ဗဟုအသွင်ကမ္ဘာ တည်ဆောက်ခြင်းနှင့် ကမ္ဘာ့စီးပွားရေး ပေါင်းစည်းမှုအား တွန်းအားပေးရာတွင် BRICS အဖွဲ့၏ အခန်းကဏ္ဍကို သမ္မတ ရှီ အလေးထားပြောကြား

ကာဇန်၊ ရုရှား၊ အောက်တိုဘာ ၂၄ ရက် (ဆင်ဟွာ)

၁၆ ကြိမ်မြောက် BRICS ထိပ်သီးအစည်းအဝေးအတွက် ကာဇန်မြို့၌ နိုင်ငံ့ခေါင်းဆောင်များ စုဝေးရောက်ရှိနေစဉ် တရုတ်နိုင်ငံ သမ္မတ ရှီကျင့်ဖိန်က BRICS အဖွဲ့၏ ယန္တရားသည် ဗဟုအသွင်ကမ္ဘာ အခင်းအကျင်းအား အထောက်အကူပြုခြင်းနှင့် ကျယ်ကျယ်ပြန့်ပြန့် ပါဝင်သော ကမ္ဘာ့စီးပွားရေး ပေါင်းစည်းမှုစနစ်အား မြှင့်တင်ခြင်းတို့အတွက် ဒေါက်တိုင်တစ်ခုဖြစ်သည်ဟု အောက်တိုဘာ ၂၂ ရက်၌ ပြောကြားခဲ့သည်။
ခေါင်းဆောင်များ၏ တရားဝင် အစည်းအဝေးများမတိုင်မီ ရုရှား သမ္မတ ဗလာတီမာပူတင်နှင့် တွေ့ဆုံစဉ်အတွင်း ရှီက အထက်ပါအတိုင်း ပြောကြားခဲ့ခြင်းဖြစ်သည်။ BRICS အဖွဲ့သည် ထွန်းသစ်စဈေးကွက်များနှင့် ဖွံ့ဖြိုးဆဲ နိုင်ငံများအကြား စည်းလုံးညီညွတ်မှု၊ ပူးပေါင်းဆောင်ရွက်မှုတို့အတွက် ကမ္ဘာကြီး၏ အရေးအပါဆုံး ပလက်ဖောင်းဖြစ်သည်ဟု ၎င်းက ပြောကြားခဲ့သည်။
ကမ္ဘာ့တောင်ဘက်ခြမ်း နိုင်ငံများအနေဖြင့် အခွင့်အလမ်းများ ပိုမိုရရှိနိုင်ရေးအတွက် BRICS ယန္တရား၏ အနာဂတ် တိုးတက်အောင်မြင်မှုများနှင့် ပတ်သက်၍ သမ္မတ ပူတင် အပါအဝင် ထိပ်သီးအစည်းအဝေး တက်ရောက်လာသည့် အခြားသော ခေါင်းဆောင်များနှင့် ခြေခြေမြစ်မြစ် ဆွေးနွေးမှုများ ပြုလုပ်ရန် မိမိအနေဖြင့် မျှော်လင့်ကြောင်းလည်း ရှီက ဆိုသည်။
BRICS အဖွဲ့၏ အလှည့်ကျဥက္ကဋ္ဌအဖြစ် ရုရှားနိုင်ငံက တာဝန်ယူစဉ်အတွင်း တရုတ်နိုင်ငံ၏ ထောက်ခံအားပေးမှုများအတွက် ကျေးဇူးတင်ရှိကြောင်း ပူတင်က ပြောကြားခဲ့ကာ BRICS အဖွဲ့အား တိုးချဲ့ခဲ့ပြီး BRICS ပူးပေါင်းဆောင်ရွက်မှုများကို အားပေးမြှင့်တင်ခဲ့ပြီးနောက် ပထမဆုံးပြုလုပ်သည့် BRICS ထိပ်သီးအစည်းအဝေး အောင်မြင်ရေးအတွက် တရုတ်နိုင်ငံနှင့် နီးနီးကပ်ကပ် ပူးပေါင်းဆောင်ရွက်ရန် ရုရှားနိုင်ငံက အသင့်ရှိကြောင်းလည်း ၎င်းက အလေးအနက်ပြောကြားခဲ့သည်။
တာတာစတန်၏ မြို့တော်ဖြစ်ကာ ရုရှားနိုင်ငံ၏ ပဥ္စမမြောက် အကြီးဆုံးမြို့ဖြစ်သည့် ကာဇန်မြို့မှာ သမိုင်းကြောင်းနှင့် ယဉ်ကျေးမှုအရ အရေးပါလျက်ရှိသည်။
