တျောက်ယွီသောင် လေပိုင်နက်ထဲသို့ ဂျပန်အရပ်ဘက်လေယာဉ် ကျူးကျော်ဝင်ရောက်မှုအပေါ် တရုတ်နိုင်ငံက ရှုတ်ချ

ပေကျင်း၊ မေ ၅ ရက် (ဆင်ဟွာ)
တျောက်ယွီသောင် လေပိုင်နက်ထဲသို့ ဂျပန်နိုင်ငံ၏ အရပ်ဘက်လေယာဉ်တစ်စင်း တရားမဝင် ဝင်ရောက်ခဲ့မှုအပေါ် တရုတ်နိုင်ငံ အမျိုးသားကာကွယ်ရေးဝန်ကြီးဌာန ပြောရေးဆိုခွင့်ရှိသူက မေ ၄ ရက်၌ ပြစ်တင်ရှုတ်ချခဲ့ပြီး ယင်းမှာ တရုတ်နိုင်ငံ၏ တစ်သားတည်းဖြစ်သော နယ်မြေအစိတ်အပိုင်း တစ်ခုပင်ဖြစ်ကြောင်း ထပ်လောင်းပြောကြားခဲ့ကာ နှစ်နိုင်ငံဆက်ဆံရေး မတည်မငြိမ်ဖြစ်စေနိုင်သည့် ရန်စသောလုပ်ရပ်များကို ရပ်တန့်ရန်လည်း ၎င်းက သတိပေးခဲ့သည်။
တရုတ်နိုင်ငံ အမျိုးသားကာကွယ်ရေးဝန်ကြီးဌာန ပြောရေးဆိုခွင့်ရှိသူ ကျန်းရှောင်ကန်းက မီဒီယာများ၏ မေးမြန်းမှုကို ပြန်လည်ဖြေကြားရာ၌ တရုတ်နိုင်ငံ၏ သင်္ဘောတင်ရဟတ်ယာဉ်တစ်စင်း ဂျပန်လေပိုင်နက်ထဲသို့ ချိုးဖောက်ဝင်ရောက်ခဲ့သည်ဟူသော ဂျပန်နိုင်ငံဘက်မှ ပြောကြားချက်များကို ပယ်ချခဲ့ပြီး ယင်းသည် “တာဝန်မဲ့သော” စွပ်စွဲပြောဆိုချက်ဖြစ်ကာ လိုရာဆွဲ၍ မမှန်မကန်ပြောဆိုခြင်း ဖြစ်သည်ဟု ၎င်းက ပြောကြားခဲ့သည်။
“တျောက်ယွီသောင်နဲ့ အဲဒီသောင်နဲ့ဆက်စပ်နေတဲ့ ကျွန်းတွေဟာ တရုတ်နိုင်ငံရဲ့ တစ်သားတည်းဖြစ်တဲ့ နယ်မြေပိုင်နက်ဖြစ်တယ်” ဟု ကျန်းက ပြောကြားခဲ့သည်။ “တျောက်ယွီသောင်ရဲ့ တရုတ်နိုင်ငံလေပိုင်နက်ထဲကို ဂျပန်အရပ်ဘက်လေယာဉ်က ခွင့်ပြုချက်မရှိဘဲ ဝင်ရောက်ခဲ့တာဟာ တရုတ်နိုင်ငံရဲ့ နယ်မြေပိုင်နက်နဲ့ အချုပ်အခြာအာဏာကို ပြင်းပြင်းထန်ထန် ထိပါးချိုးဖောက်မှုဖြစ်တယ်” ဟု ၎င်းက ဆက်လက်ပြောကြားခဲ့သည်။
တရုတ်နိုင်ငံ ကမ်းခြေစောင့်တပ်က ဂျပန်လေယာဉ်အား သတိပေး၍ မောင်းထုတ်ရန် လိုအပ်သော ထိန်းချုပ်ရေးအစီအမံများကို လုပ်ဆောင်ခဲ့ကြောင်း၊ ထိုသို့လုပ်ဆောင်မှုများမှာလည်း အလုံးစုံ တရားဝင်မှု၊ ဥပဒေနှင့်ညီညွတ်မှုရှိကြောင်း ကျန်းက ဆိုသည်။
ဂျပန်နိုင်ငံအနေဖြင့် ၎င်းတို့၏ နိုင်ငံသားများကို တင်းတင်းကျပ်ကျပ် ထိန်းချုပ်ရန်၊ အဆိုပါကျွန်းများ၏ အနီးတစ်ဝိုက်ရှိ လေပိုင်နက်နှင့် ရေပိုင်နက်တို့တွင် အခြေအနေ ပိုမိုရှုပ်ထွေးအောင် လုပ်ဆောင်ခြင်းကို ရှောင်ကြဉ်ရန် ကျန်းက တိုက်တွန်းခဲ့သည်။ ထို့အတူ ဂျပန်နိုင်ငံအနေဖြင့် မတည်ငြိမ်မှု၊ မလုံခြုံမှုတို့ကို ဖြစ်ပေါ်စေနိုင်ပြီး တရုတ်-ဂျပန် ဆက်ဆံရေး ပိုမိုကျယ်ပြန့်စွာ တိုးတက်မှုကို ထိခိုက်စေနိုင်သည့် လုပ်ရပ်များကို ရှောင်ကြဉ်ရန်လည်း ၎င်းက တိုက်တွန်းခဲ့သည်။
“တရုတ်နိုင်ငံအနေနဲ့ နိုင်ငံရဲ့ နယ်မြေပိုင်နက် အချုပ်အခြာအာဏာနဲ့ ပင်လယ်ရေကြောင်းဆိုင်ရာ အခွင့်အရေးတွေ၊ အကျိုးစီးပွားတွေကို အခိုင်အမာ ဆက်လက်ကာကွယ်သွားမှာဖြစ်တယ်” ဟု ၎င်းက ထပ်လောင်းပြောကြားခဲ့သည်။ (Xinhua)
………………….
(English Version)
China denounces Japanese civilian aircraft’s incursion into Diaoyu Dao airspace
BEIJING, May 4 (Xinhua) — A Chinese defense spokesperson on Sunday condemned the illegal entry of a Japanese civilian aircraft into the airspace over Diaoyu Dao, reiterating that this territory is an inherent part of China and warning Japan to stop provocative actions that could destabilize bilateral relations.
In response to questions from the media, Zhang Xiaogang, a spokesperson for the Ministry of National Defense, rejected claims by the Japanese side that a Chinese ship-borne helicopter had violated Japanese airspace, calling the accusation “irresponsible” and a distortion of facts.
“Diaoyu Dao and its affiliated islands are China’s inherent territory,” Zhang said. “The Japanese civilian aircraft’s unauthorized entry into Chinese airspace over Diaoyu Dao constituted a serious infringement of China’s territorial sovereignty.”
According to Zhang, the China Coast Guard took necessary control measures to warn and expel the Japanese aircraft — actions which he said were entirely legitimate and lawful.
Zhang urged Japan to strictly restrain its nationals and avoid further complicating the situation in the airspace and waters around these islands. He also called on Japan to refrain from actions that could “create instability and insecurity, and harm the broader development of China-Japan relations.”
“China will continue to take effective measures to firmly safeguard national territorial sovereignty and maritime rights and interests,” he added.