“မင်္ဂလာပါ ချောင်အန်း” တရုတ် ရုပ်သံ ဇာတ်လမ်းတွဲအား ကွမ်ရှီး ပြည်သူ့အသံလွှင့် ဌာန နှင့် မြန်မာ အသံ နှင့် ရုပ်မြင်သံကြားမှ ပူးပေါင်း ထုတ်လွှင့် ပြသမည်

နေပြည်တော် ၊ သြဂုတ် ၂၂ ရက်(ဆင်ဟွာ)

တရုတ်နိုင်ငံ ၊ ကွမ်ရှီးပြည်သူ့အသံလွှင့် ဌာန(GXBS) နှင့် မြန်မာနိုင်ငံ ၊ ပြန်ကြားရေး ဝန်ကြီးဌာန ၊ မြန်မာ့ အသံ နှင့် ရုပ်မြင်သံကြား(MRTV) တို့ပူးပေါင်း၍ “မင်္ဂလာပါ ချောင်အန်း” အမည်ရှိ တရုတ် ရုပ်သံ ဇာတ်လမ်းတွဲအား မြန်မာ စကားပြောဖြင့် အပတ်စဉ် ထုတ်လွှင့် ပြသသွားမည် ဖြစ်ကြောင်း သိရသည်။

ထို တရုတ် ရုပ်သံ ဇာတ်လမ်းတွဲ စတင် ပြသခြင်း နှင့် အသံသွင်းခန်း ဆိုင်းဘုတ် တင်ပွဲ အခမ်းအနားအား ယနေ့သြဂုတ် ၂၂ ရက်တွင် နေပြည်တော်ရှိ MRTV ရုံး၌ ကျင်းပ ပြုလုပ်ရာ ပြန်ကြားရေး ဝန်ကြီးဌာန ပြည်ထောင်စု ဝန်ကြီး ဒေါက်တာ ဖေမြင့် ၊ ကွမ်ရှီးကျွမ့် ကိုယ်ပိုင် အုပ်ချုပ်ခွင့်ရ ဒေသ ပါတီ အမြဲတမ်း ကော်မတီဝင် ၊ ပြန်ကြားရေး ဝန်ကြီး ၊ မစ္စ ဖန့်ရှောင်လိ အပါအဝင် သက်ဆိုင်ရာ တာဝန်ရှိသူများ တက်ရောက်ခဲ့ကြသည်။

အခမ်းအနားတွင် ပြန်ကြားရေး ဝန်ကြီးဌာန ပြည်ထောင်စု ဝန်ကြီး ဒေါက်တာ ဖေမြင့်က အဓွန့်ရှည်ကြာ ခိုင်မြဲသည့် တရုတ်-မြန်မာ နှစ်နိုင်ငံ ချစ်ကြည် ရင်းနှီးမှုသည် ယခုအခါတွင် အဆင့်သစ် တစ်ရပ်ကို တက်လှမ်းနေပြီ ဖြစ်ပြီး ကဏ္ဍပေါင်းစုံတွင် ပူးပေါင်း ဆောင်ရွက်မှုများကို ကျယ်ပြန့်စွာ ဆောင်ရွက်နေပြီ ဖြစ်ကြောင်း ၊ တရုတ် ပြည်သူ့သမ္မတ နိုင်ငံ နှင့် မြန်မာနိုင်ငံတို့သည် အိမ်နီးချင်း နိုင်ငံ ဖြစ်သည့် အားလျှော်စွာ မြန်မာနိုင်ငံ၏ ပြန်ကြားရေး ကဏ္ဍ အပါအဝင် အခြား ကဏ္ဍများတွင်လည်း ယနေ့ထက်တိုင် ကာလ ကြာရှည်စွ ပူးပေါင်း ဆောင်ရွက် လာခဲ့ကြခြင်း ဖြစ်ကြောင်း ထည့်သွင်း ပြောကြားခဲ့သည်။

တရုတ် ရုပ်သံ ဇာတ်လမ်းတွဲ “မင်္ဂလာပါ ချောင်အန်း” ကို မြန်မာ စကားပြောဖြင့် မြန်မာ့ ရုပ်မြင်သံကြားတွင် ထုတ်လွှင့် နိုင်တော့မည် ဖြစ်ကြောင်း ၊ ယခု ဇာတ်လမ်းသည် တရုတ်နိုင်ငံ၌လည်း လူကြိုက်များပြီး ဘဝတွင် တွေ့ကြုံလာသည့် အခက်အခဲများကို ကြံကြံခံနိုင်သည့် စိတ်ဓာတ် အားမာန်ကို အတုယူစေသည့် ဇာတ်လမ်းလည်း ဖြစ်ကြောင်း ၊ မြန်မာ ပရိသတ်များ ယခု ဇာတ်လမ်းတွဲကို နှစ်ခြိုက် အားပေးကြမည်ဟု မျှော်လင့်ကြောင်း ပြည်ထောင်စု ဝန်ကြီး ဒေါက်တာ ဖေမြင့်က ပြောကြားခဲ့သည်။