လွန်ခဲ့သော နှစ်ပေါင်း ၄၀၀ ခန့်က နှစ်နိုင်ငံအကြား ပေါင်းကူးဆက်သွယ်ထားသည့် Great Tea Road လမ်းမအား ကာဇန်မြို့ကို ဖြတ်သန်းဖောက်လုပ်ခဲ့ခြင်းဖြစ်ကာ ထိုလမ်းမမှတစ်ဆင့် တရုတ်နိုင်ငံ ဝူရီ တောင်တန်းဒေသမှ လက်ဖက်ရွက်များကို ရုရှားနိုင်ငံဘက်ခြမ်းရှိ အိမ်ထောင်စု အများအပြားဆီသို့ သယ်ယူပို့ဆောင်ခဲ့ကြောင်း ပူတင်နှင့် တွေ့ဆုံစဉ် ရှီက ပြောကြားခဲ့သည်။
ရုရှားစာရေးဆရာကြီး လီယိုတော်စတွိုင်း၊ ရုရှားတော်လှန်ရေးခေါင်းဆောင် ဗလာတီမာ လီနင်တို့ ပညာဆည်းပူးခဲ့သည့် Kazan Federal တက္ကသိုလ်သည်လည်း ကာဇန်မြို့၌ တည်ရှိသည်။
အောက်တိုဘာ ၂၂ ရက် မွန်းတည့်ချိန်၌ ကာဇန် အပြည်ပြည်ဆိုင်ရာလေဆိပ်သို့ သမ္မတ ရှီ၏လေယာဉ် မဆင်းသက်မီတွင် ရုရှားဂျက်တိုက်လေယာဉ်များက လိုက်ပါစောင့်ရှောက်ပေးခဲ့သည်။ ဂုဏ်ပြုတပ်ဖွဲ့က ကော်ဇောနီခင်းထားသောလမ်း၏ တစ်ဖက်တစ်ချက်၌ စီတန်းနေရာယူကာ ရှီအား အလေးပြုခဲ့ပြီး ရိုးရာဝတ်စုံ ဝတ်ဆင်ထားသော ရုရှားလူငယ်များကလည်း ၎င်းအား နွေးထွေးလှိုက်လှဲစွာ ကြိုဆိုခဲ့သည်။
လေဆိပ်တွင် ရှီအား လာရောက်ကြိုဆိုနှုတ်ခွန်းဆက်သည့် ရုရှားအစိုးရ တာဝန်ရှိပုဂ္ဂိုလ် တစ်ဦးဖြစ်သည့် ကာဇန်မြို့တော်ဝန် အီလ်ဆာ မက်ထ်ရှင်က တရုတ် သမ္မတကြီးအား ဧည့်ခံကြိုဆိုခွင့်ရသည့်အတွက် ဂုဏ်ယူပါကြောင်း ဆင်ဟွာသတင်းဌာနသို့ ပြောကြားခဲ့သည်။
သုံးရက်ကြာကျင်းပမည့် ထိပ်သီးအစည်းအဝေးအတွင်း ရှီက ခေါင်းဆောင်များ၏ အစည်းအဝေးများနှင့် BRICS Plus ခေါင်းဆောင်များ၏ ဆွေးနွေးပွဲသို့ တက်ရောက်မည်ဖြစ်သည်။ သမ္မတရှီအနေဖြင့် လတ်တလော နိုင်ငံတကာရေးရာ အခြေအနေ၊ BRICS ပူးပေါင်းဆောင်ရွက်ရေး၊ BRICS ယန္တရား၏ တိုးတက်အောင်မြင်မှု၊ ဘုံအလေးထားစရာ အရေးကြီးကိစ္စရပ်များနှင့် စပ်လျဉ်း၍လည်း အခြားနိုင်ငံများမှ ခေါင်းဆောင်များနှင့် ခြေခြေမြစ်မြစ် အမြင်ချင်းဖလှယ် ဆွေးနွေးသွားမည်ဟု တရုတ်နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် မော်နင်က ပြောကြားခဲ့သည်။
ပိုမိုအင်အားကြီးထွားလာသော BRICS အဖွဲ့
BRICS ထိပ်သီးအစည်းအဝေးမှာ ကမ္ဘာ့တောင်ဘက်ခြမ်း နိုင်ငံများအနေဖြင့် ၎င်းတို့၏ လိုအပ်ချက်များကို ဖွင့်ဟထုတ်ဖော်နိုင်မည့် အခွင့်အလမ်းတစ်ခုဖြစ်သည်ဟု အကဲခတ်များက ရှုမြင်လျက်ရှိသည်။
