအားပေးဆောင်ရွက်နိုင်ခဲ့ပြီး ဇန်နဝါရီ ၇ ရက် အချိန်ထိ ကွမ်တုန်းပြည်နယ်အတွင်း လူပေါင်း ၁.၂၁၀၉ သန်းကို COVID-19 ရောဂါ ကာကွယ်ဆေး ထိုးနှံပြီးစီးခဲ့ကြောင်း ကြေညာခဲ့သည်။

ဘန်ကောက်၊ ဇန်နဝါရီ ၈ ရက် (ဆင်ဟွာ) ဘာသာပြန် - ခေါန်ရိန်

ထိုင်းနိုင်ငံက COVID-19 ကာကွယ်ဆေးထိုးနှံခြင်းအတွက် အဆင့်သုံးဆင့် ပြုလုပ်သွားမည်ဖြစ်ပြီး ပထမအဆင့်ကို ဖေဖော်ဝါရီလမှ ဧပြီလအထိ ပြုမည်ဖြစ်ကာ ကာကွယ်ဆေးအလုံးရေ ၂ သန်းထိုးနှံသွားမည်ဖြစ်ကြောင်း ပြည်သူ့ကျန်းမာရေးဝန်ကြီးဌာနက ဇန်နဝါရီ ၇ ရက်၌ ပြောကြားခဲ့သည်။