ကွမ်ရှီးကျွမ့် ကိုယ်ပိုင် အုပ်ချုပ်ခွင့်ရ ဒေသ ပါတီ အမြဲတမ်း ကော်မတီဝင် ၊ ပြန်ကြားရေး ဝန်ကြီး မစ္စ ဖန့်ရှောင်လိက ယခု လုပ်ဆောင်ချက်သည် တရုတ်-မြန်မာ နှစ်နိုင်ငံကြားရှိ မီဒီယာ ပူးပေါင်း ဖြန့်ဖြူးရေး စနစ် အသစ်ကို ဖန်တီးပြီး နှစ်နိုင်ငံကြားရှိ မီဒီယာ ကဏ္ဍတွင် သမိုင်းဝင် မှတ်တိုင်လည်း ဖြစ်ကြောင်း ထည့်သွင်း ပြောကြားခဲ့သည်။

တရုတ် ဇာတ်လမ်းတွဲ အစီအစဉ်ကို မြန်မာနိုင်ငံ၌ အောင်မြင်စွာ ပြသနိုင်ခြင်းဖြင့် တရုတ်-မြန်မာ အကြားတွင် ချစ်ကြည်ရေး တံတားကို တည်ဆောက်နိုင်သကဲ့သို့မြန်မာ ပြည်သူလူထု အတွက် တရုတ်နိုင်ငံကို သိရှိ နားလည်ရန် နည်းလမ်း တစ်ခုကို ဖန်တီး ပေးနိုင်မည်ဟု ယုံကြည်ကြောင်း ၊ ကွမ်ရှီးပြည်သူ့အသံလွှင့် ဌာန(GXBS) မှ မြန်မာ့ အသံ နှင့် ရုပ်မြင်သံကြား(MRTV) နှင့် အတူတကွ အားထုတ် ကြိုးပမ်းပြီး နှစ်နိုင်ငံ၏ ဘက်စုံ မဟာ ဗျူဟာ မိတ်ဖက် ဆက်ဆံရေး အတွက် တွန်းအားပေးသွားမည် ဖြစ်ကြောင်း ပြန်ကြားရေး ဝန်ကြီး မစ္စ ဖန့်ရှောင်လိက ပြောကြားခဲ့သည်။

“မင်္ဂလာပါ ချောင်အန်း” အမည်ရှိ တရုတ် ရုပ်သံ ဇာတ်လမ်းတွဲအား မြန်မာ စကားပြောဖြင့် ယနေ့သြဂုတ် ၂၂ ရက်မှ စတင်၍ အပတ်စဉ် တနလာၤ ၊ အဂါၤ ၊ ဗုဒ္ဓဟူးနေ့များတွင် မြန်မာ့ အသံ နှင့် ရုပ်မြင်သံကြား(MRTV) မှ ထုတ်လွှင့် ပြသသွားမည် ဖြစ်ကြောင်း သိရသည်။

ထို့အတူ မြန်မာဘာသာ အသံသွင်းခန်း ဆိုင်းဘုတ်တင် အခမ်းအနားကို ဆက်လက် ကျင်းပခဲ့ပြီး MRTV နှင့် GXBS တို့၏ ဇာတ်လမ်းတွဲ မြန်မာဘာသာပြန် နှင့် အသံထပ် လုပ်ငန်း ထုတ်လုပ်ရေး ဌာန ဆိုင်းဘုတ်အား ပြန်ကြားရေး ဝန်ကြီးဌာန ပြည်ထောင်စု ဝန်ကြီး ဒေါက်တာ ဖေမြင့် နှင့် ကွမ်ရှီးကျွမ့် ကိုယ်ပိုင် အုပ်ချုပ်ခွင့်ရ ဒေသ ပါတီ အမြဲတမ်း ကော်မတီဝင် ၊ ပြန်ကြားရေး ဝန်ကြီး မစ္စ ဖန့်ရှောင်လိ တို့က ဖွင့်လှစ်ပေးခဲ့သည်။

ကွမ်ရှီးပြည်သူ့အသံလွှင့် ဌာန(GXBS) နှင့် မြန်မာ့ အသံ နှင့် ရုပ်မြင်သံကြား(MRTV) တို့အကြား အသံလွှင့် လုပ်ငန်းများ သဘောတူညီချက်ကို ၂၀၁၃ ခုနှစ် စက်တင်ဘာလ ၂ ရက်တွင် လက်မှတ် ရေးထိုးခဲ့ပြီး ဖြည့်စွက် သဘောတူ စာချုပ်ကို ၂၀၁၇ ခုနှစ် မတ်လ ၃၀ ရက်တွင် လက်မှတ် ရေးထိုးခဲ့ကြောင်း ၊ တရုတ် ရုပ်မြင်သံကြား အစီအစဉ် ပူးတွဲ ထုတ်လွှင့်ရန် သဘောတူညီချက်ကို ၂၀၁၇ ခုနှစ် ဇွန်လ ၁၄ ရက်တွင် လက်မှတ် ရေးထိုးခဲ့ကြောင်း သိရသည်။