BRICS အဖွဲ့၏ အလွန်အရှိန်အဟုန်ကောင်းသော ဖွံ့ဖြိုးတိုးတက်မှုနှင့် အဖွဲ့ဝင်နိုင်ငံများ၏ ဖွံ့ဖြိုးမှုတို့က ကမ္ဘာလုံးဆိုင်ရာ ကိစ္စရပ်များကို ကိုင်တွယ်ဖြေရှင်းမည့် ပလက်ဖောင်းတစ်ခု လိုအပ်နေမှုကို ထင်ဟပ်စေသည်ဟု Russian Peoples’ Friendship တက္ကသိုလ်မှ မဟာဗျူဟာရေးရာ သုတေသနနှင့် ခန့်မှန်းသုံးသပ်ရေး အင်စတီကျု၏ လက်ထောက်ညွှန်ကြားရေးမှူး ဗစ်တိုးရီးယား ဖယ်ဒိုဆိုဗာက ပြောကြားခဲ့သည်။
“BRICS ယန္တရားဟာ လွန်ခဲ့တဲ့ နှစ်ပေါင်း ၈၀ အတွင်း တစ်စတစ်စဖြစ်ပေါ်လာတဲ့ ကမ္ဘာလုံးဆိုင်ရာ ဖွံ့ဖြိုးတိုးတက်မှုရဲ့ မညီမျှမှုတွေကို ထိန်းညှိပေးရာမှာ အလွန်ကြီးမားတဲ့ စွမ်းပကားတွေရှိနေပါတယ်” ဟုလည်း ၎င်းက ဆိုသည်။
New Development Bank (NDB) မှာ BRICS ပူးပေါင်းဆောင်ရွက်မှု၏ အထင်ကရ စီမံကိန်းတစ်ခုဖြစ်သည်။ ထွန်းသစ်စ စီးပွားရေးနိုင်ငံများက တည်ထောင်ခဲ့သည့် ပထမဆုံးသော နိုင်ငံစုံပါဝင်သည့် ဖွံ့ဖြိုးတိုးတက်ရေးဘဏ်ဖြစ်ကာ ရှန်ဟိုင်းမြို့တွင် အခြေစိုက်သည့် NDB သည် BRICS အဖွဲ့ဝင်နိုင်ငံများတွင် အခြေခံအဆောက်အအုံကဏ္ဍ ဖွံ့ဖြိုးတိုးတက်ရေး၊ သန့်စင်စွမ်းအင်၊ သဘာဝပတ်ဝန်းကျင် ထိန်းသိမ်းကာကွယ်ရေးနှင့် ဆိုက်ဘာအခြေခံအဆောက်အအုံ တည်ဆောက်ရေးတို့အတွက် ဘဏ္ဍာရေးအကူအညီများကို ပံ့ပိုးပေးလျက်ရှိသည်။
BRICS ထိပ်သီးအစည်းအဝေးက အလွန်အရေးပါသည်ဟု ကာဇန်၌ ရောက်ရှိနေသည့် NDB ဥက္ကဋ္ဌ ဒီလ်မာ ရူးဆက်ဖ်က အောက်တိုဘာ ၂၂ ရက်၌ ပူတင်နှင့် တွေ့ဆုံစဉ်အတွင်း ပြောကြားခဲ့သည်။
BRICS အဖွဲ့သည် ဗဟုအသွင်ကမ္ဘာ အခင်းအကျင်း၏ ဗဟိုချက်အဖြစ် အခြားသော ကမ္ဘာလုံးဆိုင်ရာနှင့် ဒေသတွင်း အဖွဲ့အစည်းများနှင့်အတူ ပေါ်ထွက်လာခဲ့သည်ဟု ဗြိတိန်စာရေးဆရာနှင့် နိုင်ငံရေးလေ့လာသုံးသပ်သူ ကားလို့စ် မာတီနက်ဇ်က ဆိုသည်။ “အနောက်နိုင်ငံတွေရဲ့ သဘောထားတွေ လွှမ်းမိုးမှုကနေ ဖယ်ခွာပြီး ကမ္ဘာ့တောင်ဘက်ခြမ်း နိုင်ငံတွေအနေနဲ့ နိုင်ငံတကာဆက်ဆံရေး နယ်ပယ်မှာ လေးလေးနက်နက် ပြောရေးဆိုခွင့်ရှိလာဖို့ သိပ်ကိုအရေးကြီးပါတယ်” ဟုလည်း ၎င်းက ပြောကြားခဲ့သည်။
