တရုတ်နိုင်ငံ တာ့ချင့်တွင် “ဆရာဝန် bekov” တစ်ယောက်ရှိ

ဟားအယ်ပင်း၊ ဩဂုတ် ၁၁ ရက် (ဆင်ဟွာ)
“ဝမ့်ခွေကနေ လာတာလား၊ ခင်ဗျားက ကောက်စိုက်ပြီးတဲ့အထိ အချိန်ဆွဲပြီးမှလာတာ နည်းနည်းနောက်ကျနေပြီ”
“သမီးလေးကို သကြားလုံးတစ်လုံးပေးမယ်၊ ကုသမှု ကောင်းကောင်းခံယူပေးလို့၊ အခုတော်တော် သက်သာသွားပြီ၊ ပြန်သွားရင်လည်း ဆက်လုပ်ရမယ်နော်”
“အစ်မကြီး အပြင်မှာ ကျွန်တော့်ရဲ့ ၂ ယွမ်တန် ဘွတ်ကင်တင်လိုက်နော်၊ အထူးကုဘွတ်ကင်မတင်နဲ့”
တရုတ်နိုင်ငံ ဟေးလုံကျန်းပြည်နယ် တာ့ချင့်မြို့ မျက်စိအထူးကုဆေးရုံ နိုင်ငံတကာ အထူးကုဆရာဝန် စမ်းသပ်ခန်းနေရာတွင် အသက် ၆၆ နှစ်အရွယ် ဆရာဝန် bekov က ကျွမ်းကျင်သော တရုတ်အရှေ့မြောက်ပိုင်းဒေသစကားဖြင့် လူနာနှင့် ပြောဆိုလျက်ရှိသည်။ တာ့ချင့်မြို့၌ နှစ်ပေါင်း ၂၀ ကျော်ကြာ နေထိုင်ပြီးနောက် ၎င်းသည် “တရုတ်နိုင်ငံအကြောင်း ကျွမ်းကျင်သူ” ဖြစ်လာပြီဖြစ်သည်။
“ကျွန်တော့်ကို လာပြကြတဲ့ လူတော်တော်များများက အနီးတစ်ဝိုက် ကျေးရွာမြို့နယ်က သက်ကြီးရွယ်အိုနဲ့ ကလေးတွေပါ။ သူတို့ကဒီကို အဝေးကြီးလာရတာ။ သူတို့ အခေါက်ခေါက် အခါခါလာစရာမလိုအောင် ငွေသက်သာအောင် ကျွန်တော်က သူတို့ကို သေချာရှင်းပြရမယ်လေ” ဟု ဆရာဝန် bekov က ဆိုသည်။ လူနာများ၏ ယုံကြည်မှုပျက်သွားအောင် လုံးဝလုပ်လို့မရဟုလည်း ၎င်းက ပြောကြားခဲ့သည်။
ဆရာဝန် bekov ၏အမည်အပြည့်အစုံမှာ Saulebek Kabylbekov ဖြစ်သည်။ ၁၉၉၀ ပြည့်လွန်နှစ်များတွင် ကာဇက်စတန်နိုင်ငံ၏ ထူးချွန်လူငယ်ဆရာဝန်အနေဖြင့် ၎င်းသည် တရုတ်နိုင်ငံသို့ အကြိမ်များစွာလာရောက်ပြီး အလုပ်လုပ်ကိုင်၊ ကူးလူးဖလှယ်ခဲ့သည်။ ၁၉၉၈ ခုနှစ်တွင် တာ့ချင့် မျက်စိအထူးကုဆေးရုံ ထူထောင်ခဲ့ရာ ၎င်းသည် ဆေးရုံတွင် လာရောက်၍ နည်းပညာကူညီမှု လုပ်ဆောင်ပေးခဲ့ပြီး ထိုစဉ်က မျက်စိကုသရေးလောကတွင် ခေတ်မီသောနည်းပညာများစွာကို သယ်ဆောင်လာပေးခဲ့သည်။
ဆေးရုံတွင် ၂၇ နှစ်ကြာ အလုပ်လုပ်ကိုင်ခဲ့ရာတွင် ၎င်းက မကြာခဏ ပိတ်ရက်အသုံးချ၍ ပြည်ပဆေးကုသရေး အဖွဲ့အစည်းများသို့ သွားရောက်ပြီး နောက်ဆုံးပေါ် နည်းပညာနှင့် အယူအဆများ လေ့လာသင်ယူခဲ့ရာ ထူးချွန်သည့် တရုတ်လူငယ်ဆရာဝန် ဒါဇင်ချီ မွေးထုတ်ပေးခဲ့သည့်အပြင် မျက်စိလူနာပေါင်း ၂၀၀,၀၀၀ ကျော် လက်ခံကုသပေးခဲ့သည်။
“အခု တရုတ်နိုင်ငံရဲ့ မျက်စိကုသရေးအဆင့်အတန်းက အလွန်မြင့်သလို ကမ္ဘာ့ခေတ်မီစက်ပစ္စည်းတွေလည်း ရှိပါတယ်” ဟု Saulebek Kabylbekov က ဆိုသည်။ ယခင်က ပြည်ပသို့သွားရောက်၍ ပညာရပ်ဖလှယ်မှုများ လုပ်ဆောင်ရသော်လည်း ယခုအခါ တရုတ်နိုင်ငံပြည်တွင်း၌ပင် အဆင့်မြင့် ပညာရပ် ကူးလူးဖလှယ်မှု လှုပ်ရှားမှုများတွင် ပါဝင်နိုင်ပြီဖြစ်သည်။ ၂၀၂၄ ခုနှစ်တွင် Saulebek Kabylbekov က ပြည်သူ့ခန်းမဆောင်၌ တရုတ်နိုင်ငံအစိုးရ ချစ်ကြည်ရေးဆု ချီးမြှင့်ခံခဲ့ရသည်။
ဂုဏ်ပုဒ်များစွာရရှိထားသည့် Saulebek Kabylbekov သည် ၂၀၁၁ ခုနှစ်တွင် တရုတ် “သားမက်” ဖြစ်လာခဲ့သည်။ ယခုနှစ်တွင် ၎င်းသည် တရုတ်နိုင်ငံ အမျိုးသား လူဝင်မှုကြီးကြပ်ရေးဌာနမှ ထုတ်ဝေပေးသည့် “နိုင်ငံခြားသား ရာသက်ပန်နေထိုင်ခွင့်လက်မှတ်” ရရှိခဲ့သည်။
“လာခါစတုန်းက ဆံပင်အရမ်းထူတာ၊ နှုတ်ခမ်းမွေးလည်း မည်းသေးတယ်။ အခုအကုန်ဖြူကုန်ပြီ” ဟု Saulebek Kabylbekov ဆိုသည်။ “ကျန်းမာရေးအခြေအနေအရ လုပ်နိုင်သေးတယ်ဆို ကျွန်တော်က ဆက်ပြီး အလုပ်လုပ်ဦးမှာပါ” ဟု ၎င်းက ပြောကြားခဲ့သည်။ (Xinhua)

