တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အစည်းအဝေးကျင်းပ၍ အစိုးရလုပ်ငန်းအစီရင်ခံစာ ဆွေးနွေး

ပေကျင်း၊ ဖေဖော်ဝါရီ ၂၈ ရက် (ဆင်ဟွာ)

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုသည် ဖေ‌ဖော်ဝါရီ ၂၈ ရက်တွင် အစည်းအဝေးကျင်းပ၍ နိုင်ငံတော်ကောင်စီက ၁၄ ကြိမ်မြောက် တရုတ်ပြည်လုံးဆိုင်ရာ ပြည်သူ့ကွန်ဂရက် တတိယအကြိမ် အစည်းအဝေး၌ စိစစ်အတည်ပြုရန် တင်ပြမည့် “အစိုးရလုပ်ငန်းအစီရင်ခံစာ” ကို ဆွေးနွေးခဲ့သည်။ အဆိုပါ အစည်းအဝေးကို တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ် ရှီကျင့်ဖိန်က ကြီးမှူးကျင်းပခဲ့ကြောင်း သိရသည်။

အစည်းအဝေးတွင် လွန်ခဲ့သည့်တစ်နှစ်အတွင်း ရဲဘော် ရှီကျင့်ဖိန်ကို အမှူးပြုသည့် တရုတ်ကွန်မြူနစ်ပါတီ ဗဟိုကော်မတီက အခြေအနေတစ်ရပ်လုံးကို ပေါင်းစည်း၍ ပြောင်းလဲမှုများအား တည်ငြိမ်စွာ ရင်ဆိုင်ကာ တရုတ်ကွန်မြူနစ်ပါတီတစ်ရပ်လုံး၊ တရုတ်တစ်နိုင်ငံလုံး တိုင်းရင်းသား ပြည်သူများအား စည်းလုံးညီညွတ်စွာ ဦးဆောင်၍ လူမှုစီးပွား ဖွံ့ဖြိုးတိုးတက်ရေး အဓိကရည်မှန်းချက်တာဝန်များအား အဆင်ပြေချောမွေ့စွာ ပြီးစီးအောင် ထမ်းဆောင်ခဲ့ကြောင်း ထောက်ပြခဲ့သည်။ တရုတ်နိုင်ငံ၏ စီးပွားရေးလည်ပတ်မှု အခြေအနေတစ်ရပ်လုံးသည် တည်ငြိမ်မှုများကြားတွင် တိုးတက်မှုရှိပြီး အရည်အသွေးမြင့် ဖွံ့ဖြိုးတိုးတက်မှုကို လက်တွေ့ကျကျဖော်ဆောင်ခဲ့ကာ လူမှုအသိုက်အဝန်း အခြေအနေတစ်ရပ်လုံး တည်ငြိမ်မှုကို ထိန်းသိမ်းထားနိုင်ခဲ့သည့်အပြင် တရုတ်ပုံစံ ခေတ်မီအသွင်ပြောင်းရေး၏ ခိုင်မာသော ခြေလှမ်းသစ်များ လျှောက်လှမ်းနိုင်ခဲ့ကြောင်းလည်း ပြောကြားခဲ့သည်။