“အလုံးစုံပါဝင်မှုနဲ့ တန်းတူရည်တူရှိမှုအပေါ် အလေးထားတဲ့ BRICS အဖွဲ့ဟာ အဲဒီနိုင်ငံတကာဆက်ဆံရေး ပုံစံသစ်ရဲ့ လင်းလက်တောက်ပနေတဲ့ ကြယ်တစ်ပွင့်အနေနဲ့ အကျိုးပြုနေပါတယ်” ဟု ၎င်းက ထပ်လောင်းပြောကြားခဲ့သည်။
BRICS အဖွဲ့အနေဖြင့် မကြာသေးမီနှစ်များအတွင်း တိုးတက်မှုများ ထူးထူးခြားခြားရရှိခဲ့သည်မှာ ဧကန်မုချပင်ဖြစ်ကြောင်း၊ ထွန်းသစ်စ စီးပွားရေးနိုင်ငံများအား ဘဏ္ဍာရေး အရင်းအမြစ်များကို ပိုမိုလွယ်ကူစွာ လက်လှမ်းမီစေပြီး ကုန်သွယ်ရေး၊ ရင်းနှီးမြှုပ်နှံမှု၊ ဖွံ့ဖြိုးတိုးတက်မှုတို့အတွက် ပိုမိုကောင်းမွန်သော အခွင့်အလမ်းများကိုလည်း ဆောင်ကြဉ်းပေးလျက်ရှိကြောင်း တောင်အာဖရိကရှိ Walter Sisulu တက္ကသိုလ်မှ သုတေသီတစ်ဦးဖြစ်သူ ဇူကစ်စ်ဝါ ရိုဘိုဂျီက ပြောကြားခဲ့သည်။
ပညာရှင်များကလည်း BRICS ပူးပေါင်းဆောင်ရွက်မှုနှင့် ဖွံ့ဖြိုးတိုးတက်မှုတို့တွင် တရုတ်နိုင်ငံ၏ အခန်းကဏ္ဍကို မီးမောင်းထိုးပြခဲ့သည်။ တရုတ်နိုင်ငံက စတင်မိတ်ဆက်ခဲ့သည့် အဆိုပြုချက်အားလုံးသည် နိုင်ငံစုံ ပူးပေါင်းဆောင်ရွက်ရေးစနစ်၌ အခြေတည်ကာ အဆင့်အသီးသီး၌ အပြန်အလှန်ဆွေးနွေးမှု၊ ထိတွေ့ဆက်ဆံမှုများကို အားပေးလျက်ရှိသည်ဟု International Affairs at Kazan Federal တက္ကသိုလ်မှ ဒုတိယပါမောက္ခချုပ် တီမီယာခန်း အလီရှက်ဗ်က ဆင်ဟွာသို့ ပြောကြားခဲ့သည်။
“BRICS အဖွဲ့ တိုးတက်ဖြစ်ထွန်းရေးအတွက် တရုတ်နိုင်ငံက အများကြီး ကြိုးပမ်းအားထုတ်ခဲ့တာကို မြင်တွေ့ရပါတယ်” ဟု အလီရှက်ဗ်က ထပ်လောင်းပြောကြားခဲ့ကာ BRICS ပူးပေါင်းဆောင်ရွက်မှုအတွက် ကြိုတင်သတ်မှတ်ချက်မရှိဘဲ တန်းတူရည်တူ အဆင့်အတန်းကို အခြေခံ၍ အားလုံးနှင့် စတင်ဆွေးနွေးနိုင်ကြောင်း ၎င်းက ဆိုသည်။
ဆွဲဆောင်မှု ပိုမိုအားကောင်းလာ
ထွန်းသစ်စ စီးပွားရေးဈေးကွက်များဖြစ်သည့် ဘရာဇီး၊ ရုရှား၊ အိန္ဒိယ၊ တရုတ်တို့ကို ရည်ညွှန်းသော ရင်းနှီးမြှုပ်နှံမှု အယူအဆတစ်ရပ်အဖြစ် BRIC ဟူသော ဝေါဟာရအား Goldman Sachs ဘဏ်မှ ဦးဆောင်ဘောဂဗေဒပညာရှင်ဟောင်း ဂျင်မ်အိုးနေးလ်က ၂၀၀၁ ခုနှစ်တွင် ကနဦးတီထွင်ခဲ့ခြင်းဖြစ်သည်။ ၂၀၁၀ ပြည့်နှစ်၌ တောင်အာဖရိကနိုင်ငံ ပါဝင်လာြခင်းနှင့်အတူ BRICS အဖွဲ့ တရားဝင်ရုပ်လုံး‌ပေါ်လာခဲ့သည်။