တရုတ်နိုင်ငံ ဟေးလုံကျန်းပြည်နယ် တာ့ချင့်မြို့ရှိ မျက်စိအထူးကုဆေးရုံ လူနာဆောင်တွင် လှည့်လည်ကြည့်ရှုစဉ် လူနာနှင့် လက်ဆွဲနှုတ်ဆက်နေသော Saulebek Kabylbekov ကို ၂၀၂၅ ခုနှစ် ဇူလိုင် ၁၇ ရက်က တွေ့ရစဉ် (ဆင်ဟွာ)

——————–
(Chinese Version)
新华全媒+丨大庆有个“别克医生”
新华社照片，哈尔滨，2025年8月10日
“望奎来的，你这是拖到种完地才来，有点耽搁了。”“小朋友给你一块糖，奖励你配合治疗，现在好多了，回去再坚持一下。”“大姐出去挂一个我的2块钱的号就行，别挂那个专家号！”在大庆眼科医院国际专家诊区，66岁的别克医生用一口流利的东北话与患者沟通。在大庆生活二十多年，他早已成为“中国通”。“来找我看病的人很多是周边乡镇的老人和孩子，他们来这里很远，我需要给他们讲清楚，帮他们省钱，不让他们来回跑。”别克说，绝对不能辜负患者的信任。
别克医生全名卡培拉别科夫·萨夫留别克·萨达维奇。20世纪90年代，作为哈萨克斯坦的优秀青年医生，他曾多次来中国工作、交流。1998年，大庆眼科医院成立，他来到医院进行技术援助，带来了多项当时眼科界的先进技术。
在医院工作27年，他常常利用假期到国外医疗机构学习最新的技术与理念，培养出数十位优秀中青年医生，接诊眼疾患者超过20万人。“现在中国眼科医疗水平很高，也有世界领先的设备。”别克说，从前都是要出国参加学术交流，现在在中国国内就可以参加高水平的学术交流活动。2024年，别克在人民大会堂获颁中国政府友谊奖。
2011年，收获无数荣誉的别克，成为中国“姑爷”。今年，他获得了由国家移民管理局颁发的“外国人永久居留身份证”。“刚来的时候头发很密，还是黑色胡子，现在都白了。”别克说，“只要身体条件允许，我还会在这里继续工作。”
图说1、7月16日，别克在大庆眼科医院的诊室内为患者做检查。 新华社记者 张涛 摄
图说2、7月17日，在大庆眼科医院的病房，别克在查房中与患者握手。新华社记者 张涛 摄