ထိုပူးပေါင်း ဆောင်ရွက်မှု စာချုပ် အရ ကွမ်ရှီး ပြည်သူ့အသံလွှင့် ဌာနသည် မြန်မာ့ အသံ နှင့် ရုပ်မြင်သံကြား ဘာသာပြန် နှင့် ဖြန့်ဖြူးရေး အတွက် နှစ်စဉ် နှစ်တိုင်း ဝန်ထမ်း စေလွှတ်ခြင်း ၊ အစီအစဉ် ပြုစု နှင့် ဘာသာပြန်ခြင်း ၊ အသံသွင်းခြင်း ၊ အစီအစဉ်မှူးများ ၊ အင်ဂျင်နီယာများ အချင်းချင်း အတွေ့အကြုံ ဖလှယ်ခြင်း စသည့် ကိစ္စများကို ဆောင်ရွက်သွားမည် ဖြစ်ကြောင်း သိရသည်။

တရုတ် ရုပ်သံ ဇာတ်လမ်းတွဲ စတင် ပြသခြင်း နှင့် အသံသွင်းခန်း ဆိုင်းဘုတ် တင်ပွဲ အခမ်းအနားသည် တရုတ်-မြန်မာ နှစ်နိုင်ငံ ခေါင်းဆောင်များ၏ သဘောတူညီမှုကို အကောင်အထည် ဖော် ဆောင်ရွက်ခဲ့သည့် လုပ်ငန်း တစ်ခုလည်း ဖြစ်ကြောင်း သိရသည်။

တရုတ် ရုပ်သံ ဇာတ်လမ်းတွဲ စတင် ပြသခြင်း နှင့် အသံသွင်းခန်း ဆိုင်းဘုတ် တင်ပွဲ အခမ်းအနားသို့တရုတ် နိုင်ငံတော် ကောင်စီ သတင်းဌာန ၊ နိုင်ငံတကာ ဆက်သွယ်ရေး ညွှန်ကြားရေးမှူးချုပ် မစ္စတာ ကျောက်ကျင့်ကော် ၊ မြန်မာနိုင်ငံ ဆိုင်ရာ တရုတ် သံမှူး မစ္စတာ ယန်ရှိုကျင်း ၊ တရုတ် ပြည်သူ့သမ္မတ နိုင်ငံ သတင်း ပုံနှိပ် ထုတ်ဝေရေး ၊ ရေဒီယို ၊ ရုပ်ရှင် နှင့် ရုပ်မြင်သံကြား စီမံခန့်ခွဲရေး နှင့် နိုင်ငံတကာ ဦးစီး ဌာန ဒုတိယ ညွှန်ကြားရေးမှူးချုပ် မစ္စ ကျုံးကျိဟုံ ၊ တရုတ် ပြည်သူ့သမ္မတ နိုင်ငံ ၊ ကွမ်ရှီးကျွမ့် ကိုယ်ပိုင် အုပ်ချုပ်ခွင့်ရ ဒေသ သတင်း ပုံနှိပ် ထုတ်ဝေရေး ၊ ရေဒီယို ၊ ရုပ်ရှင် နှင့် ရုပ်မြင် သံကြား စီမံ ခန့်ခွဲရေး ဌာန ညွှန်ကြားရေးမှူး မစ္စတာ ဖန်ကန်း ၊ တရုတ် ပြည်သူ့သမ္မတ နိုင်ငံ ၊ ကွမ်ရှီးကျွမ့် ကိုယ်ပိုင် အုပ်ချုပ်ခွင့်ရ ဒေသ ပြည်ကြားရေး ဝန်ကြီးဌာန ဒုတိယ ဝန်ကြီး ၊ ကွမ်ရှီးကျွမ့် ကိုယ်ပိုင် အုပ်ချုပ်ခွင့်ရ ဒေသ ပြည်သူ့အစိုးရ သတင်း ဌာနမှူး မစ္စတာ တန်ယာ့ဖင်း ၊ တရုတ် ပြည်သူ့သမ္မတ နိုင်ငံ ၊ ကွမ်ရှီး ပြည်သူ့အသံလွှင့် ဌာန ညွှန်ကြားရေးမှူးချုပ် မစ္စတာ ဖန့်ယိ တို့ပါဝင် တက်ရောက်ခဲ့သည်။(Xinhua)