ယမန်နှစ်က အဖွဲ့ဝင်အင်အား တိုးချဲ့ခဲ့ပြီးနောက် လက်ရှိတွင် BRICS အဖွဲ့က ကမ္ဘာလုံးဆိုင်ရာ အသားတင်ကုန်ထုတ်လုပ်မှုတန်ဖိုး (ဂျီဒီပီ) ၏ ၃၀ ရာခိုင်နှုန်းခန့်ကို ကိုယ်စားပြုလျက်ရှိကာ ကမ္ဘာ့လူဦးရေ၏ ထက်ဝက်နီးပါးနှင့် ကမ္ဘာလုံးဆိုင်ရာ ကုန်သွယ်မှု၏ ငါးပုံတစ်ပုံကိုလည်း ကိုယ်စားပြုလျက်ရှိသည်။
“ဂျီဒီပီအရ တိုင်းတာခန့်မှန်းကြည့်မယ်ဆိုရင် BRICS အဖွဲ့ဝင်နိုင်ငံတွေရဲ့ အရေးပါမှုဟာ G7 ထက်တောင် သာလွန်နေပြီဖြစ်ပါတယ်” ဟု မကြာသေးမီက ဆင်ဟွာသတင်းဌာနနှင့် အင်တာဗျူးတစ်ခု၌ ရူးဆက်ဖ်က ပြောကြားခဲ့သည်။
ရုရှားနိုင်ငံ၏ BRICS အဖွဲ့ အလှည့်ကျဥက္ကဋ္ဌ သက်တမ်းအတွင်း အဓိကဦးစားပေးလုပ်ငန်းစဉ်မှာ BRICS ၏ မူဘောင်ထဲသို့ အဖွဲ့ဝင်သစ်များကို ပေါင်းစည်းထည့်သွင်းရန်ဖြစ်သည်ဟု အဖွဲ့၏ တရားဝင် ဝက်ဘ်ဆိုက်၌ ဖော်ပြထားသည်။ လက်တွေ့ကျကျ ပူးပေါင်းဆောင်ရွက်လျက်ရှိသည့် အခြားသော နယ်ပယ်များအနက် ကုန်သွယ်မှုနှင့် တိုက်ရိုက်ရင်းနှီးမြှုပ်နှံမှု တိုးမြှင့်ရေး၊ ကာဗွန်ထွက်ရှိမှုနည်းသော စီးပွားရေးစနစ်သို့ ဟန်ချက်ညီညီနှင့် သာတူညီမျှရှိစွာ အသွင်ကူးပြောင်းမှုအား အထောက်အကူပေးရေးတို့ ပါဝင်ကြောင်း သိရသည်။
BRICS အဖွဲ့၏ဩဇာ ကြီးထွားလာသည်နှင့်အမျှ ဆွဲဆောင်မှုကလည်း ပိုမိုအားကောင်းလာခဲ့သည်။ ထိုင်း၊ မလေးရှား၊ တူကီယဲနှင့် အဇာဘိုင်ဂျန် စသည့် နိုင်ငံ ၃၀ ကျော်က အဖွဲ့ဝင်အဖြစ် တရားဝင်လျှောက်ထားခြင်း သို့မဟုတ် အဖွဲ့ဝင်ဖြစ်လာရန် စိတ်ဝင်စားမှုကို ထုတ်ဖော်ပြသခြင်းတို့ ပြုလုပ်ခဲ့ကာ အခြားသော ဖွံ့ဖြိုးဆဲနိုင်ငံ အများအပြားကလည်း BRICS အဖွဲ့နှင့် ပူးပေါင်းဆောင်ရွက်မှုများ ပိုမိုနက်နက်ရှိုင်းရှိုင်းရှိစေရန် ကြိုးပမ်းလျက်ရှိသည်။
“BRICS အဖွဲ့မှာ ပါဝင်ခြင်းက တခြားဖွံ့ဖြိုးဆဲနိုင်ငံတွေနဲ့ ပူးပေါင်းဆောင်ရွက်မှု တစ်ဆင့်တိုးလုပ်ဆောင်ရေးနဲ့ နိုင်ငံတကာနယ်ပယ်မှာ ဩဇာပိုမိုချဲ့ထွင်နိုင်ရေး အပါအဝင် ထိုင်းနိုင်ငံအတွက် အဘက်ဘက်ကနေ အကျိုးဖြစ်ထွန်းစေပါလိမ့်မယ်” ဟု ဘန်ကောက်အခြေစိုက် Panyapiwat Institute of Management မှ တရုတ် အာဆီယံအရေး လေ့လာမှုဆိုင်ရာ ဒါရိုက်တာ ထန်းကျစ်မင်က ဆိုသည်။
