တရုတ်နိုင်ငံအနေဖြင့် ကမ္ဘာလုံးဆိုင်ရာ ကျန်းမာရေးကဏ္ဍအား ဆက်လက်ပံ့ပိုးသွားမည်ဟု ကတိကဝတ်ပြုကြောင်း တရုတ်နိုင်ငံ ကိုယ်စားလှယ်အဖွဲ့ ပြောကြား

ဂျီနီဗာ၊ မေ ၂၀ ရက် (ဆင်ဟွာ)
၇၈ ကြိမ်မြောက် ကမ္ဘာ့ကျန်းမာရေးညီလာခံ (WHA) တက်ရောက်ခဲ့သည့် တရုတ်နိုင်ငံ ကိုယ်စားလှယ်အဖွဲ့သည် တရုတ်နိုင်ငံ၏ လတ်တလော ကျန်းမာရေးဆိုင်ရာ တိုးတက်မှုအခြေအနေများ၊ ကမ္ဘာလုံးဆိုင်ရာ ကျန်းမာရေး စီမံခန့်ခွဲမှုအပေါ် အားဖြည့်ပံ့ပိုးမှုများနှင့် စပ်လျဉ်း၍ သတင်းမီဒီယာများအား ရှင်းလင်းပြောကြားခဲ့ပြီး လူသားအားလုံးအတွက် ကမ္ဘာလုံးဆိုင်ရာ ကျန်းမာရေးအသိုက်အဝန်း ထူထောင်ရန် တရုတ်နိုင်ငံ၏ ကတိကဝတ်ပြုမှုကိုလည်း ထပ်လောင်းအတည်ပြုခဲ့သည်။
တရုတ်နိုင်ငံအနေဖြင့် ပြည်သူလူထုနှင့် လူမှုဘဝကို နံပါတ်တစ်ဦးစားပေးသည့် မူဝါဒအား တစ်စိုက်မတ်မတ် ကျင့်သုံးကာ တရုတ်ပြည်သူ့ကျန်းမာရေး မဟာဗျူဟာ (Healthy China Initiative) အရ နိုင်ငံတစ်ဝန်း၌ အဓိကအစီအစဉ် ၁၈ ရပ်ကို ထုတ်ပြန်ကျင့်သုံးခဲ့ကြောင်း တရုတ်နိုင်ငံ အမျိုးသားကျန်းမာရေးကော်မရှင် (NHC) အကြီးအကဲနှင့် တရုတ်နိုင်ငံ ကိုယ်စားလှယ်အဖွဲ့ ခေါင်းဆောင်ဖြစ်သူ လေဟိုင်ချောင်က မေ ၁၇ ရက် သတင်းစာရှင်းလင်းပွဲ၌ ပြောကြားခဲ့သည်။
တရုတ်ပြည်သူများ၏ ပျမ်းမျှသက်တမ်းမှာ ၂၀၂၄ ခုနှစ်၌ ၇၉ နှစ်သို့ မြင့်တက်လာခဲ့ပြီး မိခင်နှင့် ကလေးငယ်များ သေဆုံးမှုနှုန်းမှာလည်း စံချိန်တင် ကျဆင်းသွားခဲ့ကြောင်း ၎င်းက ပြောကြားခဲ့သည်။
တရုတ်နိုင်ငံအနေဖြင့် ကမ္ဘာလုံးဆိုင်ရာ ကျန်းမာရေးစီမံခန့်ခွဲမှု၌ နက်နက်ရှိုင်းရှိုင်း ပါဝင်လျက်ရှိကာ လူသားအားလုံးအတွက် ကမ္ဘာလုံးဆိုင်ရာ ကျန်းမာရေးအသိုက်အဝန်း ထူထောင်မှုအပေါ် တရုတ်နိုင်ငံ၏ ကိုယ်ပိုင်အသိပညာများ၊ ခွန်အားများဖြင့် စဉ်ဆက်မပြတ် ပံ့ပိုးပေးလျက်ရှိသည်ဟု လေဟိုင်ချောင်က အလေးအနက်ပြောကြားခဲ့သည်။ တရုတ်နိုင်ငံအနေဖြင့် နိုင်ငံစုံပူးပေါင်းဆောင်ရွက်ရေးစနစ်အား ခိုင်ခိုင်မာမာ ထောက်ခံအားပေးကြောင်း၊ ကမ္ဘာလုံးဆိုင်ရာ ကျန်းမာရေးကိစ္စရပ်များတွင် အဓိကနေရာမှ ပါဝင်၍ ပေါင်းစပ်ညှိနှိုင်းပေးသော ကမ္ဘာ့ကျန်းမာရေးအဖွဲ့ (WHO) ၏ အခန်းကဏ္ဍကိုလည်း လေးလေးနက်နက် ထောက်ခံကြောင်း ၎င်းက ထပ်လောင်းအတည်ပြုခဲ့သည်။
စွမ်းဆောင်ရည် မြှင့်တင်ရန်နှင့် အဖွဲ့ဝင်နိုင်ငံများ၏ အကျိုးကို ပိုမိုထိရောက်ကောင်းမွန်စွာ သယ်ပိုးနိုင်ရန်အတွက် WHO အဖွဲ့အစည်းအတွင်းပိုင်း၌ ပြုပြင်ပြောင်းလဲမှုများကို တရုတ်နိုင်ငံက ကြိုဆိုလျက်ရှိသလို ဘဏ္ဍာရေးနှင့် ဝန်ထမ်းအင်အား ပံ့ပိုးပေးခြင်းဖြင့် အဆိုပါ ပြုပြင်ပြောင်းလဲမှုဖြစ်စဉ်၌ ပါဝင်ရန်လည်း အသင့်ရှိပါကြောင်း ၎င်းက ဖြည့်စွက်ပြောကြားခဲ့သည်။
ဂျီနီဗာမြို့ရှိ ကုလသမဂ္ဂရုံးနှင့် ဆွစ်ဇာလန်အခြေစိုက် အခြား နိုင်ငံတကာအဖွဲ့အစည်းများဆိုင်ရာ တရုတ်နိုင်ငံ အမြဲတမ်းကိုယ်စားလှယ် ချန်ရွှိက ထိုင်ဝမ်နှင့် သက်ဆိုင်သော အဆိုပြုချက်နှင့် စပ်လျဉ်း၍ ပြောကြားရာ၌ WHA တွင် ထိုင်ဝမ်၏ ပါဝင်မှုအပေါ် ကုလသမဂ္ဂ အထွေထွေညီလာခံ ဆုံးဖြတ်ချက်အမှတ်- ၂၇၅၈ နှင့် WHA ဆုံးဖြတ်ချက်အမှတ် ၂၅/၁ အရ သတ်မှတ်ပြဋ္ဌာန်းထားသည့်အတိုင်း တရုတ်တစ်နိုင်ငံတည်း မူဝါဒနှင့်အညီ တိတိကျကျ ကိုင်တွယ်ဆောင်ရွက်ရမည်ဟူသော တရုတ်နိုင်ငံ၏ တစ်သမတ်တည်းဖြစ်၍ ရှင်းလင်းပြတ်သားသည့် ရပ်တည်ချက်အား ထပ်လောင်းအတည်ပြုခဲ့သည်။