အစည်းအဝေးတွင် ယခုနှစ်သည် ၁၄ ကြိမ်မြောက် ၅ နှစ်စီမံကိန်း၏ နောက်ဆုံးနှစ်ဖြစ်ပြီး အစိုးရလုပ်ငန်းများအား ကောင်းမွန်စွာလုပ်ဆောင်ရမည်ဖြစ်ကြောင်း၊ ရဲဘော် ရှီကျင့်ဖိန်ကို အမှူးပြုသည့် တရုတ်ကွန်မြူနစ်ပါတီ ဗဟိုကော်မတီ၏ ခိုင်မြဲသော ဦးဆောင်မှုအောက်တွင် ရှီကျင့်ဖိန် ခေတ်သစ်တရုတ် ဝိသေသလက္ခဏာဆောင် ဆိုရှယ်လစ်ဝါဒ အတွေးအခေါ်ကို လမ်းညွှန်ချက်အဖြစ် ထားရှိကာ တရုတ်ကွန်မြူနစ်ပါတီ၏ ၂၀ ကြိမ်မြောက် ပြည်လုံးဆိုင်ရာ ပါတီ ညီလာခံနှင့် ပါတီ ဗဟိုကော်မတီ ဒုတိယအကြိမ်မြောက် မျက်နှာစုံညီအစည်းအဝေး၊ ပါတီ ဗဟိုကော်မတီ တတိယအကြိမ်မြောက် မျက်နှာစုံညီအစည်းအဝေးစိတ်ဓာတ်ကို ဘက်စုံကျင့်သုံး လက်တွေ့ဖော်ဆောင်ရမည်ဖြစ်ကြောင်း၊ ဗဟိုစီးပွားရေးလုပ်ငန်း အစည်းအဝေး၏ ဖြန့်ကြက်မှုနှင့်အညီ တည်ငြိမ်စွာ တိုးတက်မှုကို အဓိကအခြေပြု၍ ဖွံ့ဖြိုးတိုးတက်မှု အယူအဆအသစ်ကို ပြည့်စုံတိကျစွာ ဘက်စုံဖော်ဆောင်ရမည်ဖြစ်ပြီး ဖွံ့ဖြိုးတိုးတက်မှု အခင်းအကျင်းအသစ် တည်ဆောက်မှုကို အရှိန်မြှင့်တင်ရမည်ဖြစ်ကြောင်း၊ အရည်အသွေးမြင့် ဖွံ့ဖြိုးတိုးတက်ရေးကို အထိုင်ကျစွာ တွန်းအားပေးဆောင်ရွက်ရမည် ဖြစ်သလို ပြုပြင်ပြောင်းလဲမှုကို ဘက်စုံ ထဲထဲဝင်ဝင် တစ်ဆင့်တိုးဖော်ဆောင်ပြီး အဆင့်အတန်းမြင့် တံခါးဖွင့်မှုကို တိုးချဲ့ကာ ခေတ်မီအသွင်ပြောင်း လုပ်ငန်းစနစ်ကို တည်ဆောက်ရမည်ဖြစ်ကြောင်း၊ ဖွံ့ဖြိုးတိုးတက်မှုနှင့် လုံခြုံရေးကို ပိုမိုကောင်းမွန်စွာ စီမံခန့်ခွဲ၍ ပိုမိုတက်ကြွသော မက်ခရိုမူဝါဒကို ဖော်ဆောင်ပြီး ပြည်တွင်းလိုအပ်ချက်ကို တိုးချဲ့ကာ သိပ္ပံနည်းပညာ ဆန်းသစ်တီထွင်မှုနှင့် လုပ်ငန်း ဆန်းသစ်တီထွင်မှုတို့ ပေါင်းစပ်ဖွံ့ဖြိုးတိုးတက်ရေးကို တွန်းအားပေးရမည်ဖြစ်ကြောင်း၊ အိမ်ခြံမြေနှင့် အစုရှယ်ယာဈေးကွက်ကို တည်ငြိမ်အောင် ထိန်းသိမ်း၍ အရေးပါသည့်ကဏ္ဍ ဆုံးရှုံးနိုင်ခြေနှင့် ပြင်ပထိုးနှက်မှုများကို ကြိုတင်ကာကွယ် ဖြေရှင်းရမည်ဖြစ်ကြောင်း၊ မျှော်မှန်းချက်ကို တည်ငြိမ်အောင် လုပ်ဆောင်ရင်း စွမ်းအားအသစ်များ နှိုးဆော်၍ စီးပွားရေး စဉ်ဆက်မပြတ် ပြန်လည်ဦးမော့လာမှု တိုးတက်ကောင်းမွန်စေရန် မြှင့်တင်ရမည်ဖြစ်ကြောင်း၊ ပြည်သူများ လူနေမှုဘဝ အဆင့်အတန်းကို အဆက်မပြတ် မြှင့်တင်ကာ လူမှုအသိုက်အဝန်း သဟဇာတဖြစ်မှုနှင့် တည်ငြိမ်မှုကို ထိန်းသိမ်းပြီး ၁၄ ကြိမ်မြောက် ၅ နှစ်စီမံကိန်း၏ ရည်မှန်းချက်တာဝန်များကို အရည်အသွေးမြင့်မားစွာ ပြီးမြောက်အောင် ဆောင်ရွက်၍ ၁၅ ကြိမ်မြောက် ၅ နှစ်စီမံကိန်း၏ ကောင်းမွန်သောအစအတွက် ခိုင်မာသော အခြေခံအုတ်မြစ် ချပေးရမည်ဖြစ်ကြောင်း အလေးထားပြောကြားခဲ့သည်။ ထို့ပြင် အစည်းအဝေးတွင် အခြားကိစ္စရပ်များကိုလည်း ဆွေးနွေးလေ့လာခဲ့သေးကြောင်း သိရသည်။ (Xinhua)

……………………….
(Chinese Version)
中共中央政治局召开会议 讨论政府工作报告
新华社北京2月28日电　中共中央政治局2月28日召开会议，讨论国务院拟提请第十四届全国人民代表大会第三次会议审议的《政府工作报告》稿。中共中央总书记习近平主持会议。
会议指出，过去一年，以习近平同志为核心的党中央统揽全局、沉着应变，团结带领全党全国各族人民顺利完成经济社会发展主要目标任务。我国经济运行总体平稳、稳中有进，高质量发展扎实推进，社会大局保持稳定，中国式现代化迈出新的坚实步伐。
会议强调，今年是“十四五”规划收官之年，做好政府工作，要在以习近平同志为核心的党中央坚强领导下，以习近平新时代中国特色社会主义思想为指导，全面贯彻落实党的二十大和二十届二中、三中全会精神，按照中央经济工作会议部署，坚持稳中求进工作总基调，完整准确全面贯彻新发展理念，加快构建新发展格局，扎实推动高质量发展，进一步全面深化改革，扩大高水平对外开放，建设现代化产业体系，更好统筹发展和安全，实施更加积极有为的宏观政策，扩大国内需求，推动科技创新和产业创新融合发展，稳住楼市股市，防范化解重点领域风险和外部冲击，稳定预期、激发活力，推动经济持续回升向好，不断提高人民生活水平，保持社会和谐稳定，高质量完成“十四五”规划目标任务，为实现“十五五”良好开局打牢基础。
会议还研究了其他事项。（完）