BRICS အဖွဲ့က ကမ္ဘာ့စီးပွားရေး ဖွံ့ဖြိုးတိုးတက်မှုအတွက် အင်ဂျင်တစ်လုံးဖြစ်လာကာ ကမ္ဘာလုံးဆိုင်ရာ မူဝါဒချမှတ်မှုတွင်လည်း အရေးပါသော အခန်းကဏ္ဍမှ ပါဝင်လျက်ရှိကြောင်း ၎င်းက ထပ်လောင်းပြောကြားခဲ့သည်။ (Xinhua)

……………………………
(English Version)
Xi underscores BRICS’ role in building multipolar world, driving globalization
KAZAN, Russia, Oct. 23 (Xinhua) — The BRICS mechanism is a pillar in promoting a multipolar world and fostering an inclusive economic globalization, said Chinese President Xi Jinping on Tuesday as leaders gathered in Kazan for the 16th BRICS Summit.
Xi made the remarks while meeting with Russian President Vladimir Putin ahead of the leaders’ formal meetings. He noted that BRICS is the world’s most important platform for solidarity and cooperation between emerging markets and developing countries.
He also voiced his hope to have in-depth discussions with Putin and other leaders participating in the summit on the future development of the BRICS mechanism, so as to secure more opportunities for the Global South.
Putin thanked China for its support during Russia’s presidency of BRICS, stressing that Russia is ready to closely cooperate with China to ensure the success of the first BRICS Summit after its expansion and bolster BRICS cooperation.
Kazan, the capital of Tatarstan and the fifth-largest city in Russia, holds historical and cultural significance.
Xi told Putin during their meeting that around 400 years ago, the Great Tea Road that connected the two countries went past Kazan, through which tea leaves from China’s Wuyi Mountain region found their way into many Russian households.
The city is also home to Kazan Federal University, where notable figures like the Russian writer Leo Tolstoy and Russian revolutionary leader Vladimir Lenin studied.