“မိမိတို့အနေနဲ့ ထိုင်ဝမ်နဲ့ပတ်သက်တဲ့ အဆိုပြုချက်မှန်သမျှကို ပြတ်ပြတ်သားသား ဆန့်ကျင်ပါတယ်” ဟု ချန်ရွှိက ဆိုသည်။ တရုတ်နိုင်ငံ ဗဟိုအစိုးရအနေဖြင့် တရုတ်တစ်နိုင်ငံတည်း မူဝါဒအရ ကမ္ဘာလုံးဆိုင်ရာ ကျန်းမာရေးကိစ္စရပ်များတွင် ထိုင်ဝမ် ပါဝင်မှုနှင့် စပ်လျဉ်း၍ သင့်လျော်သည့် အစီအမံများကို ချမှတ်ခဲ့သည်ဟု ၎င်းက အလေးအနက်ပြောကြားခဲ့သည်။ ယမန်နှစ်အတွင်း ထိုင်ဝမ်မှ ကျွမ်းကျင်ပညာရှင် ၁၂ ဦးအား WHO အဖွဲ့ ၁၁ ဖွဲ့၌ နည်းပညာပိုင်းဆိုင်ရာ လုပ်ငန်းဆောင်ရွက်မှုများတွင် ပါဝင်တက်ရောက်နိုင်ရန် ခွင့်ပြုခဲ့ကြောင်း သိရသည်။ ထိုင်ဝမ်နှင့် သက်ဆိုင်သည့် နည်းပညာပိုင်းဆိုင်ရာ ကူးလူးဆက်ဆံမှုများကိုလည်း တရုတ်တစ်နိုင်ငံတည်း မူဝါဒနှင့်အညီ ချောချောမွေ့မွေ့ ဆက်လက်လုပ်ဆောင်နိုင်ကြောင်း ၎င်းက ဖြည့်စွက်ပြောကြားခဲ့သည်။
တရုတ်နိုင်ငံ၏ တရုတ်တိုင်းရင်းဆေးပညာရပ် (TCM) အမျိုးသားအဆင့် စီမံခန့်ခွဲရေးဦးစီးဌာန ညွှန်ကြားရေးမှူးဖြစ်သူ ယွီယန့်ဟုန်က တရုတ်နိုင်ငံအနေဖြင့် ကျန်းမာရေးဆိုင်ရာ အလုံးစုံလွှမ်းခြုံနိုင်မှုကို အထောက်အကူပြုရန် တရုတ်တိုင်းရင်းဆေးပညာ၏ တစ်မူထူးခြားသော အားသာချက်များနှင့် စွမ်းပကားတို့ကို အပြည့်အဝ အသုံးချလျက်ရှိပြီး ပြည်သူတစ်ရပ်လုံးအတွက် အသက်အရွယ်အသီးသီး၌ အရည်အသွေးမြင့်မား၍ ထိရောက်သော၊ အများလက်လှမ်းမီ၍ ဈေးနှုန်းသင့်တင့်မျှတသော တရုတ်တိုင်းရင်းဆေး ဝန်ဆောင်မှုများကို ပေးအပ်လျက်ရှိသည်ဟု ပြောကြားခဲ့သည်။
အမျိုးသားအဆင့် ရောဂါကာကွယ်ထိန်းချုပ်ရေးဦးစီးဌာန လက်ထောက်ညွှန်ကြားရေးမှူး ရှကန်းကလည်း တရုတ်နိုင်ငံအနေဖြင့် လွန်ခဲ့သောနှစ်များအတွင်း မိမိတို့နိုင်ငံ၏ အခြေအနေများနှင့် အံဝင်ခွင်ကျဖြစ်သော ရောဂါထိန်းချုပ်ရေး မဟာဗျူဟာများကို တက်တက်ကြွကြွ ရှာဖွေလေ့လာခဲ့ရာ အထူးသဖြင့် စောင့်ကြည့်စစ်ဆေးမှု၊ ကြိုတင်သတိပေးမှုစနစ် တီထွင်ရာတွင် အပြုသဘောဆောင်သော ရလဒ်များ ဖြစ်ထွန်းခဲ့သည်ဟု ပြောကြားခဲ့သည်။
တရုတ်နိုင်ငံအနေဖြင့် ကမ္ဘာလုံးဆိုင်ရာ ပြည်သူ့ကျန်းမာရေး စီမံခန့်ခွဲမှု၌ WHO ၏ ဦးဆောင်မှု၊ ပေါင်းစပ်ညှိနှိုင်းပေးမှု အခန်းကဏ္ဍအား ဆက်လက်ထောက်ခံအားပေးမည်ဖြစ်ပြီး နိုင်ငံတကာ ကျန်းမာရေးစည်းမျဉ်းများ၊ ကပ်ရောဂါအရေး သဘောတူညီချက်ဆိုင်ရာ ဆက်စပ်လုပ်ငန်းစဉ်များနှင့် သက်ဆိုင်သော မိမိတို့၏ တာဝန်ဝတ္တရားများကို ကျေပွန်စွာထမ်းဆောင်ကာ ကမ္ဘာလုံးဆိုင်ရာ ပြည်သူ့ကျန်းမာရေး အာမခံချက်အား ကာကွယ်စောင့်ရှောက်သွားမည်ဟု ၎င်းက ဆက်လက်ပြောကြားခဲ့သည်။ (Xinhua)

………………………………
(English Version)
China committed to continuing contributions to global health: delegation
GENEVA, May 19 (Xinhua) — The Chinese delegation to the 78th World Health Assembly (WHA) has briefed the press on China’s recent health development and its contribution to global health governance, reaffirming China’s commitment to building a global community of health for all.
At a press conference on Saturday, Lei Haichao, head of China’s National Health Commission (NHC) and leader of the Chinese delegation, said that China upholds the principle of putting people and life first, and has rolled out 18 major programs nationwide under its comprehensive public health strategy – the Healthy China Initiative.