Russian fighter jets escorted Xi’s plane before its landing at the Kazan International Airport around noon on Tuesday. Guards of honor lined both sides of a red carpet to salute Xi, while Russian youths in traditional attire offered him a warm welcome.
Kazan Mayor Ilsur Metshin, one of the Russian officials who greeted Xi at the airport, told Xinhua that the city is honored to host the Chinese president.
During the three-day summit, Xi will attend small- and large-scale leaders’ meetings and the BRICS Plus leaders’ dialogue. He will also have in-depth exchanges with leaders of other countries on the current international situation, BRICS cooperation, the development of the BRICS mechanism and important issues of common concern, according to Chinese Foreign Ministry Spokesperson Mao Ning.
GREATER BRICS
Observers see the BRICS Summit as an opportunity for Global South countries to voice their needs.
Victoria Fedosova, deputy director of the Institute for Strategic Research and Forecasts of the Russian Peoples’ Friendship University, said the very dynamic development of BRICS and the growth in its membership reflect a demand for a platform to address global issues.
“The BRICS mechanism has enormous potential in adjusting the imbalances in global development accumulated over the last 80 years,” said Fedosova.
The New Development Bank (NDB) is a flagship project of BRICS cooperation. As the first multilateral development bank established by emerging economies, the NDB, headquartered in Shanghai, provides financing support for infrastructure development, clean energy, environmental protection, and the building of cyber infrastructure across BRICS countries.
Dilma Rousseff, president of the NDB who is also in Kazan, told Putin during a meeting on Tuesday that the summit is “very important.”
BRICS has emerged as “the core of this multipolar world” alongside other global and regional organizations, said British author and political commentator Carlos Martinez. “It is essential to move away from the dominance of Western voices and allow countries from the Global South to have a meaningful say in international relations.”
“BRICS, with its focus on inclusivity and equality, serves as a shining star of this new type of international relations,” he said.
Zukiswa Roboji, a researcher at Walter Sisulu University in South Africa, said that BRICS has “undoubtedly made notable strides in recent years,” offering emerging economies easier access to financial resources and better opportunities for trade, investment and development.
Experts also highlighted China’s role in BRICS cooperation and development. Timirkhan Alishev, vice rector for International Affairs at Kazan Federal University, told Xinhua that all initiatives introduced by China are rooted in multilateralism, fostering communication and dialogue on multiple levels.
“We see China puts a lot of efforts into developing BRICS,” said Alishev, adding that there are no preconditions for BRICS cooperation as one can begin dialogue on equal footing with everyone.
STRONGER APPEAL
The term BRIC was initially coined in 2001 by Jim O’Neill, former chief economist at Goldman Sachs, as an investment concept referring to emerging market economies of Brazil, Russia, India and China. With South Africa’s inclusion in 2010, BRICS officially took shape.
Following last year’s expansion, the BRICS grouping now represents approximately 30 percent of global GDP, nearly half of the world’s population, and one-fifth of global trade.
“Measured by GDP, the BRICS countries have already surpassed the G7 in importance,” said Rousseff in a recent interview with Xinhua.
One of the key priorities of Russia’s BRICS chairmanship is integrating the new members into the BRICS framework, according to the official website. Other areas of practical cooperation include boosting trade and direct investment, as well as fostering a balanced and equitable transition to a low-carbon economy.
As BRICS’ influence grows, its appeal has strengthened. Over 30 countries like Thailand, Malaysia, Türkiye and Azerbaijan have either formally applied for or expressed interest in its membership, while many other developing countries are seeking deeper cooperation with the group.
“Joining BRICS will benefit Thailand in many ways, including advancing cooperation with other developing countries and increasing its influence in the international arena,” said Tang Zhimin, director of China ASEAN Studies at the Bangkok-based Panyapiwat Institute of Management.
BRICS “has become an engine of growth for the world economy and plays an important role in global policymaking,” Tang added. Enditem
English Caption
Chinese President Xi Jinping arrives in Russia’s Kazan for the 16th BRICS Summit at the invitation of President of the Russian Federation Vladimir Putin, Oct. 22, 2024. (Xinhua/Xie Huanchi)