According to Lei, China’s average life expectancy has risen to 79 years in 2024 while maternal and infant mortality rates have reached historic lows.
Lei emphasized that China is deeply involved in global health governance, continuously contributing Chinese wisdom and strength to building a global community of health for all. He reaffirmed China’s firm advocacy for multilateralism and its strong support for the World Health Organization (WHO) in its central and coordinating role in global health affairs.
He added that China welcomes the WHO’s internal reforms to improve efficiency and better serve its member states, and stands ready to participate in the process through both financial and personnel support.
On the Taiwan-related proposal, Chen Xu, China’s permanent representative to the United Nations (UN) Office at Geneva and other international organizations in Switzerland, reaffirmed China’s consistent and clear position that Taiwan’s participation in the WHA must be handled in strict accordance with the one-China principle, as established by UN General Assembly Resolution 2758 and WHA Resolution 25.1.
“We firmly oppose any Taiwan-related proposals,” Chen said. He emphasized that, under the one-China principle, the central government has made appropriate arrangements for Taiwan’s participation in global health affairs. Over the past year, 12 experts from Taiwan have been approved to attend WHO technical activities in 11 groups. He added that any technical exchanges involving Taiwan that comply with the one-China principle can proceed smoothly.
Yu Yanhong, director of China’s National Administration of Traditional Chinese Medicine (TCM), stated that China has fully utilized the unique advantages and potential of TCM to promote universal health coverage, offering high-quality, efficient, convenient, and affordable TCM services to the entire population through all stages of life.
Xia Gang, deputy director of the National Disease Control and Prevention Administration, noted that in recent years, China has actively explored disease control strategies tailored to its national conditions, achieving positive results, especially concerning the monitoring and early warning system development.
Xia added that China will continue to support the WHO’s leadership and coordination role in global public health governance, fulfill its obligations under the International Health Regulations and related work on the pandemic agreement, and work to safeguard global public health security.
English Caption
The 78th World Health Assembly is held in Geneva, Switzerland, May 19, 2025. (Xinhua/Lian Yi)